مواهبهاند مايد

الفنانة منة حلمى ملاك بدرجة فنان مع مرتبة الشرف

الفنانة منة حلمى ملاك بدرجة فنان مع مرتبة الشرف

*** حقيقى فيه ملايكة كتير عايشين معانا واحنا مكناش عارفينهم
***وبشكر ربنا لما بيعرفنى كل يوم على ملاك منهم من اصحاب القدرات الخاصةوخصوصا اصحاب متلازمة داون (داون سيندروم )

*****تحية وتقدير لكل ام واب مستسلموش لليأس والحزن والاحباط والتعب وقدرو يوصلو بولادهم لاحسن الانجازات
***.ومن هنا بوجه لهم رسالة تقدير واحترام وفخر .((.احنا فعلا بنتعلم منكم كتير )))
__ ___ ____ ____ ____

****
النهاردة معانا نموذج جميل ومشرف
معانا ملاك جميل فنانتنا الموهوبة الجميلة …….
منه الله محمد حلمي
وحوار من القلب مع والدتها الدكتورة سمية البدرى

****منة ….
مواليد 15 نوفمبر 1999
ولها اخت توأم طبيعية مش داون سيندروم
**منة بتدرس فى كلية رمسيس للبنات القسم الخاص

****منة من صغرها مميزة في هدوءها والتزامها وروتينها اللي مصرة عليه لغاية دلوقتي كمان بتتميز بنظافتها ودا بشهادة مدرسينها

***ليها شخصية قيادية من صغرها وكان بيتكتب فى التقرير الخاص بها في الشهادة اخر كل سنة انها ذو شخصية قيادية 💪💪

***منة الجميلة محبوبة من الجميع والكل بيشجعها من صغرها
رغم انها وهي صغيرة كانت بتتعرض قليل جدا لبعض مواقف التنمر
…. اطفال بتضايقها
…. وامهات بتبعد اولادها عنها
ودا كان بيضايق والدتها
ولكنها مواقف قليلة جدا بالنسبة لتشجيع الناس ليها
__ __ ____ ____
****منه ربنا حباها بموهبة الرسم واختيار الوانها بالفطرة الوانها تشد اي حد
وكمان بتشتغل هاند ميد ديكوباج وقشر بيض
وبتشتغل ارت مور وكمان تريكو علي النول
___ ___ __
*** والدتها اكتشفت مواهبها
من وهى صغيرة لما كانت تجيبلها الالعاب والالوان وتلاحظ اختيارها للالوان وتنسيقها ليها بشكل مميز
___ _____ ___
***ومن حوالي سنتين فى مسرح الشمس تبع وزارة الثقافة كانوا عاملين ورش دمج للرسم ومديرة المسرح الفنانة الجميلة وفاء الحكيم رشحتها لورشة الرسم وشافها الفنان التشكيلي شادي قطامش ورسمت ولونت ومن اول يوم قال لوالدتها
((( بنتك خطوطها متميزة)) ومن وقتها وهو بيعلمها الرسم
__ ___ ___ ___

****منة ماخدتش كورسات كانت في الرسم مع الفنان شادي قطامش وبالنسبة للهاند ميد والدتها اللي علمتها
**ولما سألت والدتها مين اكتر حد وقف جنب منه
دا كان ردها ………
((((بصراحة اللي وقف معاها ولغاية اللحظة دي الفنان شادي قطامش
هو مؤمن بموهبتها هي وزمايلها وبيساعدهم ويشجعهم وكمان الاستاذة وفاء الحكيم)))))
___ ____ ____

****منة موهوبة كمان فى التمثيل
و حاليا بتستعد لمسرحية الكنز هي وزمايلها في مسرح الشمس وده ساعدها علي زيادة ثقتها بنفسها وتحسنها الواضح في الكلام
__ ___ ___ ___

****ولما سألت والدتها
ايه شعور منه لما الناس بتشجعها
هل بيفرق معاها ؟؟؟؟
دا كان ردها ……
(((((((منة بتفرح جدا جدا لما حد يعجب بشغلها
لما عملتلها صفحتها الفنانة منة حلمي و بقيت بنزل شغلها والاقي كومنتات باقرالها الكومنتات دى بتكون في منتهي السعادة او ينزل حديث عنها في جريدة او لقاء في التليفزيون بتبقي في قمة السعادة😍😍😍😍))))))))))
____ __ ____ ___

