عام

فتة فريك بالريش المشوية

يقدمها الشيف احمد فؤاد

Taiser Fahmy أبريل 3, 2022

0 110 دقيقة واحدة

لعمل الريش المشوية

المقادير

كيلو ريش بتلو

كوب ماء بصل

2 ملعقة كبيرة بهارات لحمة

ملعقة صغيرة حبهان مطحون

رشة جوزة الطيب

ملح وفلفل أسود

زيت نباتي

لعمل الفريك :

نصف كيلو فريك

3 بصلة مفرومة

5 ورقة لاورا

3 عود قرفة خشب

6 فص حبهان

6 حبة قرنفل

ملعقة كبيرة سبع بهارات

رشة جوزة الطيب

ملح

فلفل أسود

سمنة

عيش شامي مقلي

لعمل صوص الزبادي بالطحينة :

3 كوب زبادي

3 ملعقة كبيرة طحينة

ربع كوب عصير ليمون

ملعقة صغيرة كمون

بقدونس مفروم

ملعقة صغيرة كزبرة جافة

ملح

فلفل أسود

الطريقة :

الفريك:

في اناء علي النار نضع السمنه وبعدها نضع البصل مع رشة ملح وورق اللورا والقرفه الخشب والقرنفل والفلفل الاسود ونترك البصل يدبل ونضع عليه الفريك المنقوع والمغسول ونقلب ونضيف البهارات ونقلب كويس ونضيف الماء المغلي لكل كوب فريك كوب وربع او كوب ونص ماء علشان يطلع مفلفل ولو طري يبقي 2 كوب ماء لكل كوب فريك ونقلب ونتركه يشرب الماء بعدها نهدي النار ونتركه يكمل سواه

الريش:

في بوله نضع عصير مية البصل والحبهان وبهارات اللحمه وزيت زيتون ونخلطهم مع بعض .

نقوم بتشويح الريش في السمنه مع رشة ملح وفلفل ورشة جوزة الطيب ونشوحها ونضيف تتبيله ماء البصل ونترك الريش تشرب مية البصل وبعد فتره نقلبها علي الوجه الاخر تكمل شرب مياه البصل .

صوص الزبادي بالطحينة والبقدونس ( طرطور )

في بوله نضع الزبادي ونضيف عليه عصير الليمون والطحينه والكمون والملح والفلفل والكزبره الجافه ونقلب كويس .

تحضير طبق الفته:

في طبق التقديم نضع علي الاجناب العيش المحمص وفي المنتصف نضع الفريك وعلي الوجه نضع جزء من صوص الطحينه بالزبادى

( صوص التراطور) والباقي يقدم مع الاكل ونرص الريش علي الوجه وتزين بالخضره وبالهنا والشفا