الفرعون الصغير مصطفى نوفل اول موديل متلازمة داون

” الفرعون الصغير مصطفى نوفل اول موديل متلازمة داون “

*** مصطفى نوفل …الفرعون الصغير .. ملاك من ملائكة الداون سيندروم .جمع بين جمال الوجه وجمال القلب …..الروح الجذابة وخفة الدم …محدش يشوف صاصا الا ويدوب فيه عشقااااا 😍😍

حقيقى تعويض ربنا يفوق تخيلات البشر 💗

**مصطفى …ابن مصر وضد الكسر💪💪💪💪💪

قصة من قصص التحدى الحقيقية اتحدى فيها كل الظروف الصعبة وقدر يوصل لتحقيق احلامه ودا بفضل والدته

 مدام ايمان صباح ..اللى واجهت الدنيا كلها وامنت وصدقت فى ابنها .. تعالو نعرف حكاية الفرعون الصغير مصطفى نوفل اول موديل من متلازمة داون

**** مصطفى اتولد فى مدينة كفر الزيات في ١٥ نوفمبر ٢٠٠١، يوم وقفه رمضان،

ودى حكاية والدته معاه اول مافتحت عينها عليه

(((اول ما فتحت عينى وفقت من البنج لاقيته نايم جنبى علي السرير وفي ملاك بيحوم فوق راسه وفي أيده عصايه فيها نجمه وراح موجهها علينا نزلت نجوم دهبي، وبعدها اختفي… انا قولت دي تخاريف بنج

 شويه وماما قالتلي هو ليه مش بيعيط؟

ودخل بابا مصطفى قالي عايزين البيبي نطمن عليه عند دكتور اطفال؟؟

وروحت البيت وهو مش معايا. بابا مصطفي رجع من عند الدكتور وهو منهار من العياط. فهمت إن الملاك الي كان بيحوم فوق راسنا دي رساله من ربنا بعتها لي …بعتلي ملاكي الي غير مجرى حياتي وإني لازم احافظ عليه …)))))

*** والدة مصطفى واجهت تنمر وكلام سخيف من ناس كتير ودا لان للاسف مافيش عندهم وعي كافى..لكن ميأستش وعملت كل جهدها انها توصل للمسئولين فى كفر الزيات عشان توصل لحلول لمشاكل ابنها والاولاد الداون سيندروم اللى من حقهم يتعلمو ويجدو رعاية كاملة

*** كانت من اكبر المشاكل والتحديات ..عدم وجود مدرسة لحالات الداون سيندروم ..لكن مدام ايمان بروح المقاتلة اللى جواها ..جاهدت وطرقت كل الابواب

** بعتت فاكسات لرئيس الجمهورية ووزير التربية والتعليم ورئاسة الوزراء وقابلت محافظة الغربية ووكيل التربية والتعليم و تم توفير ٣ فصول في مدرسة أبتدائي، وفناء خاص بهم بس للاسف بعد ذلك تم نقل مرحله الاعدادي الي طنطا.

***ودي تعتبر اكبر معاناه ؛ تكلفه المواصلات لكل ام وابنها كانت حوالي ٦٠ جنيه في اليوم ….

***حاولت مدام ايمان الحصول على اسعار مخفضة لكن كان فيه ناس ظروفهم بسيطة، ومقدروش يدفعوا مواصلات شهرية، وكانوا بيدفعوا مصاريف المواصلة يوميا وينتظروا أولادهم في الشارع كل يوم امام المدرسة، ومنهم بسبب تكلفه المواصلات دخلوا أولادهم القسم داخلي ومنهم كانوا بيذاكروا لهم في البيت ويجيبوهم المدرسة وقت الامتحانات فقط. …

.. ****طالبت مدام ايمان كثيرا بالاهتمام بتوفير اماكن للرياضة والانشطة من وكيل وزاره الشباب والرياضة والمحافظ بالغربية، وأخدت منهم وعود دون أي تنفيذ، ودي من اكتر اسباب معاناتها نفسيا.

 ده غير الإجهاد المادي والجسدي في السفر إلى القاهرة لحضور الملتقيات والمساباقات علشان مفيش في البلاد الصغيرة اي اهتمام بالانشطة

****ومن هنا كلنا بنناشد المسئولين فى كل المحافظات بضرورة الاهتمام بتوفير المدارس والانشطة لاصحاب القدرات الخاصة وتقليل معاناتهم

 لانهم فعلا جواهر مدفونة ومحتاجة نخرجها للدنيا

___ ____ _____ ____

*** بعد ما عرفت قصة كفاح مدام ايمان تأكدت ان اللى وصل له مصطفى مكانش من فراغ وان فعلا وراء كل شخص ناجح….أم بتضحى بكل حاجة عشان اولادها

****اما عن نجمنا الجميل الفرعون الصغير…الى ابهر الكل بجماله وروحه الحلوة وخفة دمه تعالو نعرفه اكتر

*** مصطفي شاب جميل، متميز ومحبوب جدا من كل الناس. والدته علمته يعتمد علي نفسه في كل شيء، عنده ثقة كبيرة في نفسه، وبيخرج مع أصحابه لوحده،

***مصطفى له نشاطات كتيرة. اشترك في ملتقى العرب الاول لذو الاحتياجات الخاصة بحضور رئيس الجمهورية، ورياضيا حصل علي ميدالية فضيه في تنس الطاولة. واشترك في بطوله الجمهورية في الكره الخماسية، ده غير بطولات وميداليات ذهب في في الوثب والجري، وتم تكريمه العديد من المرات من مسئولين كبار علي رأسهم محافظ الغربية.

***كذلك حصل علي المركز الأول عن لجنه تحكيم لـ ٣٦ دولة عن الفيلم الوثائقي لا للتنمر

**مصطفي هو اول موديل من أصحاب الداون سيندروم، وباتمني انها تكون مهنة مميزه له.

***مصطفى عمل سيشن لمحل ملابس شهير وحقق نجاح كبير وبدأ اصحاب المحلات يلتفتو للموديل الجديد اللى بهر الجميع

***مصطفى اتكرم من مهرجان ايجى فاشون

*** اخر سيشن عمله مصطفى هو سيشن فرعونى وحقق اعلى نجاح على السوشيال ميديا

*** واحدث خبر لمصطفى هو تكريمه ن من الرئيس السيسي يوم الثلاث ٢٤ ديسمبر.

***اجمل كلمة عحبتنى لوالدة مصطفى ..

((أنا بكون فخوره جدا وانا ماشيه ايدي في ايده.)))

*** زى ماقلت .

….ربنا مبينساش حد ومبيضيعش تعب حد ..

….تعويضات ربنا تفوق التصور والحدود .

…وراء كل عظيم ..ام عظيمة

..ربنا يوفقك ياصاصا ونشوفك نجم عالمى …💪💪💪

وانتظرونى فى حوار جديد ….

دكتورة ..مريم سامى

*****

أعداد/ منة الله خالد

_____///_____///_____///_____

أقرأ أيضا فى داخل عالم الميكاب مع تيسير فهمى

تابعونا على صفحة الفيس بوك https://www.facebook.com/مجلة-عريس-و-عروسة-Groom-Bride-Magazine-313575946143990/