شيكو…هاجر…نسمة…ثلاثى القلوب البيضاء المرح واصحاب القلوب البيضاء هيكونو ضيوفنا النهاردة مع حوار من القلب للقلب مع دكتورة مريم سامى .تعالو نعرف حكايتهم وازاى ممكن نشاركهم
*******************
*** شيكو…هاجر…نسمة…ثلاثى القلوب البيضاء اول حاجة هتشوفوها فيهم هى ضحكتهم الجميلة اللى دايما منورة وشهم مهما كان جواهم مشاعر كتير ملخبطة ومشاكل كتير اكتر ممما تتخيلو
**لكن ربنا اداهم حاجة غير اى حد اداهم قلوب بيضاء مش ممكن تلاقوها عند اى حد ❤💗❤
***ربنا اداهم محبة صافية من غير اهداف ولا مقابل
***اجمل حاجة فيهم انهم بيخافو على بعض وقلبهم على بعض بجد
*** اجمل موقف واول موقف حصل لما حبيت اعمل حوارى مع كل حد فيهم كل واحد قاللى( اعملى الحوار معاهم اهم …هم اولى انا نفسي هم يفرحو )) بجد كل واحد قاللى مش مهم انا فرحيهم هم❤
****شيكو وهاجر ونسمة ..يعنى
الضحكة الصافية والقدرة على اسعاد كل اللى حواليهم وبث روح الامل فى بكرة …يعنى تحدى لكل الصعوبات والازمات 💪💪💪💪
____ ______ ____
***الثلاثى المرح اتعرفو ببعض من خلال صفحات وجروبات الفيس وتواصلو مع بعض .
**..شيكو تواصل اولا مع هاجر من حوالى سنتين وفهم مشكلتها وقرب منها وبدأ يقدملها الدعم النفسي الحقيقى مش مجرد كلام وخلاها تشارك فى ايفنتات كتير واصبحت هى نفسها مصدر للدعم لكل اللى محتاجينه
***ومن فترة قريبة اتعرف شيكو على نسمة وقرب منها وساعدها انها ترجع ثقتها لنفسها وتتحول هى نفسها لمصدر سعادة ودعم نفسي للى محتاجينه
*****ومن هنا اتكون الثلاثى المرح واصبحو فريق عمل فى الايفنتات بيساعدو اللى حواليهم ويسعدوهم
****كلمة جميلة قالها شيكو فى حواره (((انا كنت فى البداية بدعم هاجر ونسمة …دلوقتى بقو هم اللى بيدعمونى نفسيا ويشجعونى وبقو مصدرسعادتى ))))
***********___ ____ _____ __
****تعالو معايا اعرفكم مين هم
شيكو وهاجر ونسمة
____ _____ _____
****شيكو ….هو دكتور شيكو
او دكتور السعادة …واسمه الحقيقى …….
شادى سامى
**هو مهندس معمارى عنده 32 سنة لكنه بيقوم بعمل تطوعى عظيم وبيعمل شخصية المهرج شيكو وبيحتفل وبيعمل ايفنتات كتير بدأ باسعاد اطفال مستشفى 57357 ومن بعدها بدأ يعمل ايفنتات لاسعاد كل اللى محتاجين فى اماكن كتير سواء اطفال فى مستشفيات زى ابو الريش اومرضى معهد.ناصر واطفال فى دور الايتام او مسنين او اصحاب القدرات الخاصة او مرضى الجزام
*شادى سامى جاتله فكرة شيكو لما عرف ان ابن اخوه معاذ جاله مرض السرطان ودخل مستشفى 57357 للعلاج ومن هنا كانت نقطة البداية
*فكر فى عمل شخصية المهرج شيكو عشان يخفف الالم عن ابن اخوه ومنها بدأ يزور كل الاطفال هناك ولما شاف رد فعل جميل منهم وانه فعلا فرحهم …دا كان اسعد شئ بالنسبة له ومن هنا قرر انه هيكمل فى شخصية شيكو
***لما سألته ايه اكتر حاجة بتحسها وانت شيكو دا كان رده
((بحس ان ربنا واقف معايا فى مواقف كتير قوى وبحس براحة نفسية عجيبة انى بقدر اسعد الناس وخصوصا الاطفال والحمدالله ربنا شفى معاذ وربنا يحافظ عليه ))
*** ولما سألته ايهما اقرب لقلبك❤ شادى ولا شيكو و نفسك تكمل ازاى ؟؟؟دا كان رده
((شيكو هو الاقرب لقلبى لانه قدر يفرح كل اللى حواليه ويفرح شادى نفسه و يديله ثقة فى نفسه ويديله حب الناس ….وطبعا هم الاتنين مكملين مع بعض لانهم بيكملو بعض مينفعش افضل شيكو طول الوقت ولا شادى ينفع من غير شيكو )))
***شيكو عامل مبادرة جميلة اسمها ..(فرح ..تفرح ❤)
ومعناها انك لما تساعد اللى حواليك وتفرحهم انت نفسك هتفرح ودى فعلا حقيقة ….
