النهاردة معانا هنكون معاكو في قصة جديدة من حكاية فرحى….مع عروستنا منة حسين
_____///____///____///____
*انهارده انا هحكي حكايتي انا ومحمد حكايه كل بنت بتحلم بيها وهي يوم الفرح كنا بنتمني كده وناس كتير بتخوفنا من الجواز بس اكتشفت غير كده اكتشفت ان الجواز حلو وراحه بال ومشاركه وحب وموده ربنا بيزرعه في قلوبنا اتجاه شريكنا…
*عدت سنه علي الخطوبه بحلوها ومرها وخناقاتها وبقينا مع بعض في بيت واحد البيت الي فضلنا نبنيه سواه من اول طوبه فيه…
*كنا بنعد الايام الي باقيه علشان نكون مع بعض كل حاجه كانت صعبه ومستحيله ف سهله في نفس الوقت بس الصبر كان مفتاح الفرج من تجهيز الشقه للفستان للبدله بتاعته لفينا كتير اوي وتعبنا بس كنا بننسي التعب بالايام الي كانت فاضله واننا هنروح بيتنا سوا….
*طبعا اليوم الي قبل الفرح ده كان يوم صعب جدا كان كله حزن وفرح في نفس الوقت لان البنوته الصغيره الي دايما شايفنا دلوعتهم كبرت وبقت عروسه وخلاص هتبقي بفستانها الابيض وهيبقي ليها حياه خاصه وبيت واسره…
*يوم 5/7/2019كان كتب كتابي كان يوم حلو اوي بس كان كله دموع ماما كانت بتعيط كل ماتشوفني شافت بنوتتها خلاص هتمشي وتسبها…
*اصل انا كنت صاحبتها مش بنتها بس وكنت انا القريبه منها اكتر من اخواتي ف طبعا ازاي امشي واسبها بس برضوه كانت مبسوطه اني هتجوز ما دي سنه الحياه وكان هيجي يوم واتجوز…
*نيجي بقا لبابا الاب الي مهما اتكلم عنه مش هقدر احكي عليه لانه كان اب حنين وكل العيله بتشهد بيه كان زعلان اني همشي واسيبه ما انا كنت الدلوعه بتاعته وكنا بنرخم دايما علي بعض…
*اما بقا احمد اخويا ف ده كان مبسوط اوي اني همشي من البيت وهسيب الاوضه والعربيه ماهو مكنش بيعرف يركبها مني واتبسط اوي اني مش هصحيه كل شويه وارخم عليه اعمل ايه كنت بحبه جدا وبحب ارخم عليه…
*نيجي بقا ليوم 9/7/2019 سافرت القاهره لان كنت هلبس هناك يوم فرحي خلصت كل حاجه نقصاني الحمدلله وروحت عملت المسكات الي كل عروسه بتحتاج تعملها يوم فرحها وعملت جلسه الليزر الي مهما احكي عنها مش هخلص طبعا هنصح كل بنت تعمل ليزر قبل فرحها علشان ترتاح…
*اما بقي عن يوم11/7/2019 ده كان يوم فرحي اليوم ده انا مكنتش عارفه انام بصراحه من الخوف والقلق بس الحمدلله نمت بعد معاناه وصحيت بدري اوي كاني رايحه امتحان ومش مذاكره..
*بس الحمدلله عدي علي خير وروحت انا ومحمد وصاحبتي للاوتيل (رينيسانس التجمع الاول مخ دح) كنت حاجزه اوضه هناك البس فيها وكنت جايبه نور عوده ميكب ارتست وكنت جايبه اسراء ممدوح عملتلي الطرحه من بورسعيد و حسام يونس واحمد البحيري فوتغرافي من القاهره وفيديو علشان اليوم وفرحتي تكمل بيهم طبعا…
*نور عوده كنت مختاراها من بيت اشهر ٤ ف القاهره لان بحب شغلها جدااا ومواعدها مظبوطه جدااا وصلت قبلي الاوتيل وبدات الميكب من غير ما اختار اي لوك او الوان لان كنت واثقه جدا من شغلها وكنت عارفه انها هتعملي احسن حاجه…
*وفعلا بعد ماخلصت ولبست الفستان الي كنت جيباه من bridal vel wedding dress لاقيت نفسي برنسس في نفسي كده وعجبني شكلي اوي ومحمد جالي الاوتيل لانه كان بيلبس عند محمد ورامي وعملنا احلي سيشن في الاوتيل…
*وبعد كده بدانا رحله السفر اصل الفرح بتاعنا كان في البحر الاحمر في راس غارب طبعا اليوم كان متعب اوي علينا بس كانت نتيجته حلوه ووصلنا القاعه الحمدلله بالسلامه..
*بابا اخدني علشان يوصلني لايد محمد ويوصيه عليا وبدانا الفرح باول اغنيه رقصنا عليها سلو وكانت سامو زين(لو عمري يرجع) وكان بيصورنا ف القاعه تيم اسلام ادم من اسماعيليه…
*انا عايزه اشكره جدا علي مجهودوا معانا بصراحه والحمدلله اليوم عدي واحنا في قمه انساطنا وفرحنا جدا انا ومحمد وعيلتي واصحابي وروحنا علي بيتنا الحمدلله…
*عايزه اقولكوا ان الجواز مشاركة وحب وتفاهم اختاري الي يقدرك ويصونك ويحافظ عليكي ويشوفك احلي زوجه وصديقه واخت وام…
*ومترضيش تكوني علي الهامش في حياته ومتستعجليش في اختيارك ومترضيش بواحد يقلل منك قدام اي حد مهما كان انتي تفضلي دايما ملكة في بيتك الجواز حلو بس انتي اختاري صح…
*و بكدة نكون ختمنا قصتنا النهاردة مع حكاية فرحى….مع عروستنا منة حسين قدمتها لكم الاستاذة / ناهد محمد حسين
*أعداد / منة الله خالد عبد الرحيم