***منة اشتركت فى ايفنتات كتير
__فيه ملتقيات اشتركت فيها منة تبع الوزارة
راحت ملتقي البرلس كان علي مستوي 48 دولة وشاركت في الرسم علي مراكب
وسفيرة بلجيكا عملت لهم حفلة تكريم في السفارة

****واشتركت منة فة ملتقي بكرة احلي …وكرموها في كلية تربية جامعة المنصورة كانت مطلوبة بالاسم

** ومش بس كدا وزيرة الثقافة زارت مسرح الشمس وافتتحته وكان ليها لقاء جميل مع منة
___ ____ ___
*** والاهم من كل دا
كان لقاء منه مع الرئيس عبد الفتاح السيسي
وطبعا كان لازم اعرف حكاية الصورة الجميلة اللى جمعت بين منة وسيادة الرئيس
وكان هو دا رد واالدة منة

(((((( منة كانت في افتتاح معرض الكتاب اللي فتحه الريس وكان له مع منة حوار جميل وقالها منةالجميلة😍😍 طلب منها تكتب اسمها
واهدتله طبق من شغلها وكان فرحان جدابيها 😍😍)))))
_____ __ ___ ___ __
**** وسألتها ايه رأيك هل حاليا فيه اهتمام باصحاب القدرات الخاصة ؟؟؟؟

***((((بالنسبة لاولادنا ذوي القدرات
الخاصة دلوقتي احسن بكتير عن قبل كدة فيه اهتمام بيهم وتوعية وتنمية مهارات بس برضة لسه محتاجين كتير
محتاجين توعية اكتر علشان منشفش حد يضايقهم او يضربهم يعذبهم زي مابنشوف صحيح هي حالات فرديه بس ياريت تنتهى

ولادنا الموهوبين محتاجين معارض دايمة ليهم يعرضوا شغلهم وتكون حافز ليهم وده بيحسن نفسيتهم وحالتهم جدا لما بيلاقو تشجيع وتحفيز ليهم))))
___ ___ ____ ___
*** رسالة توجهيها لاصحاب القدرات الخاصة ولواليديهم وللمجتمع ؟؟؟؟؟

((((انا باقول لاولادنا كلهم انتم حلوين جدا جدا واحنا اللي بنتعلم منكم وياريت نتعلم الصفاء والنقاء والحب

*ولاولياء الامور علشان ربنا بيحبكم اداكم اولادكم دول دة اختبار لقدراتكم مين فيكم الاقوي اللي هيخلي ابنه او بنته الناس تفتخر بيهم ويتمنوا يبقي عندهم
اقتنع بابنك وارضي بيه وحارب علشانه الدنيا لانه يستاهل
💪💪
***وللمجتمع اللي ترضاه لابنك اعمله في اولاد غيرك)))))))
___ __ ___ __

فى نهاية حوارى مع والدة منة
الدكتور سمية البدرى
بشكرها جدا لانها اديتنى من وقتها الغالى وفتحت لى قلبها وعرفتنا اكتر على الفنانة الجميلة منة الله

بتمنى لمنة كل التوفيق ولكل اصحابها من ذوى القدرات الخاصة واللى ان شاء الله هنتكلم عنهم كتير
تحياتى لوالدة منة على تعبها وتضحياتها عشان توصل بمنة للمستوى الجميل دا
وتحياتى لكل انسان ساعد وشجع الملايكة دول وتعب عشانهم وزي مقولت الفنانة منة حلمى ملاك بدرجة فنان مع مرتبة الشرف

*****عاوزين كلنا نشجع منة
دا لينك صفحتها ياريت نعمل لايك ونشجعها …صدقونى تشجيعكم بيفرق 😍😍

https://www.facebook.com/الفنانة-منة-حلمى-Down-Synddrome-484629788671168/

***انتظرونى فى حوار جديد وحكايات جديدة من حكايات الناس
والمواهب الجميلة
دكتورة ..مريم سامى

&&&&&&&&&&&&&&&&&

أقرأ ايضا فيمارتينا لطفى فنانة الكروشيه تنسج اجمل التحف

تابعونا علي الفيس بوك https://www.facebook.com/مجلة-عريس-و-عروسة-Groom-Bride-Magazine-313575946143990/

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى