اليوم تقدم لنا دكتورة مريم سامي مقال جديد مع : سارة توما ..مبدعة صناعة العرايس
****سارة توما ..مبدعة صناعة العرايس تقول ان ((((العروسة مش مجرد لعبة
العروسة صاحبتى معايا فى كل مكان …وعرايسى بقو افراد من اسرتى )))
**** دى كانت كلمات فنانتنا المبدعة سارة توما …واللى حقيقى وقفت قدامها كتير …لانى لقيت نفسي قدام فنانة موهوبة عاشقة للعرايس وصناعتها كل عروسة عملتها فيها ابتكار جديد و روح مختلفة وتفاصيل دقيقة ولمسة مميزة واكنك قدام شخصية مش ناقصها غير انها تتكلم معاك
*واول ماتشوفو العروسة لازم تعرفو انها من عرايس سارة توما
Dolls of saray
لانها لها طابعها المميز ..وهو دا قمة النجاح
***تعالو نعرف حكاية سارة
**ساره ارميا زكي توما متواجدة في محافظة الوادي الجديد
فنانة تشكيلية اتخرجت من كلية الفنون الجميلة في سنه 2008. **اشتغلت بعد التخرج بفترة قصيرة كمدرسة رسم وكمهندسة ديكور out door في المجلس المحلي لمدينة موط ورسمت عدد من اللوحات بالاشتراك مع عدد من الزملاء لتجميل ميادين المدينة.
** بعدها بفترة ركزت اكتر في شغلها كمدرسة ومن هنا بدء تعرفها على صناعة العرائس ودة كان في اواخر سنة 2013.
__ ___
**سارة توما طول عمرها معروف عنها حب العرائس وحب اقتناءها وكمان كانت بتفصل هدوم للعرايس بتاعتها لما كنت صغيرة
__ __
*** ولأن سارة توما عاشقة العرايس من زمان اوي بدأت تعلم نفسها من النت
الفيديوهات كلها محتواها برازيلي وروسي و فيه كلام مفهوم وكلام غيرمفهوم فبدأت تعتمد على خبرتها في الخامات وبدأت تسأل كل حد حواليها بيفهم في ادوات معينة
***ومن اكتر الناس اللى وقفو جنب سارة وساعدوها باباها
بحكم خبرته فى الادوات والاسلاك والخامات
___ ___ ___
*** سارة توما دايمابتحب تطور شغلها وتصميماتها من لما بدءت في 2014 لحد النهاردة 2020 مكررتش تصميم عملتة مرتين كل تصميماتها جديدة ومختلفة وبطور شغلها وخاماتها بصفة مستمرة
*** سارة قدرت توظف عرايسها في حاجات كتير تنفع للاستخدام في اماكن مختلفة وفى مناسبات مختلفة ..زى عيادات ..سبوع …هدايا اعياد ميلاد وغيره
___ ___ ____ ___
***واما سألتها
تحبى تقولى ايه للفنانين الهاند ميد المبتدئين
.((( عايزة اقول لكل حد مهتم بالهاند ميد انه لازم يطور نفسة.. اليوتيوب او غيرة مش هيديلك كل اسرار الشغل والطرق اللي بتخلية في افضل نتيجة لازم نجتهد ونفكر ومواقع زي بينتارست او غيرة دي مجرد شيء للتصفح مش ل نقل الافكار التصفح بيخلي في مخزون فني كبير في دماغك تقدر من خلال تعمل تصميمات جديدة مش موجودة اما النقل الاعمى فا بيقتل الإبداع والتميز ممكن في الأول يستخدم للتقليد كانوع من اختبار النفس في المقدرة للوصول لنتيجة معينة لكن مش منتج للتسويق ….)))))
__ __ __ ___ __
ولما سألت سارة
تحبى تشكرى مين من اللى ساعدوكى ووقفو جنبك ؟؟،
دا كان ردها
(((((اولا واخيرا بابايا اللى ساعدنى فى كل حاجة
و احب اشكر كل الناس اللي ساعدتني وشجعتني من خلال مواقع التواصل الإجتماعي ولبنت عمتي اللي كنت دايما مدواخاها معايا في شراء الخامات والأدوات بتاعت شغلي هي ليها فضل كبير اني اعرف اشتري خاماتي منين ..أمل بهجت … شكرا لانك كنتي بتساعديني دايما ❤))))))
___ ______ __
**اما تصميمات وشخصيات شغل سارة فهى نابعة من حاجات جواها حبيتها من وهى صغيرة خصوصا عرايس والعاب الكريسماس واللي انا بتحب توقيتة جداااا وبتحب احتفالاتة جدااا خصوصا الفيلم المميز اللي كلنا كنا بنشوفة home alone واللي كنا كلنا بنحب مغاماراتة بس سارة كانت بتستناة علشان تشوف لقطة الاستور الكبير اللي كان بيدخلة في وقت الكريسماس علشان تتفرج على الالعاب والهدايا وترتيبها وواحدة من احلامها ان يكون عندها ستور كبير زيه تقضي فية كل وقتها 😍
—- —- —- —
**** سارة حاليا بدأت تعمل عرايس قماش بجانب العرايس الفوم وكل شوية بتجدد فى الخامات والافكار
ولما سألتها
عن طموحاتها الفترة القادمة ..دا كان ردها
(((بحلم إني اقدر في يوم من الأيام إني اقدر أخد كورس عن صناعة العرايس ب عدد من انواعها المختلفة خارج مصر
وان عرايس dolls of Sarary
تكون عالمية ومشهورة
وان فن العرايس يكون ليه رواده في مصر وان التصنيع يكون على درجة كبيرة وعالية من الإتقان
لان العرايس مش مجرد لعب دول أول اصحاب لينا واحنا صغننين واللي بناخدهم معانا في كل مكان علشان بوجودهم بنحس ب الأمان في أي مكان غريب او جديد هههههههه انا باخد لعبتي معايا وانا مسافرة بتحسسني إني مبسوطة واني مش لوحدي من الآخر عرايسنا بتبقى أفراد من عيلتنا 😍))))
لمتابعة اعمال الفنانة المبدعة سارة توما لينك البيدج
___ https://www.facebook.com/Dolls-of-Saray-623477897783146/
___ ___
وفى نهاية حوارى مع سارة بتمنى لها كل التوفيق .لانها فنانة ومبدعة حقيقية
وانتظرونى فى حوار جديد
دكتورة ..مريم سامى
