عامهاند مايد
أخر الأخبار

جيهان محى ..مبدعة المشغولات الجلدية تكسب القلوب

اليوم تقدم لنا محررتنا :دكتور مريم سامي مقالا جديدا عن المبدعة 

***
جيهان محى ..مبدعة المشغولات الجلدية تكسب القلوب ❤ ❤️
جيهان محى ..مبدعة المشغولات الجلدية تكسب القلوب
جيهان محى ..مبدعة المشغولات الجلدية تكسب القلوب

***فى الفترة الاخيرة اصبح لفناين الهاند الميد دور كبير جدا فى المجتمع واصبح واضح جدا تأثيرهم الايجابى على من حولهم وهى حقيقة ظاهرة وليست مجرد كلام او شعارات
ومن اكتر الاسماء اللى اترددت كتير قدامى اسم الفنانة المبدعة
…..جيهان محى .. واللى فعلا كسبت القلوب ❤
ومن هنا حبيت اعمل معاها حوار خاص لمجلتى واعرف عنها الكتير وايه سر حب الناس ليها
تعالو نعرف حكاية فنانتنا الجميلة ..جيهان محى

 

جيهان محى ..مبدعة المشغولات الجلدية تكسب القلوب
جيهان محى ..مبدعة المشغولات الجلدية تكسب القلوب

**** جيهان محي …… مصممه ومدربة مشغولات جلدية …..
طول عمرها تعشق الهاندميد وبتحب تعمل كل حاجه فى بيتها بنفسها

***اكتر حد شجعها هو زوجها وبنتها جنى وكل حاجه دلوقتى بتعملها جيهان ..بيبقى لجنى بنتها بصمه معاها فيها برغم صغر سنها
وخصوصا كولكشن الاطفال الجديد واللى كان فكرة جنى 😍😍

***اخوة جيهان الاتنين كانو داعمين ليها وكان ليهم دور كبير
خصوصا لعدم وجود الوالدين اللى توافاهم الله واللى كان نفس جيهان يكونو موجودين ومشاركينها نجاحها

*جيهان …اتعلمت من خلال كورسات وبدأت خلالها وبعدها تشتغل على نفسها وتطور منها وبقى لها بصمه فى عالم الجلود وحاليا بتعمل كورسات تعليميه الحمد لله

**** ولأن فنان الهاند ميد جزء من المجتمع فاكيد كل فنان له بصمته واعماله

ومن خلال فنها قدرت جيهان خلال السنة دى تدرب ناس كتير منهم ذوى الاحتياجات الخاصة ومحاربات السرطان والمرأه المعيله
ودى اكتر حاجة اسعدتها وكانت دى كلماتها ……
((((((دى اكتر حاجة اسعدتنى لانى الحقيقه زى ماعلمتهم اتعلمت منهم حاجات كتير ما شوفتهاش فى ناس عاديه أهمها أن الإنسان الكامل اللى مش بيشتغل ويعمل ذاته هو ده المعاق مش هما….
أنا أرفض أنهم يتقال عليهم كده لأنهم ذوى همم
طبعا لازم الفنان يكون له دور فعال وواضح ومؤثر فى المجتمع وده اللى انا عملته من خلال تدريبى معاهم )))))
___ ___ __

*** ومن اسباب حب الناس لجيهان انها بتساعد اى حد من زمايلها أو حتى اى حد بيسالها على اى حاجه فى شغلها عمرها ما بخلت على حد بمعلومه

****ولما سألتها عن منصبها فى مجلة مملكتى وانها كانت مفاجئة لينا كلنا… وعن شهادات التقدير اللى قدموها لفنانات الهاند ميد دا كان ردها ……

