كيكة الشاي
المقادير:
2 ونص كوب دقيق منخول
1 كوب سكر
1 كوب لبن او زبادي
3/4 كوب زيت
3 بيضات
1 ملعقة كبيرة بيكنج بودر
1 ملعقة صغيرة فانيليا
رشة ملح
مبشور برتقال أو ليمون
طريقه التحضير
سخني الفرن على درجة حرارة 180 وجهزي صينية مدهونة بالزيت ومرشوشة دقيق أو مبطنة بورق زبدة.
في وعاء، اخفقي البيض مع السكر والفانيليا لمدة 3-5 دقايق لحد ما الخليط يبقى لونه فاتح وهش.
ضيفي الزيت واللبن واخلطي تاني لحد ما يتجانس الخليط.
في وعاء تاني، انخلي الدقيق مع البيكنج بودر ورشة الملح، وبعدين ضيفيهم بالتدريج على الخليط السائل وقلبي بمعلقة خشب أو سباتولا من تحت لفوق.
صبي الخليط في الصينية واخبزيها لمدة 30-40 دقيقة أو لحد ما تدخل سكينة وتطلع نظيفة.
سيبيها تبرد شوية و قدميها مع الشاي
وبالف هنا وشفا
