مصطفي سيد طفل التوحد يتكلم ٥ لغات
بقلم دكتورة .. مريم سامي
مصطفي سيد طفل التوحد يتكلم ٥لغات**من اجمل الحاجات
اللي حصلتلي حقيقي هي اني اتعرفت علي ابطال كتير من ذوي الهمم واسرهم
كل يوم بعرف بطل جديد وبكتب عنه واليوم معنا البطل :
مصطفي سيد طفل التوحد يتكلم ٥ لغات بقلم
*****لكن النهاردة اول مره اكتب عن بطل من اطفال التوحد
****النهارده هكلمكم عن بطلنا الجميل. مصطفي سيد محمد احمد
***طول عمري كنت فاكره ان اطفال التوحد مبيتكلموش وانهم منعزلين
لكن اكتشفت بعد كدا ان فيهم ابطال في منتهي الذكاء اذكي من الاطفال
الطبيعين وانهم عندهم مواهب تفوق اطفال كتير طبيعيين
****ومصطفي بطل جميل ربنا اداله مواهب كتيره قوي تعالو نعرف حكايته
مصطفي سيد طفل التوحد يتكلم ٥ لغات عنده ١٥ سنه
هو الطفل الاوسط له اخ اكبر واخت اصغر بيحبوه جدا وبخافو عليه
والدته اكتشفت حالته وهو عنده ٦ شهور
وابتدت معاه جلسات تخاطب وتعديل سلوك وتنميه مهارات وهو عنده ٣ سنوات
لحد ما بقي احسن كتير واصبح بيتكلم ٥ لغات
مصطفي دخل مدرسه عاديه بس فيها نظام الدمج لمراعاه حالته
مصطفي عنده مواهب كتير
بيحب الاستعراض والغناء وشارك في تقديم استعراض صغيره علي الحب قدام وزير الشباب والرياضه
وكمان مصطفي بيحب الرسم جدا وشارك في مسابقه المواهب الذهبيه واخد شهادات تقدير في الرسم
مش بس كدا. دا مصطفي بطل رياضي اخد ميداليه في بطوله كره القدم والسلهوبيلعب العاب قوي
والاجمل بقي انه كمان اخد ميداليات في حفظ القران الكريم.
*** اكتر حد بيشجع مصطفي وواقف جنبه بعد والدته هو والده
ومصطفي نفسه يعيش وسط الناس ويفهموه ويعاملوه معامله حلوه نفسه يندمج مع الناس والمجتمع
وان شاء الله مصطفي بفضل ربنا وكل الناس الجميله اللي بتشجع وبتساعد يحقق احلامه
تحيه مني ومن اسره المجله لمصطفي. ولكل ابطالنا ذوي الهمم.
وانتظروني في حوار جديد
دكتو،ره مريم سامي
#بقلم /دكتورة مريم سامى
#مجلة زهوة# مواضيع أخرى للمجلة#
الفرق بين الطلاق و التطليق و الخلع في الفقه و القانون
اشرف صبحي يؤازر المنتخب الوطني قبل مباراتي توجو بتصفيات الأمم الأفريقية
