صدور فراخ بالبصل والليمون
بقلم الشيف / احمد فؤاد
حاجه كدا على السريع يالا بينا ❤❤❤👍
نعمل شوية صدور فراخ بس حلويين اوى و طعمهم مميز
المكونات
صدور فراخ فيليه هنتبلها ملح وفلفل و عصير ليمون و بصل وزبادى و نسيبها فى التلاجة
فلفل احمر رومى جوليان و بصل ابيض جوليان
هتعمل صوص جامد اوى خمس معالق مستردة
تلات فلفلات احمر رومى هنضربهم فى الخلاط مع المستردة و جزرتين مع تلات معالق بابريكا كبار و طمطماية واحده و خمس معالق زيت و علبتين زبادى فلفل ملح رشة كركم بسيطة و نضرب كل ده فى الخلاط
طاسة نحط فيها زيت و رشة روزمارى و ننزل بالدجاج يتشوح مع البصل جوليان و فلفل احمر رومى جوليان الدجاج لون ننزل علية بالصوص و نسيبة يتسبك مع الفراخ نفرم على الوش شوية بقدونس فريش و عروق بصل اخضر طعمهم هيفرق تماماااااا ويسلام سلام لو مع شويه ارز ابيض او مكرونه و بالف هنا وشفا ❤👍
نابع مواضيع اخرى للمجلة ذات صلة.
القهوة ومافيها الحلقة الحادية عشر
رقاق باللحمة المفرومة بقلم الشيف / احمد فؤاد
فوائد الكيوي بقلم / الشيف احمد فؤاد
