*اجمل حكاية …لانها عن موهبة جمينلة …ملاك برئ ..قدرت تتحدى كل الصعوبات
*واصعب حكاية …لانى مش لاقية كلام اعبر بيه عنها ومش لاقية كلام يوفيها حقها هى ووالدتها
تعالو معايا نتعرف على حكاية موهبة النهاردة اللى كلها تحدى
فنانتنا وموهوبتنا الجميلة الملاك ..
نرمين سامح ❤❤❤❤
*…نرمين
ليسانس أداب .جامعة عين شمس
٢٤سنه…من القاهرة
*حالات خاصه.dyslexia
نرمين قدرت تتحدى كل الظروف الصعبة فى مشوارها الطويل بفضل ربنا وبعد ربنا بفضل والدتها العظيمة …مدام اميمة
اللى وقفت جنبها وساعدتها وشجعتها على تخطى كل الازمات والصعوبات بداية من التعليم وحتى تعليم الهوايات
*نرمين قدرت تتعلم وتحصل على ليسانس الاداب
*وبعد تخرجها بدأت تمارس الرياضات …اتعلمت السباحة
*وكمان اتعلمت kickboxing
*وايضا ابدعت فى ممارسة الرسم والتلوين ..ولما هتشوفو تلوينها هتنبهرو بدقتها وتنيسقها للالوان بمنتهى الجمال
*مش بس كدا …نرمين اتعلمت فنون التطريز وهى من أصعب الفنون للحالات الخاصه
*واكتر شئ بهرنى هو انها اتعلمت نول الخرز …اللى يعتبر من اصعب الفنون لأنه بيحتاج دقة شديدة وصبر متناهى وان مش اى حد بيقدر يتعلمه ومش كل اللى بيتعلمه بيقدر يكمل فيه لصعوبته ودقته
*نرمين عملت موديلات فى قمة الروعة ..وبقت بتعملهم هدايا لقريباتها فى اسرتها وبينبهرو بشغلها وهداياها الجميلة
*ولما سألت والدتها …ايه الرسالة اللى حابة توجههيها ..كان هو دا ردها ……
((((احنا مشينا مشوار طويل واتحدينا الصعوبات ولسه مكملين…. ..
.هذه رسالتى لكل أم لديها حاله خاصه .إن هناك أمل وتحدى مستمر وهناك نجاح لكل تحدى.))))))
*بعد الكلام الجميل دا مفيش قدامى غير انى انحنى احتراما وتقديرا لهذه الام العظيمة وانحنى اعجابا لفنانتنا الجميلة صاحبة الارادة والتحدى ……
*واتمنى ان كل الامهات اللى بيواجهو نفس الصعوبات يكون دايما عندهم الامل والاصرار وان مفيش مستحيل وان ربنا بيعوض دايما باجمل الحاجات
*والى لقاء جديد وحكاية موهبة جديدة ….انتظرونى
كنتم مع دكتورة ..مريم سامي فى نرمين سامح ..موهبة وتحدى