(((بالنسبه لمجلة مملكتى اللى اصبحت رئيس مجلس إدارة فيها
انا بقالى تقريبا سنه ماحدش كان يعرف ب لانى ما بصرحش بيه علشان ده مالوش علاقه بشغلى الاصلى اللى هو كيانى الاول لكن بالنسبه لاختصاصاتى فى المجله بحاول اكون على مستوى المسؤليه واتعامل فى حدود معينه تخص مجالات عديده منها طبعا الهاند ميد اللى مختصه بيه الاستاذه دعاء لاشين واللى فكرنا خلال الكام يوم اللى فاتو اننا نفرح الناس كلها بمنحهم شهادة تقدير حبينا نقولهم بكل بساطه اننا عارفين ومقدرين تعب الهاندميد وشغله اللى ناس كتير ماتعرفش احنا بنتعب اد ايه علشان نوصل للشكل النهائي للقطعه حبينا نفرحهم ولو بحاجه بسيطه اه ما دفعناش فيها فلوس لكن اخدت من وقتنا ووقت بيوتنا وجهدنا وعملناها بكل حب ليهم من قلبنا علشان كده وصلت قلوبهم وكان نتاجها سيل من الدعوات لينا واللى فرحنا بيه جدا لان محبة الناس لا يمكن تتشرى بفلوس لكن ليها مقياس معين هو الادب واحترام الذات والتقدير ))))
__ ___ _ ____

*وحبيت اسألها سؤال مهم جدا لانه اصبح حديث الساعة والمشكلة الواضحة حاليا قدام كل فنانين الهاند ميد …وهو الاستغلال اللى بيتعرض له الفناين من معظم من حولهم ……
كان دا ردها …..

(((بالنسبه لفنانين الهاندميد اللى بيتعرضو للاستغلال ودول كتير جدا من رايى الشخصى أنهم هما أصحاب القرار عمر ماحد هايرفعك ويوصلك للمكانه اللى انت عاوزها غير شغلك وبس اشتغل على نفسك وحب شغلك واجتهد هلاقى اسمك بيعلا والناس بتشاور عليك لكن عمره ما هايبقى بأن حد ياخد شغلك ويتكلم عنه لو فكرت شويه هتلاقى أن اللى بيعمل كده بيستغلك اوعو تخلو حد يستغلكم قدرو نفسكم وشغلكم ولازم يكون عندكم ثقه بان ربنا مش بيضيع تعب حد ابدا ناس كتير للاسف مغموره لكن بيبقى شغلهم عالمى وناس تانيه بتبقى كل يوم فى برنامج وهما شغلهم دون المستوى الفرق بين الاتنين كبير هى مش بالظهور فى وسائل الإعلام لأن كل اللى فى المجال دلوقتى عارف هى بتيجى ازاى إنما اللى ممكن ماظهرش ده يبقى شغال اكتر وبيبيع اكتر لان شغله احسن وبيتكلم عن نفسه على عكس التانى عموما اللى عاوزه أوصله للناس أن الفنان الحقيقى اللى شغله بيتكلم عنه مش العكس )))))
___ ___ ___ ___

***جيهان محى نفسها مجال الهاندميد يبقى ارقى واحسن من كده
نفسها الناس تحب بعضها اكتر من كده
وتنشغل بنفسها اكتر من انها تنشغل بغيرها الفنان الحقيقى هو اللى بيمشى فى طريقه وبيحب الخير للناس كلها

*** وعن طموحتها فى 2020
جيهان ..نفسها تطور من نفسها اكتر
وان شاء الله اكيد الايام الجايه هتكون فيه تقدم ملحوظ

فى نهاية حوارى مع مبدعتنا جيهان محى
احب اشكرها جدا على الحوار الجميل
وعلى اسعادها للاخرين سواء بشهادان التقدير از بتعليمها لذوى الاحتياجات واصحاب الهمم
وحابة اقول لها …
حقيقى مفيش اجمل من كسب القلوب

جيهان محى ..مبدعة المشغولات الجلدية تكسب القلوب
جيهان محى ..مبدعة المشغولات الجلدية تكسب القلوب
جيهان محى ..مبدعة المشغولات الجلدية تكسب القلوب
جيهان محى ..مبدعة المشغولات الجلدية تكسب القلوب
جيهان محى ..مبدعة المشغولات الجلدية تكسب القلوب
جيهان محى ..مبدعة المشغولات الجلدية تكسب القلوب

انتظرونى فى حوار جديد دكتورة …مريم سامى

Nahed Mohamed

ناهد محمد حسين رئيس مجلس ادارة مجلة زهوة https://zahuaa.com/ وويدينج بلانر وويدينج اكسيسوريس وهدف المجلة هي مجلة أجتماعية عائلية شاملة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى