عاشقه الديكوباج وفنون تجديد الاثاث : عاشقه الديكوباج وفنون تجديد الاثاث

عاشقه الديكوباج وفنون تجديد الاثاث

*كلمات جميله عبرت بها فنانتنا الجميله

المهندسه نانسي ميشيل مبدعه فنون الديكوباج عن احساسها بهذا الفن
—— ——- ———-

**تعالو نتعرف اكتر علي مبدعتنا. وعلي شغلها وازاي وصلت للمرحله دي من الاتقان والابداع

—— ——- ———

عاشقه الديكوباج وفنون تجديد الاثاث

المهندسه نانسي جورجي.

مهندس مدني فى مجال معالجة مياه الصرف الصحي وعامله دراسات عليا في نفس المجال

فن الديكوباج تخرج الطاقة السلبية

***بتحب كل فنون الهاند ميدوبتشتغل فى اكتر من مجال بس فى الاخر بتلقي نفسها لما تشتغل الديكوباج لانه تجديد لكل حاجه بتقع تحت ايديها

***كانت بتحب الهاند ميد من وهي فى المدرسه واشتغلت تريكو وكروشيه وكانفاه وايتامين وتطريز واشتغلت موزاييك
. تقريبا مرت على اغلب انواع الهاند ميد

***بس من حوالى ٥ سنين اتعرفت على الفن ده وبدات اخد كورسات فى اماكن مختلفه وكل ما كانت تسمع عن تكنيك جديد تروح تتعلمه لغايه لما اصبح عندها معلومات جيده جدا عن كل انواع الديكوباج العادى والمجسم

***وباقى المعلومات عرفتها من اليوتيوب ودلوقتي بدات عمل تجديد اثاث بطريقه الشابى شيك والتبتين واستخدام الالوان الطباشيريه

**** ولما سالتها ليه اخترتي فن الديكوباج دون عن باقي الفنون. وازاي بتوفقي بين عمللك كمهندسه وبين فنك وهواياتك ؟؟؟؟؟
دا كان ردها ………

((((((((انا اكتشفت ان شغل الديكوباج بيخرج الطاقة السلبيه واكتشفت كمان ان معدل الخلافات فى البيت قل بدرجه كبيره لانى كل لما اكون زعلانه او زهقانه اقوم اشتغل ديكوباج بجد بيهدى اعصابى
انا لقيت نفسي في الفن ده وبالنسبة الى عملى الاصلي كمهندسه فهو مااتاثرش لانى باشتغل فى هوايتى فى الاجازات او اوقات الفراغ))))))

تسويق ألا شغال

**** المهندسه نانسي. بتسوق حاليا شغلها عن طريق صفحتها علي النت. غير اشتراكها في المعرض والاوبن دايز

**** ولما سألتها عن المشاكل اللي بتواجهها.؟؟؟
دا كان ردها …

((((((اكيد بتواجهنى مشاكل زى ان التسويق والانتشار صعب جدا وإلايجارات غاليه جدا
فيه معارض كتير ماقدرتش اشترك فيها لان الايجار عالى جدا المتر بيوصل ١٥٠٠جنيه واقل مساحه ٦ متر لمده ٩ ايام يعنى ابيع بكام واكسب ايه)))))

** واخر سؤال وجهتهولها كان

ايه هي احلامك وطموحاتك ؟؟.

((((((انا نفسى كل الناس يكون عندها حب واحساس بالفنون لان ده اللى هيرجعنا نحافظ على بيوتنا والشوارع والبيئة وعلى شكلنا ولبسنا وحتى على طريقة معاملتنا لبعض وبالنسبه لى نفسى الناس تعرفنى وتحب انتاجى ويكون لى براند))))))