فن الميكب ارتيست
اليوم تصحبنا محررتنا المبدعة / د.مريم سامي الي عالم جديد عالم الجمال للمرأة
مع فنانة جديدة لها طابع خاص ولمسات خاصة بها فهي بأناملها الرقيقة وفرشاتها
تجعل من المرأة أنوثة وجمال اخر معنا اليوم الفنانة الرقيقة الميكب ارتيست /هالة عاطف
فنانة الميكب ارتيست هالة عاطف …
….تقول متعتى اظهار جمال المرأة …..
****
…كل امرأة ربنا اداها جمال مميز جمال داخلى وجمال خارجى لكن اوقات كتير ممكن احنا نشوه الجمال دا وممكن نبرزه ….
*النهاردة معادنا مع موهبة جديدة مختلفة جدا ..هى فنانة من نوع مختلف بترسم
وتبدع على لوحة مختلفة مش لوحة ورق لكن لوحة من صنع ربنا …هى مش بتغير
الجمال الطبيعى اللى ربنا بيديهولنا لكنها بتبرزة وتوضحه بذوقها وفنها
هى من مدرسة …..اظهار الجمال الداخلى وابرازه مش تغييره
النهاردة معادنا مع الميكب ارتيست …هالة عاطف …
*** هاله عاطف سامي
. ليسانس اداب وتربيه قسم لغه انجليزيه
***.بدات تحب الميكب من اخر اعدادي واول ثانوي… لما كان بيستهويها ترسم رسمه العين لان نظره العين بتبين الانسان وبتديله ثقه في شكله ومظهره
و لما العين بتبقي حلوه بتبقي عايزه الوش كله متناسق وحلو
***هالة كانت بتتابع علي التلفزيون كتير و بتتابع الجديد وتطبقه علي نفسها وعلي اختها وصحابها
… اعياد ميلاد ….حفلات تخرج …مناسبات بسيطه
**هالة بدأت تطور كتير من نفسها وتجرب ماركات كتير وتعرف اكتر عن البشرات وكل ده هوايه فقط
***هالة اشتغلت في في قسم HR
كارفور الhead office فتره بحكم لغتها الانجلش المتقنة لكن محستش بنفسها بتعمل حاجه بتحبها
***هالة اتجوزت واشتغلت فى
التدريس اللي هو مجالها وتخصصها اصلا لمده سنتين في مدرسه خاصه والحياه استمرت لكن مرتحتش في الاخر
.. حست انها بتعمل حاجه شاقه ومش بتحبها قوي بس اديتها خبره وطوله بال في التعامل
*** قعدت هالة فتره صغيره من غير شغل
بس كنت بتنمي موهبتها وبتطلع علي كل جديد في مجال الميكب
لحد ماقررت تعمل جروب صغير للميكب ونزلت عليه لوكات ليها مختلفة
وطبعا لقت كتير من الناس بتشجعها واصحابها بيدعموها ومن هنا كانت الانطلاقة لهالة
*** فيه سنتر كلم هالة علشان تعمل ميكب للعرايس والخطوبات والسواريه وفي الوقت ده بس لقيت نفسها بجد
****واحده واحده ابتدت هالة السلم من اوله والميكب بقي عشقها وبقي شغلها واختصاصها وبقت متعتها
***وهى مستمرة من اكتر من 4 سنوات فى المجال الجميل دا وكل يوم بتتعلم الجديد وبتبدع اكتر من اليوم اللى قبله وبتتابع احدث الموضات وكل جديد فى عالم الميكب
***هالة مأخدتش كورسات لكن علمت نفسها بنفسها لان اهم حاجة من وجهة نظرها هو الذوق والاحساس ومع متابعة كل جديد والقراية والاطلاع على كل انواع البشرات وكيفية التعامل معاها
ومع كتر الممارسة ..اكتسبت هالة خبرة كبيرة واتطورت جدا
****لما سألت هالة مين اكتر حد شجعك وفرق معاكى ؟؟؟دى كانت اجابتها
(((والدتى اول واكتر واحدة شجعتنى من البداية وكانت دايما تقوللى هيكون ليكى مستقبل كبير …
…لكن بعد كدا اللى كان ليه فضل كبير جدا هو زوجى ….
لانه كان بيدعمنى ويشجعنى ويعرف الناس بيا …كان بيتحمل تقصيرى فى بعض الامور لما بكون مشغولة جدا ….فانا بدين له باكبر فضل
…واصحابى قامو معايا بدور كبير كانو دايما يعملولى دعاية كبيرة ويعرفو الناس بيا ))))
****ولما سألتها ايه اكتر الصعوبات اللى بتواجهك ؟؟؟؟؟
دا كان ردها
((((
الحقيقة اول حاجة انها مهنه شاقه جدا في وقفتها وتعبها بس كونى بعمل حاجه بحبها هو دا اللى بيضيع التعب
تانى حاجة صعوبة اقناع عرايس او بنات كتير بالميكب المناسب لانهم اوقات كتير بيطلبو طلبات لاتليق ببشرتهم او شكلهم وانا محبش اطلع شغل مش مظبوط فلازم اقنعها بالمناسب ليها )))))
****هالة مختلفة جدا فى موضوع التسويق لشغلها مكانتش بتفكر تعمل اعلانات لشغلها على النت مثلا
…. لكن ..شغلها هو اللى عمللها اكبر دعاية … اصحابها وكل اللى اتعاملو معاها كانو بيقومو بالتسويق لهالة والدعاية لشغلها دا من روعة شغلها وفنها يعنى نقدر نقول شغلها يتحدث عن نفسه
*****هالة اكبر متعة ليها انها تشوف الفرحة فى عيون كل بنت او عروسة لانها بتشوف احساس البنت بظهور جمالها وثقتها فى نفسها
وزى ماقالتلى
كل امرأة ربنا اداها جمال خاص
لكن مهمتى انا هو ابراز جمالها مش تغييره
جميلة جدا ياهالة زى القمر وشغللك كله تحفة
هالة الجميلة وذوقها احمل واجمل
تسلم ايديكى يا احلىى ميكب ارتيست
😍😍😘😘😘😘😘😘😘
اشكر الدكتوره مريم علي الحوار الجميل الممتع واتمني ليها كل السعاده كما اسعدتيني بالحوار الزوق والراقي مزيد من النجاج والتوفيق لك ولكل من له يد في ابراز المواهب في كل الجوانب الانسانيه