بنات كتير بتشوف الميكب حاجه صعبه و أنك تعملى لنفسك الميك المناسب دى حاجه أصعب ،،في المقال دة هنتعلم طريقه العنايه لكل انواع البشره وايه الحاجات الي تنفع معاكي وازاي تعملي ميك اب من الصفر لحد ما تبقي محترفه .
كان لينا حوار مع الميكب أرتيست الجميله رحاب المغربي والى ليها تجارب و خبرات في المجال من سنين و بسؤالها عن طريقه وضع الميكب السليم قالتلنا بعض أسرار النجاح ..
اولا : الميك اب ده فن وليه مبدأه واساسيات عشان تعملي ميك اب صح من غير ولا غلطه ويداري عيوب الوش ويبرز الاماكن الصح في الوش لازم يبقي في خطوات نعملها صح عشان تدينا النتيجه الي عاوزينها .
اول حاجه لازم نجهز الوش للميك اب ازاي بقي ؟؟
1-: لازم قبل الميك تغسلي وشك بالغسول المناسب لنوع بشرتك (دهنيه – جافه – مختلطه) ، وفي انواع غسول بتنفع لكل انواع البشره زي ناتري وسينوبار ودول حلوين جدا عن تجربه .
2- تاني: حاجه لازم نقفل المسام ونضف الشوائب المتعلقه بيها بالتونر واحسن تونر ممكن تستخدميه مايه الورد من العطار او السبرتوا الابيض من الصيدليه بتجيبي قطنه وتحطى عليها التونر وتمسحي بيها وشك ورقبتك.
3-تالت: خطوة ودى مهمه جدا جدا لازم لازم ترطبي وشك كويس جدا بنوع مرطب ينفع لنوع بشرتك ..
و بسؤال رحاب المغربي عن أزاى ممكن نحدد نوع بشرتنا بسهوله ؟
بصي ياسيتي هاتي اي صابونه طبيه من الصيدليه وبليل بعد ماتخلصي كل مشواريك واشغالك اغسلي وشك بالصابونه واستني ساعتين وبعد كدة بصي في المرايه لو شفتي وشك جاف من غير اي زيوت يبقا البشرة نوعها جاف.
لو قيتي وشك كله بيلمع لمعه خفيفه يبقا بشرتك عاديه
لو لقيتي وشك بيلمع قوى وكله زيوت ودهون تبقا بشرتك دهنيه.
لو لقيتي بشرتك بتلمع من القورة والانف والذقن فقط والخدود جافه يبقا بشرتك مختلطه.
رحاب المغربي قولتيلنا في البدايه ان خطو ة من خطوات الميكب هى الترطيب ممكن توضيح هدف الخطوة دى ؟؟
-هقولك ، المرطب قبل الميك اب بيعمل طبقه عازله بين بشرتك والميك اب يعني بشرتك مش هتتاذي بنفس الضرر الي مش بتكوني حاطه مرطب ؛كمان المرطب تحت الميك بيدي منظر صحي لبشرتك مش كأنك داهنه وشك ومجير او الفاونديشن مقشر او ممكلكع
كمان في بنات لما بيحطوا الفانديشن بيخطط علي وشهم او بيبان الخطوط التعبريه في الوش فيبدي منظر مش كويس المرطب بقي بيقلل من الخطوط دي لانه بيملاها قبل الفاونديشن. وبيطرى البشرة فبيخلي الخطوط التعبيريه لينه و ماتحتفظش جواها بالفاونديشن وتكتله ،،
بس بأكد اهو ان لازم المرطب الي ينفع لنوع بشرتك لانك لو حطيتي مثلا مرطب للبشره الجافه وانتي بشرتك دهنيه هتلاقي وشك بينزل سمنه .
ودى كانت أهم نصايح خبيرة التجميل والميكب أرتيست رحاب المغربي على وعد بلقائات تانيه هنكمل فيها كل ما يهم البنات والسيدات في عالم الميكب ..
كنتم مع /رحاب الخطيب في الميكب المميز سر جمالك..مع رحاب المغربي
تعليق واحد