****شيكو بيعلن على صفحته على كل ايفنت بيقوم بيه. وبيجمع كل اللى حابب يشارك معاه بنفسه من المتطوعين واللى حابب يتواصل معاه على صفحته ..حقيقى بيبقى يوم جميل وبيسعدو الناس فعلا
***واى حد حابب يساهم باى دعم معنى لو مادى ممكن يتواصل معاه على صفحته
**ودى كانت حكاية شيكو ❤
ربنا معاك ياشيكو ويفرحك زى مابتفرح اللى حواليك ❤
***
_______ _____ ______
***هاجر خالد
صاحبة اجمل ضحكة فى العالم غم كل اللى مرت بيه فى حياتها
***هاجر خالد …..
المعروفه ع السوشيال ميديا ببوده بودى من محافظة أسوان لكنها مقيمة حاليا فى القاهره
***درست فى جامعه الازهر قسم شريعه اسلاميه
***اما عن حياتها وهى صغيره
عمرها ما حست انها مختلفه من اخواتها مع انها من ذوى القدرات الخاصه
*** والدتها هى السبب اللى خلتها تكون شخصيه قياديه و وتتحمل المسؤولية من عمر 9سنين وادتها ثقة فى نفسها
***والدتها هى الوحيده اللى دعمتها وواقفت معاها من البداية هى و اخوات هاجر
**هاجر اخدت لقب سفيرة النوايا الحسنة
*** اتكرمت بهذا اللقب عن كفاحها عى مر السنين وعلى رفضها للتنمر او التفرقة وعلى مساعدتها لكل اللى حواليها ومحتاجين للدعم
*** ولما سألتها مين اكتر شخصيات اثرت فيكى غير اسرتك وشيكو ؟؟؟؟
دا كان ردها
(((اكتر ناس موثره فى حياتى
_محمد حمدي_
وهو اكتر واحد فى الدنيا واقف معايا وعارف أدق تفاصيلى اليوميه وعرفته من حوالى 3سنين
_ مع بعض وعمره ما زعلنى بيحب يسمعنى ومش بيزهق منى بالعكس لو بعيط ف موقف يقولى حقك عليا
وانا معاكى انا حابه ارد حقه عليا قدام الناس حتى لو حاجه صغيره ))))
****هاجر هوايتها الاساسية
مساعدة الناس وهوايتها التانية هى القاء الشعر وخصوصا كلمات
_ عبدالله حسن _وهو من اكتر الشخصيات اللى اثرت فيها
**** ولما سألتها عن شيكو ونسمة دا كان ردها
(شيكو القلب الطيب النادر ..بفرح وانسي الدنيا وانا معاه وبنفرح قوى لما بننزل الايفنتات ونفرح الناس
*** اما نسمة فهى جميلة قوى واحلى بكتير من الصور وانا فرحانة بيها قوى روحها حلوة وجميلة
وبقينا ثلاثى جميل بنفرح مع بعض ونفرح اللى حوالينا ))
****هاجر نفسها يكون فيه فرص عمل حقيقية لذوى القدرات الخاصة
وحلمها الشخصى .فرصة عمل وهى قادرة على اثبات نفسها بشغلها والتزامها
***ودى حكاية هاجر
ربنا يفرحك ياهاجر ويوفقك فى فرصة عمل مناسبة تثبتى فيها نفسك ❤❤❤
____ _____ ______ ____
*** نسمة يحى
اول فاشونيستا لقصار القامة
