مواهب واعده
ولكل انسان دافع في حياته يحتاج الي اراده وعزيمه وإصرار يقهر المستحيل وتخطي الصعاب
العزيمه والاصرار هو نور الطريق
كتبها ايمي ابو المجد
مقاله حكايه عزيمه ام
الاسم انصاف محمد
ربنا رزقني ابني محمد هو الكبير هو دلوقتي عنده ١٦ سنه محمد هو عنده اربع شهور حسيت انه مش طبيعي مكنتش بيتابع بعينه علي الاشياء المتحركه كان متاخر في كل حاجه حتي المشي والكلام كل حاجه وهو في سن سنه ونصف كان بيلعب في الضلمه لوحده وكان بيخاف من الاصوات المرتفعه والبلونات وكان منظم جدالدرجه انه كان بيكسر الالعاب ويطلع منها اي مغناطيس ويحتفظ بيهم وفي سن السنتين اتاكدنا انه توحدوبدانا المشوار من تخاطب وتعديل سلوك وتنميه مهارات وبعد سنين تكلم وبدا ينطق بحاجات غريبه عن المناخ وعن المنخفض الجوي والكون والجولوجيا
وطبعا كنا مستغربين جدا
ازاي عرف الحاجات دي لان مكنش عندنا كمبيوتر وولانت فسبحان الله كان في تقدم في حاله محمد وفي اخصائيه قالتلي وظفي المواهب دي بالكورسات وفعلا بدا ياخد كورسات روبرتات وبرمجه ودوائر كهربيه وصيانه سيارات كله اجمع ان محمد مهه سابق سنه وللاسف في بعض الأحيان يظهر شخص مريض يكسر من عزيمه ابني ويحبطه وفي ناس مش بتحب الناس الناجحه مبالك بشخص توحد وارجع اشجعه واشجع نفسي علشان نكمل المشوار
صدقوني طريق اي حد من ذوي الاحتياجات الخاصة بيكون ملىء بالاشواك وبيعانوا كتير جدا ولو وصل مش بيوصل بالساهل بالعكس بيكون استنزف ماديا ونفسيا
واجتماعيا كثيرا ياريت ندعمهم ونشجعهم ونقف جنبهم علشان يوصلوا واشترك في اول مسابقه انتل ايسف للابتكارات والاختراعات وحصل هو واخوه الاصغر علي ميداليه وشهاده تقدير من مكتبه الاسكندريه وحصل علي بطوله الجمهورية في العاب القوي لذوي الاحتياجات الخاصة وشهاده تقدير ومبلغ مالي عن جهاز تعطيل الصواريخ عن بعد بالطاقه الكهرومغناطيسيه
وحصل ايضا في مسابقه اذاعه وسط الدلتا علي كاس وشهاده تقدير ومبلغ مالي ومادي عن جهاز انذار بالصوت والصوره وحصل ايضا في مسابقه انتل السنويه علي ميداليه وشهاده تقدير عن مدينه صناعيه خاليه من التلوث وبالرغم من المعوقات التي تواجه ابني من اصحاب النفوس المريضه الااننا مستمرين بفضل ربنا وساظل ادافع عن ابني الامام
وسوف يتحقق الحلم واتمني من الله ان يلتحق ابني بجامعه زويل
الاصرار والعزيمه سلاح لمحاربة الضعف والهزيمه للوصول للنجاح
