عام
أخر الأخبار

رمضان حول العالم🌙✈️

رمضان حول العالم🌙✈️

بقلم / مي هندي

وانهارده رايحين البحرين 🇧🇭

هنعمل مَصلي دجاج😋 جربوه حلو اوي من الاطباق اللي عجبتني جدا في جولتنا السنه دي😋الفراخ بتستوي مع بصل كتير وبطاطس وحمص من غير ما نضيف ميه بيخليها تطلع طعمها تحفه فعلا وبيكون عليهم رز ابيض مع شويه زعفران

 

فرخه

٢ كوب رز بسمتي

٤ بصل مفروم خشن

٢ بطاطس مكعبات كبيره

م ص توم مفروم

م ص جنزبيل مفروم

بهارات مطحونه من:

م ص كركم

م ص لومي

م ص كزبره

م ص قرفه

م ص فلفل احمر

نص م ص حبهان

ملح فلفل

كام واحدة زعفران

بهارات صحيحه للرز

عود قرفه، حبهان، قرنفل، لومي، لورا

سمنه وزيت

 

ننقع الحمص نص ساعه في ميه مغليه.

نخلط البهارات الناعمه كلها مع بعض ناخد نصها نتبل بيه الفراخ..

نسلق الرز في ميه فيها البهارات الصحيحه ونصفيه بعد ٥ ل٧ دقايق لانه لسه هيكمل سوا مع الفراخ.

نفرم البصل خشن ونقطع البطاطس مكعبات كبيره نحطهم سوا ونضيف عليهم الحمص ونحط عليهم نص البهارات التاني وملح وفلفل ونقلبهم كويس اوي مع بعض..

نحط معلقه سمنه مع زيت في حله علي النار ونسيبها تسخن كويس اوي علشان لما ننزل خليط البصل والبطاطس مش عايزين ميه تنزل منه وتبقي بسيسه في الحله😅 علشان كده لازم الحله سخنه السمنه والزيت سخنوا وياريت لو الحله كبيره بكفايه علشان البصل ميبقاش علي بعض كتير ينزل ميه عايزينه يتشوح حلو، نقلب بقي ونشوح كويس ٥ دقايق كده نحط التوم والجنزبيل ونقلب هتطلع ريحه خطيره🤤😅 ننزل الفراخ بقى علي الناحيه اللي فيها الجلد ونوسعلها كده بين البصل والبطاطس علشان تنزل تحت وتتشوح كويس نقعد شويه حلويين بردو في الخطوه دي بتاع ١٠ دقايق كده علي نار متوسطه لعاليه خلصنا تمام،معلش هنطلع الفراخ فوق تاني😅 احنا عايزين اول طبقه تحت هي البصل والبطاطس والحمص بعد كده الفراخ ويكون الجلد اللي تحت تمام كده ننزل الرز بقى اللي لسه سخن ومتصفي منسبوش لما يبرد، نساوي وشه ونرشرش مية الزعفران نغطي بقى ونسيبه لحد ما يستوي ممكن ياخد ساعه الا ربع لساعه وبعدين نقلبه في طبق التقديم وبالهنا..

رمضان حول العالم🌙✈️
رمضان حول العالم🌙✈️

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى