بسبوسه الحلوانى
المقادير :
٢ كوب سميد ناعم
نص كوب لبن
معلقه كبيره عسل نحل او عسل جلوكوز او شربات حلويات
٢ معلقه كبيره جوز هند (اختياري)
كوب الا ربع سكر
نص كوب سمنه او زبده
الطريقه :
هنحط السكر و العسل و اللبن الدافى و نخلطهم كويس اوووي و في بوله تانيه هنحط السميد و جوز الهند و نخلطهم و ننزل عليهم بالسمنه و نخلطهم كويس نخلي السمنه تغلف السميد كويس و بعدين ننزل بالخليط التاني بتاع اللبن كويس و نقلب براحه جدا مجرد ما تتخلط يبقي كده خلاص بلاش نعجن كتير عشان متنشفش و نكون دهنين الصنيه سمنه و نحط الخليط و نفردة كويس و نخبط الصنيه كام خبطه كده عشان تبقي متساويه و ندخلها فرن سخن على ١٨٠ لحد لما تاخد لون دهبي من الجناب نشغل الشوايه تاخد لون اول لما تخرخ نحط الشربات و هي سخنه
الصينيه المستخدمه مقاس ٢٦
الشربات او السيرب؛
كوب سكر
٢ كوب ماء
معلقه كبيره سمنه
رشه فانيليا
الطريقه :
نقوم بوضع السكر و الميه و ندوبهم شويه قبل ما نرفعهم على النار و نقلب من النص بس عشان ميسكرش و نرفعو على النار و تكون وسط و اول لما يغلي نسيبو ٥ دقايق و بعدين نرفعو من على النار و نحط السمنه و الفانيلا و نقوم بوضع الشربات علطول على البسبوسه عشان لازم يبقى هو سخن و البسبوسه سخنه عند خروجها من الفرن وتترك حتى يتشرب الشربات بأكمله بالهنا والشفا
تابع مواضيع اخرى للمجلة.
حدث في مثل هذا اليوم : 30 نوفمبر 1989
الابراج_اليوم السبت 13 تشرين الثاني نوفمبر 2021
من حبّ التفاصيل والتراث إلى فن ماندالا،الفنانة التشكيلية جنى أبو جهجاه
7 نصائح للحماية من مشاكل اضطرابات “الغدة الدرقية”
