لما تحكى عنى
لما تحكى عنى
من سمريات /سمر الباز
لما تحكي عني
خد بالك و خليك امين
خليك عند حسن ظنى
ده احنا بينا عشرة سنين
لما تحكي عني
متقولش
انى لحبك نسيت
وانى على قلبك ياما قسيت
اوعى تقول انى
ظلمتك
والعذاب انا ياما
دوقتك
لما تحكى عنى
اوعى تقول انى
محبتكش
ووجودك معايا
ميفرقش
لما تحكى عنى
قول ياما حبينا بعض
ومكناش نعرف يعنى ايه بعد
لما تحكى عنى
قول دى ياما اتحملت
ولعذابى ياما استحملت
لما تحكى عنى
قول دى كانت اصيلة
وشالت معايا شيلتى
ومقلتش يوم تقيلة
لما تحكى عنى
متقولش اتغيرت
و عل البعاد دورت
لما تحكى عنى قول
كلام كتير
وافتكر ان قلبى
دايما كان
فاكرك بالخير
لما تحكى عنى
احكى كتير حكايات
وافتكر الحلو منها
والوحش فيها
اعتبره عدى
ومات
لما تحكى عنى افتكر
ان حبى كان لك
ما كنش عادى
وانه كان مالى
عليك الدنيا
دى
لما تحكى عنى
قول انى
كنت الحبيبة
كنت الصديقة
كنت عمرك
وهى دى
كانت اجمل حقيقة
لما تحكى عنى 💔
#سمر_الباز
