المقادير الرقاق الطري الفلاحي
2 كوب دقيق
رشة ملح
معلقة صغيرة سكر
معلقة صغيرة سمن بلدي
لبن رايب للعجن
طريفه التحضير
اخلطي كل المقادير مع بعضها البعض
ضيفي اللبن الرايب بالتدريج حتي تصبح العجينة تلم معاكي وتبقى طرية
اتركي العجينة ترتاح نص ساعة في الطبق ثم غطيها بفوطة نظيفة
دورى العجينة كور صغيرة لو عايزة الرقاق صغير، أو كبيرة لو عايزة رقاق كبير حسب اختيارك
افردي الكور على سطح مرشوش دقيق
سخني طاسة تيفال كبيرة او اي نوع اخر المهم من النوع التي لا تلصق
ضعي أول رقاقه قومتي بفردها على الطاسة،وأول ما تلاقيها اتحركت واحمرت خفيف، قلبيها
بعد كل رقّاقتين امسحي الطاسة بالقماشة المبلولة علشان ما تسخنش جدا
متحمرهوش لدرجه انه يتحرق محتاجينه طري
أول ما تطلعي الرقاق دخليه في كيس نايلون علشان يفضل طري ومرن
يستخدم في السندوتشات بجميع انواعها تحفه
بالف هنا وشفا
يُعرف الرقاق الطري بهذا الاسم لسببين رئيسيين: أولهما أنه يُصنع من عجينة رقيقة جدًا، والرق هو اسم يطلق على الشيء الرقيق أو النحيف. وثانيهما، أن هذه العجينة تكون طرية وليست قاسية أو يابسة، مما يجعلها سهلة الطي والتشكيل.