***نسمة من محافظة الدقهلية ودرست اعلام جامعة المنصورة
***نسمة ومن هى فى المرحلة الابتدائية وهى بتواجه التنمر سواء من الاطفال فى المدرسة او اولياء امورهم واللى للاسف كانو نفسهم مصدر ازعاج ليها
***نسمة واجهت اسوأ انواع التنمر سواء اللفظى او الفعلى ..لدرجة القاء الماء عليها
*****واصبحت بتخاف من الخروج والتعامل مع الناس وفضلت الانعزال
****لكن هنا كان دور الام واضح جدا ❤❤❤
والدتها كانت دايما تشجعها وتديها ثقة فى نفسها لمواجهة المجتمع القاسي وعمرها ماحسستها انها غير اى حد بل بالعكس هى اجمل وانقى
وان المتنمرين هم المرضى الحقيقين
****نسمة اثبتت جدارتها وقدراتها وذاكرت وتفوقت فى الثانوية العامة وفرحت والدتها واسرتها ودخلت كلية الاعلام جامعة المنصورة
**** طول عمرها خايفة تتصور صورة كاملة لانها كانت خايفة من التنمر لكن كان حلمها انها تعمل سيشن تصوير كامل وتتصور صور كاملة وتكون اول موديل وفاشونيستا لقصار القامة
وفعلا ربنا حققلها امنيتها
وصورت اول سيشن تصوير واللى حقق نجاح منقطع النظير على السوشيال ميديا
*** نسمة فوجئت بنجاح مكنتش متوقعاه وفوجئت ان كل الناس بتشجعها وانه اصبحت مشهورة جدا
***وبدأت نسمة تظهر فى البرامج التليفزيونية والناس تعرفها اكتر
وكل اللى بيعرفها ويقرب منها بيحبها اكتر
****نسمة قدرت تحول الخوف من التنمر الى النجاح واثبات الذات ومش بس كدا
****نسمة نفسها اصبحت مصدر للقوة وللدعم لكل اصحاب القدرات الخاصة وخصوصا قصار القامة اللى بقت نسمة بالنسبة لهم مثل اعلى
****
***ولما سألت نسمة كلمة توجهيها لشيكو وهاجر .
وللناس ولاصحاب القدرات الخاصة … دا كان ردها
(( شيكو وهاجر ….
احلى حاجة فيهم بهجتهم وقلوبهم وانا فرحانة باننا بنشارك مع بعض كل حاجة حلوة
شيكو .. صديقى الحقيقى نفسي نفضل مع بعض العمر كله
هاجر …استمرى دايما واضحكى علطول وحبى نفسك لان ضحكتك بتنور وشك ))
***كلمتى للناس
((ارتقو فى تفكيركم وعلمو اولادكم الارتقاء واحترام كل الناس مهما كان شكلهم او ظروفهم )))
*** كلمتى لذوى الاحتياجات الخاصة
((( ثقو فى نفسكم واخرجو للعالم واثبتو نفسكم متخافوش انتو عندكم قدرات جبارة .))))
_____ ____ _____ _____
وفى اخر حوارى مع شيكو…هاجر…نسمة…ثلاثى القلوب البيضاء اللى استمتعت فيه حقيقى باجمل قلوب وشخصيات
بتمنى ليهم كل التوفيق ❤❤❤
*انتظرونى فى حوار جديد وحكايات جديدة من حكايات الناس
أقرأ أيضا في صورة حقيقية لرجلين من دمشق التقطت عام 1889م !
تابعونا علي الفيس بوك https://www.facebook.com/مجلة-عريس-و-عروسة-Groom-Bride-Magazine-313575946143990/
احلة شيكو ونسمة وهاجر
ربنايفرحكم
ربنا يوفقكم دايما
😍😍😍😍
😍😍😍
احلى شيكو وهاجر ونسمة
احلى ثلاثى
ميرسي يامنة
💪💪
ربنا معاكم دايما
التنبيهات : مارتينا لطفى فنانة الكروشيه تنسج اجمل التحف مجلة عريس و عروسة : بقلم دكتور