محررتنا اليوم د:مريم سامي حتقدم لنا موهبة جديدة في مجال جميل هو فن التصوير ومع عاشق الكاميرا /مايكل مجدي 

مايكل مجدى…عاشق الكاميرا

*اضحك …الصورة تطلع حلوة 😊
دا اللى كلنا عارفينه ..بس دلوقتى الصورة مش مجرد ضحكة حلوة
…لااااا دا فى حاجات كتير قوى بتحلى الصورة دا فن ملوش حدود ….دى نظرة خاصة من عين فنان واحساس مختلف واضافات ورطوش ومؤثرات واسرار كتير تخلى الصورة احلى واحلى

*النهاردة معادنا مع حكاية جديدة وموهوب جديد فى مجال جديد وفن التصوير
معانا الفوتوجرافر
…مايكل مجدى

*مايكل 27 سنة من الزقازيق محافظة الشرقية …ودرس تجارة

*وهو عنده 15 سنة فكر زى اى حد يجيب كاميرا جديدة ويتصور هو واصحابه …ومن هنا كانت البداية …….
*فوجئ مايكل باصحابه انه معجبين جدا بالصور وانها فيها احترافية شديدة
ودا اللى خلاه يبتدى يفكر فى الموضوع بنظرة مختلفة

*اكتر حد شجعه انه ياخد خطوات حقيقية كانت اخته مادونا

*بدأ مايكل يتعلم اكتر ويطور من نفسه وياخد خبرات
*واول سيشن تصوير عمله كان تصوير خطوبة لأحد اصدقائه ومن هنا كان الانطلاق

*مايكل اكتر سيشن بيحب يصوره هو سيشن الميكب لأنه بيلقى نفسه فيه جدا وبيتطور فيه بسرعة
وبيعشق شغل البيوتى ميكب الخليجى

*ولما سألته ايه الصعوبات اللى بتواجهك دا كان رده
(((التسويق من اكتر الصعوبات ودا بعمله عن طريق الاعلانات على النت وهو مكلف لكنه بيعمل شهرة وبيعرف الناس بشغلى
….وتانى صعوبة بتواجهنى هى ازاى ارضى العميل واوصل معاه لاكتر حاجة تريحه )))))

*مايكل طموحاته ان يطور اكتر من نفسه ويبقى له استوديو خاص بيه ويتعرف اكتر

*وتمنياتنا لمايكل انه يحقق امنياته وربنا يوفقه ويبقى من احسن الفوتوجرافرز

*والى لقاء جديد وحكاية وموهبة جديدة
انتظرونى ..
.دكتورة ..مريم سامى