وجوه شابة مشرقة

وجوه شابة مشرقة

بقلم / د. مريم سامي

اليوم مع وجوه شابة مشرقة مع عادل صديق ٢٤عام رحلتي تبدأ من

الرحلة من بياع عيش لمحاضر معتمد عالميا..

نبدأ حكايتنا مع هذا الشاب المصري الطموح

شاب مصري ناجح وقصته تستحق ان يكتب عنها اسمه “عادل محمد صديق” عنده 24 سنة.. “عادل” من صغره وهو بيحب الشغل ووالده بيشجعه عليه.. يعني وهو عنده 9 سنين كان بيبيع عيش في الشارع!، وبعدها باع خضار، وبعدها اشتغل في ورشة ميكانيكا يقول “عادل” ثم اشتغلت في مطاعم لحد ما بقيت مساعد شيف ولما وصلت ثانوية عامة تركت الشغل عشان اركز في الدراسة بشكل أكبر..

علي فكرة انا والدي دايما بيشجعني على الشغل والمسئولية، ورغم إنه مهندس ومش مخليني محتاج حاجة، لكن كنت بشتغل وأصرف على نفسي، ودايما الناس كانت بتقول إني هبقى حاجة في المستقبل، لحد ما خلصت فترة الثانوية وجبت 88% في الأزهر).. وايضا اكتر حد شجعني ووقف جنبي هم أهلي وصديقة عمري “نور”

“عادل” انا دخلت كلية علوم قسم بيولوجي ، ومن أول سنة فيها وانامش بحب الإنجليزي تماماً وجيت فيه ٤٠/١٧ في الثانوي وبسببه مجموعي قل وكان حلم حياتي ادخل طب اسنان لكن قدر ربنا اني دخلت كلية العلوم قسم بيولوجي وكان عندي فيه أزمة ومشكلة لكن قررت إن دي تكون بداية احاول ان اصلح فيها المشكلة دي.. عملت إيه؟.. لإنه ماكنتش متعود بطلب فلوس من والدى وكمان وفي نفس الوقت وبسبب الدراسة وانشغالي فيها ماكنش معاي فلوس اخذ كورسات فقررت ان ابدأ تعلم الإنجليزي أون لاين وفعلاً وخلال 9 شهور بس بقى مستواي مميز في اللغة!..

نميت موهبتي اونلاين من اليوتيوب وكل وسيلة ممكنة فقط اعتمدت علي نفسي في تعلم اللغة الإنجليزية

بعدها اكتشفت موهبتي في تعلم اللغة وحبيته بعد ما كنت بكرهه وبعد ما تسبب فإني مدخلش الكلية اللي كنت عاوزها

الشيء المُبهج في القصة إن كل سنة بتمر كان مستوى “عادل” بيزيد لحد ما وصل النهاردة إنه بقى محاضر عالمي بيدرب الناس على الإنجليزي ودرب أكتر من 2500 شخص!..

وعلي فكرة طموحي لم يتوقف عند اللغة الانجليزية .. لأ. دلوقتي بدرس ايضا في كلية اللغات والترجمة قسم ألماني عشان قررت اتعلم ألماني كمان وادرسه في المستقبل مع اللغة الانجليزية.

الأحلام مشروعة بس فيه اللي بيكتفي بالحلم وفيه اللي بيتحرك عشان يحققه وبالتالي يغير مستقبله للأفضل.

واكيد واجهت صعوبات ومن الصعوبات اللي واجهتني كانت قلة المصادر واني كنت طالب مكنتش بشتغل فمفيش كورس رغم وفضلت اشتغل مع نفسي لحد م وصلت لمستوى عالي جدا

ومن المواقف الجميلة ان في يوم من الايام وفي تاني مكان اشتغل فيه اقابل واحد من اصحابي من اللي اخدوا الكورسز صدفة ف الكلاس بس المرادي كان هو طالب وكنت انا الانستركتور حقيقي يوم من احلى ايام حياتي ومعتقدش هنساه ابدا وخصوصا لما قال لي اهلا يامستر انا كنت فخور بنفسي جدا جدا..

****انا اشتغلت كل حاجة وأي حاجة اشتغلت صبي ميكانيكي اشتغلت عند بتاع خضار اشتغلت ف كل المصانع اللي ممكن تتخيليها حرفيا اشتغلت كل حاجة لحد ما حطيت رجلي على اول الطريق ف الانجلش وتعبت فيه لحد ما وصلت للي انا فيه حاليا بكرم ربنا عليا

‏- Certified English Trainer

‏- American accent coach with over 3 years of experience

‏- Certified from London Teacher Training College in England

‏- TEFL holder

– دربت اكتر من 2000 طالب اونلاين واوفلاين وساعدت أكتر من 200 طالب يشتغلوا بالانجلش في مجال الكول سنتر والتدريب بالانجلش

– وقفت على أكبر منصات عالمية زي منصة TEDx وبقيت واحد من ال Public Speakers اللي كنت بحلم ابقا زيهم ف يوم من الايام وربنا وفقني ووقفت معاهم على نفس الاستديج

– حاضرت في محافظات كتير وجامعات كتير

– صاحب ومؤسس English Echo Academy

-اتكتب عني مقالات في جرايد مختلفة وقنوات تليفزيون كنموذج وأحد الشباب الناجحة المؤثرة في مصر

هدفي اني اكون رقم واحد ف تاريخ ال English Teaching في مصر واساعد أكبر عدد من الطلبة والخريجين يشتغلوا شغل محترم من غير م يحتاجوا يعانوا اللي عانيته

رسالتلي للشباب يشتغلوا بعقلية الراغب في التعلم وان المجهود ديما بيكسب ومفيش حد بيحاول ويجيب صفر.. اشتغل ثم اشتغل ثم اشتغل + ساعد هتلاقي ربنا بيساعدك واحلامك بتتحقق ادام عينيك💙