عام
أخر الأخبار

قراقيش بالعجوة

قراقيش بالعجوة
بقلم / ناهد محمد
د.عزة العلوي 


قراقيش بالعجوة:من اليوم سوف تشاركنا في باب فن الطبخ  والحلويات مقدرش اقول رغم مكانتها العلمية والاجتماعية الا انها ايضا تهوي فن الطبخ والحلويات  وبتحب بيتها جدا وتحب ان تعمل كل شئ بيديها وتتذكر بيها دفئ الوطن والحنين له وتتذكر مامتها وماذا علمتها معنا دكتورة/ عزة العلوي انا بعطيكم نبذة صغيرة عن مبدعة تعرفت عليها وبجد سعيدة جدا انها حتشاركنا يومياتنا في باب فن الطبخ والحلويات

دكتورة عزة العلوي
دكتورة عزة العلوي بتقول انا واحده مصريه عاديه جدااتخرجت من القصر العيني وجيت امريكا كملت دراسه دخلت كليه طب من ثانيواشتغلت طبيبه قدم سكريمتمسكه جدا باصولي وبعشق بلديوبشوف انه اطعم أكل في العالم هو الأكل المصري
قراقيش بالعجوة
القراقيش بالعجوه دي مصريه من أيام الفراعنه
ومع احترامي لكل البلاد
وكل الاسامي ( معمول أو غيره)
تظل طعم القراقيش المصريه بالعجوه هي الأولي والأحلي والأطعم
وطبعا وبالتأكيد كل واحده من حضراتكم عندها طريقتها اللي اتعلمتها من مامتها او جدتها
يارب يخللي اللي نفاسهم  في الدنيا ويرحم المتوفيات منهن🤲
بس انا حبيت أقول لكم علي طريقه ماما الله يرحمها في القراقيش
لو وقتكم يسمح
نيجي بقي #للطريقه_والمقادير
👇👇
قبل ما أبدأ عاوزه أقول لحضراتكم حاجه
دي طريقه القراقيش الهشه مش الطريه
القراقيش الطريه
ياللا نبدأ؟
#المقادير
انا بستخدم عيار الكوب مش الكيلو( بحس انه أسهل كمان انا مش عندي ميزان مطبخ)
– ٤ كوب دقيق
ذره ملح 👈ماما كانت بتقول بركه العجين وسنه عن النبي عليه الصلاه والسلام)
– ١ و١/٢ كوب سمن
١/٤ كوب زيت
👈هنا في حاجه حابه أضيفها
مقدار الدهن ممكن يكون زيت، سمن بلدي او سمن بقري
يعني المتوافر عندكم
– ملعقه كبيره خميره جافه( او قطعه خميره بيره قد عين الجمل)
– ٤ ملاعق كبار لبن بودر
– ١ كوب سمسم
– ملعقه صغيره محلب
– ملعقه صغيره ريحه الكحك حبايتين حبهان ومستكه مطحونين
– ١/٢ ملعقه صغيره جوزه الطيب
– ملعقه كبيره ينسون متحمص ومفروم ناعم وايضا  ينسون متحمص صحيح
ومثلها  شمر جاف متحمص صحيح
نيجي بقي لحاجه مميزه كانت ماما الله يرحمها بتضيفها علي القراقيش
– اكوب عصير شمر فريش
الرأس البيضاء بتنضرب في الخلاط وتتعصر
وهي دي السائل اللي بنحطه علي العجين
ولو مافيش شمر فريش قدامكم
مافيش مشاكل اطلاقا
يبقي تزودوا الشمر الناشف ملعقه ثانيه كبيره
#بهارات_العجوه
👇👇👇
العجوه علي المقدار ده ٢ كوب
والبهارات هنا اختياريه
ممكن بس تنفرك بسمن بلدي او حتي زيت دافئين لغايه ماتبقي طريه
لكن انا بحط عليها
رشه محلب
رشه جوزه الطيب
برده واحدايه حبهان ومستكه مطحونين وبفكرهم بايدي مع بعض
#الطريقه
👇👇👇👇
كل المكونات الجافه مع بعض
ونعمل حفره في الدقيق ونحط فيها السمسم
السمن يقدح ويوضع علي السمسم في الوسط
نفرك العجين بايدنا بعد مانقلبه بالمعلقه في الاول علشان السخونية
هتكون الخميره اللي دوبناها في عصير الشمر الفريش ( او الميه لو الشمر الفريش مش موجود )عليت نضيفها ونفرك بادينا خفيف
نسيب العجينه متغطيه في مكان دافئ ساعه
بعد كده نبتدي نقطع بالشكل اللي احنا حابينه
قراقيش بالعجوة
انا بحب اعملهم مفتوحين من الاطراف علشان يبقوا مقرمشين وفي نفس الوقت ناعمين
ونحطهم علي الصواني
يخمروا ثاني ١/٢ ساعه
وعلي الفرن اللي بتكونوا مسخنينه
قبلها ب١٠ دقايق علي درجه عاليه
عاده الفرن بتاعي بيسويهم في ١٥ دقيقه
وطبعا ده بيختلف حسب افران حضراتكم
 وبالهنا❤️
قراقيش بالعجوة
قراقيش بالعجوة
قراقيش بالعجوة

Nahed Mohamed

ناهد محمد حسين رئيس مجلس ادارة مجلة زهوة https://zahuaa.com/ وويدينج بلانر وويدينج اكسيسوريس وهدف المجلة هي مجلة أجتماعية عائلية شاملة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى