عاممواهب
أخر الأخبار

عبد الرحمن ويوسف بطلان

والدة عبد الرحمن ويوسف بطلة عظيمة

عبد الرحمن ويوسف بطلان

بقلم /دكتورة مريم سامي 

عبدالرحمن ويوسف بطلان

— النهاردة انا قدام لقاءمع عبدالرحمن ويوسف بطلان مختلف مع ام بطلة عظيمة ❤️❤️حكايتها مختلفة لانها بتواجه صعوبات وتحديات تفوق التخيل فهي ام لطفلين من اصحاب الهمم اصحاب متلازمة داون
— كل ام عندها طفل من اصحاب الهمم
تعرف اد ايه التعب والتحديات اللي بت والاحباطات ومشاكل كل يوم بتواجهها من اول مابيتولد الطفل لحد مابتقدر توصل بطفلها لبر الامان
— فما بالكم بأم بطلة 💪بتواجه كل هذه التحديات
مرة مع ابنها الاكبر وبعدها من جديد مع ابنها الاصغر بجانب الاكبر 💪
— تعالو نتعرف علي قصة كل بطل عبدالرحمن ويوسف بطلان تحدا الظروف
 
حكاية عبد الرحمن ويوسف بطلان تحدا الظروف
*****عبد الرحمن محمد نور الدين ١٤
عبد الرحمن محمد نور الدين
عبدالرحمن محمد نور الدين
سنه متلازمة داون داخل الصف الثانى
الاعدادى
*****اكتشفت والدته انه داون بعد٦ شهور من ولادته
رغم ان كل العائلة عرفت من اول يوم
لكنهم اخفو عنها
عبددالرحمن كان مولود صغير وكان لونه ازرق فجرى به باباه خالته لدكتور معروف وطلب بعض التحاليل
ومن هنا عرفو الحقيقة
وبعدها ب ٦ شهور عرفت والدته الحقيقة
علد الرحمن بطل فوق العادة
عبد الرحمن نور الدين
****وكان سؤالي لوالدة عبدالرحمن
اول لما عرفتي انصرفتي ازاي وايه الخطوات اللي مشيتيها؟؟؟؟؟
((((((سألت عرفت ان مفيش تعامل فى شىء معه غير على سن سنه يومها زعلت جدا بس فى الوقت نفسه قررت انى لازم اهتم واشوف ايه الممكن اعمله عشانه وحجزت عندكتور مخ وأعصاب معروف وعرفت انه محتاج جلسات تدخل مبكر وتحاليل أخرى وايكو ورسم سمع
ولأنه مكلف لجأت للتأمين والحمد لله عملت كل الكشوفات وا لجلسات بس وقتها كان التأمين مفيش عندهم اى معدات للجلسات
الأخصائيه على مكتب بدون اى أدوات بتقولى كل مرحله ايه المفروض اعمله معه وكل مره تقولى خطوات وانا مش عارفه يا ترى بنفذ صح ولا لاء فقررت انى لازم اوديه مركز خاص
****وكانت بتساعدنى اختى على اتخاذ القرار وتساعدنى ماديا كمان
والحمد لله كنت بحضر معاه جوه الجلسه واروح انفذها))))
——- ———- ———- ———
عبدالرحمن نور الدين ١٤ سنة
عبد الرحمن هوايته كرة القدم

*****احكيلنا مشوارك مع تعليمه وهل كان صعب جدا وازاي اتغلبتي علي الصعوبات ؟؟؟
(((( لما تم ٤ سنين حبيت ادخله حضانه دوخت مفيش حضانه راضيه تقبله 😢
اشرح لهم انه مفيش عنده مشاكل لا هو عدوانى ولا مريض هو محدود الذكاء فقط.
ممكن يتعاملوا معه على أنه سنتين مش ٤ ولكن لا حياة لمن تنادى😢😢
فى الاخر قابلت جاره لى لها طفلين فى حضانة اتوسطتلى عشان يقبلوه ولو بشكل مؤقت اوتجربه
وبالفعل حبوه وفضل معاهم سنه حتى الحقته بمدرسه تجريبى عربى
ومع الاستمرار فى الجلسات فى المدرسه عدى الكي جى
وفى الصف الأول احتاج لشادو( يعني مرافق يساعده)
لان كثافه بالفصل عاليه والمدرسين صعب يحتوه ويهتموا به اصبح مهمل😢 اضطررت ابحث عن شادو له والحمد لله وصل بفضل الله لاعدادى ومعه شادو نفعته كتير وساعدته على التحصيل الدراسى ❤️❤️
بس كانت مشكله لما تعتذر لظروف زواج وبعد سكنها الجديد اضطررت للبحث عن أخرى والحمد لله كان ديما ربنا بيسرلى شادو طيبه تحسن من مستواه و❤️❤️❤️)))))
———- ———— —————
***** وهل اكتفيتي بتعليمه فقط ولا

عبد الرحمن وشهادة تقدير
عبدالرحمن ويوسف بطلان تحدا الظروف
عبد الرحمن بطل فوق العادة
كنتي مهتمه بتنمية الجوانب الخري زي الرياضة او الفنون ؟؟؟؟؟
((((طبعا كان لازم اهتم بنشاط رياضى بس كانت مشكله النوادي التابعه للدوله مفيش ذوى احتياجات خاصه غير بعيده شىء مؤسف انى ساكنه جنب مركز شباب بس مفهوش حالات خاصه بقت اوديه سباحه فى الصيف عشان التكاليف والعاب قوى جرى طول العام مع الاتحاد النوعى لذوى الاحتياجات الخاصه
والحمد لله حصل على ميداليه ذهبيه فى الأولمبياد الخاص 🏅🏅🥇🥇🥇
وعلى ميدالية ذهبيه أخرى🥇🥇🥇 تشجيعية من مديريه الشباب والرياضه لحفظه بعض سور من القران
وجارى البحث عن مكان لتعليم الرسم لانه بيحبه وبيحب كره القدم بس للاسف مفيش مكان قريب للتدريب عليها ))))
******بتحلمي بايه ؟؟؟؟
((((بحلم …………………..
ان كل مركز الشباب يكون فيها مكان لذوى الاحتياجات الخاصه وكل الحضانات والمدارس تقبلهم فى الدمج بدون اى وسايط او اعتذار سواء حكومى أو خاص بتمنى اشوفه في مكانه عظيمه مخلص تعليمه ويشتغل ويعتمد على نفسه تماما ويتعامل كاى شخص سوى بدون شفقه او تنمر)))))
**** ودي كانت حكاية عبد الرحمن
تعالو نعرف. حكاية يوسف
——-////////———/////////———/////////———/////////
**** يوسف محمد نور الدين
يوسف محمد نور الدين
** يوسف هو الابن الاصغر
عنده ٩ سنين داخل الصف الثالث الابتدائى متلازمة داون أيضا
*** والدته عرفت حالته خامس يوم من ولادته لما طلبت تقرير طبى من المستشفى للبحث عن حضانه له
لان ظروف ولادته كانت صعبه لان كان فيه مياه علي الرئة وكان محتاج ضروري لحضانه وظلت تبحث عن مستشفي حكومي بها حضانه لانها غير قادرة علي تكاليف المستشفيات الخاصة
فقررت الذهاب لمستشفي الرجاء بالشاطبى لأنها حكومى ومن أسئلتهم الكتيره عن اخوه الكبير فهمت والدته انه احتمال يكون فيه داون سندروم
*** والدة يوسف وعبدالرحمن مكنتش تعرف ان ممكن حالتين لام واحده ممكن يطلعوا ذى بعض
خصوصا لما عملت تحليل اخوه الكبير قالوا مش شرط التانى يطلع ذيه
غير انها ماكنتش قابلت حد جاب اتنين و مكنش لسه عندى
ها نت ولا فيس بوك عشان تعرف
*****
حسيتي بايه وعملتي ايه بعد ماعرفتي الخبر دا ؟؟؟؟؟؟

(((لما عرفت انه داون بعد اليوم الخامس قولت الحمد لله بس يجى

لحضنى بالف سلامه واهم يخدوا بالهم من بعض وعسى أن تكرهوا شياء ويجعل الله فيه خيرا ولما الحمد لله خرج من المستشفى بعد اسبوع ابتديت معه رحلة التدخل المبكر والكشف والتحليل للاطمئنان عليه )))
يوسف في الجيم
**** ايه اصعب المواقف اللي قابلتيها معاه ؟؟؟
***((( يوسف كان بيتعب كتير جدا لانهم حطوه على دفايه بالمستشفى لعدم وجود.حضانه كان اسبوع من أصعب أيام حياتى لانى مكنش سهل الاقى حضانه بسعر معقول وانا مش عارفه المده اللي حيقضيها بها وخصوصا اني كنت فاكراه محتاج حضانه بجهاز تنفس ودى فى مستشفيات قليله
ولكن الحمد لله فى التقرير كتبوا الحاله محتاجه حضانه فقط ولما باباه نقله لمستشفى آخر قالوا مش محتاج حضانه وروحه البيت
وكانت فرحتي به متتقدرش رغم كل المعاناه
الحمد لله ربنا كان بيبعت فى طريقنا من ييسر أمرنا ذوى أصحاب مركز طيبين ميغالوش فى سعر الجلسات بيحبوا المهنه وبيحبوا ولادنا ))))

عبد الرحمن ويوسف بطلان تحدا الظروف

يوسف يحب لعب كرة القدمً
——— ————- ———————-
*****ازاي قدرتي توفقي بين يوسف وعبد الرحمن ؟؟؟ اكيد كانت موضوع صعب جدا
(((ومن اكتر المشاكل اللي واجهتني ان يوسف أتأخر كتير فى المشى بسبب ارتخاء الشديد.فى العضلات
وبالتالي اتأخرت على اخوه الكبير فى النشاط الرياضى لان كان صعب الخروج بمفردي بالاتنين
حاولت اختى تساعدنى اسيب عندها الصغير واذهب بالكبير للسباحة
عدة مرات واخيرا لما مشى يوسف
أيادينا العاب القوى مع الاتحاد النوعى كان ليهم فضل فى تحسين الولدين لانهم بيهتموا بهم رياضيا ومعنويا
ومن وقت للتانى بيعملوا ليهم ترفيه احتفال او رحله ))))
***يوسف كمان حصل على الميدالية ذهبيه فى أولمبياد الخاص ذى اخوه في ٢٠١٩
****** هل يوسف وعبد الرحمن شخصيتين مختلفتين ؟؟ وهل قدراتهم ومهاراتهم واحتياجاتهم مختلفة؟؟؟؟
((((ذى اى أولاد هم شخصيتيتن مش ذى بعض فى كل شىء
فيه اختلاف كبير بينهم
عبد الرحمن الكبير هادى ولو حد اذاه يتضايق وميتكلمش بس يكتفى بنظره زعل
اما يوسف الصغير لازم ياخد حقه ويضرب الي ضربه
****بالنسبه للقدرات الكبير أفضل من حيث العضلات والكلام
اماالصغير لحد دلوقتى بيتكلم كلمات بسيطه اللي بالشفايف متحتاجش مجهود
ورجله فى المشى او الجرى بها مشكله مستمر على العلاج الطبيعى و جلسات التخاطب والمهارات
وكان بيتعب كتير لان بصدره حساسيه الحمد لله بقا احسن وحركته كتيره غير اخوه فيحتاج ديما اكون معاه او بشغله بألعاب )))؟؟
*صورة ل عبد الرحمن ويوسف بطلان تحدا الظروف

عبدالرحمن ويوسف بطلان تحدا الظروف

عبدالرحمن ويوسف بطلان تحدا الظروف
****البطلان حصللا على شهادات تقدير كتير من ماراثون جرى ومشاركات مع النورمال فى الجرى ومن موتمر بالقاهره وان شاء الله من تقدم لتقدم وكل دا دا طبعا بعد ربنا بفضل والدتهم البطلة الجميلة الام المثالية 
 مدام /نعمة محمد ابراهيم
عبدالرحمن ويوسف بطلان تحدا الظروف
مدامً نعمة والدة البطلان
** بتحلمي بايه وكلمة توجهيها
((((بحلم ليهم الاتنين يكونوا فى مكانه كويسه يتعلموا ويشتغلوا ويعتمدو على نفسهم بتمنى
من كل ولى امر لذوى الاحتياجات الخاصه يكون صبور ويرضى بما قسم الله له ويهتم باولاده لانهم امانه ونسأل عنها اولا ولأنهم باذن الله يكونوا سبب بدخولها الجنه وان كل ما بنتعب هنلاقى نتيجه معهم
وأخر كلمه اياكم واليأس ان الله على كل شىء قدير))))))
في نهاية حواري بشكر جدا الام البطلة استاذة نعمة محمد ابراهيم والبطلان عبد الرحمن ويوسف وبتمني لهم كل التوفيق 
وانتظروني في حوار جديد وبطولات جديدة  لاصحاب الهمم  

دكتورةً/مريم سامي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى