حكايات وخواطر
أخر الأخبار

لو سألوا عني

 

آشعار آدم

لو سألوا عني

و قالوا فينه

قولهم الله يعينه

بجرحي مش عارف يعيش !!!

ضحي عشاني و بأنينه

نار غيابي تبكى عينه

لو نسيته ما ينسانيش !!!

طاقته فرغت نفسه شايله

الوجع مش حاجه سهله

مل جدا من المجاهله

ينادي بالنسبه لي زي مابيناديش !!!

قولهم ولا مره باعني

كان حاسسني كان سامعني

بس لو يحتاجني يعني

ما يلقانيش !!!

كان بيتمني رضايا

كان حنين ذوق معايا

مشيت و بعته ف النهايه

ما همنيش !!!

لما سبته عرفت قيمته

أتوجعت كتير ف غيبته

ده بفراقي يوم فاجأته

بكل طيش !!!

ف جبروتي كان شاريني

مهما أبيعو يشتريني

كبريائي غرور ماليني

ما هزنيش !!!

‏أتخليت بسهوله عنه

في عز وجعه هربت منه

حتي ضعفي ما كان ضامنله

حتي قلبي ما قوانيش !!!

‏و أن رجعوا سألوا بعد فترة

‏قولهم ده قراري غلطه

‏بعته سبته ف عز ورطه

‏أذيته و عمره ما يأذنيش !!!

شيلت ذنبه ده ف رقبتي

‏ادام عنيا و ف مرايتي

‏ياما قالي أزاي عشقتي

‏تضحي بيا ماتشتريش !!!

‏بقي عنده عقدة حلم مات

‏عايش ف وحدة من سكات

‏حبة صور مع ذكريات

قصاده عنيه ‏ما بتتمحيش !!!

لو سألوا تاني و فكروك

لو كانوا عايزين يحرجوك

قولهم مهما يلوموك

‏اللى بينا ما يتنسيش !!!

‏ما تسألوش خلاص مافيش !!!

ãDãM

‏مقالات ومواضيع اخري للمجلة

المجمع الإسلامي ببورفؤاد

بانوراما من الجمال فى بحيرة عين الصيرة 

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى