ايمان احمد وبطولات متعددة
كل يوم بعرف ملاك جديد من ملايكة الداون سيندروم بكتشف انهم هبه من ربنا
انعمب يها على اسرهم .وانهم مش بس بيبقو ملايكة فى وسط بيوتهم واسرهم
دا كمان بيبقو شرف وفخر ليهم وسبب لفرحتهم ❤❤❤
والنهاردة معانا بطلة جديدة من ابطال الداون سيندرومايمان احمد وبطولات متعددة
مواهب متعددة في مجالات متعددة معانا البطله
ايمان احمد وبطولات متعددة
___ ___ ___ ___ ___ __
***ايمان ..عندها 16 سنه ٢ طالبة بااحدى مدارس التربية الفكرية اولى مهنى اعدادى
*** والدتها السيدة نهله عبد العزيز
واجهت المشكلة اول ماعرفت بعد ولادتها لايمان بانها حمدت ربنا كثيرعلى فضله دون تذمر
واتجهت إلى المركز القومى للبحوث وهو اللى اكدلها ان بنتها داون سندروم
**بعدها بدأت السيدة نهله تشتغل على رضيعتهت وهى عندها شهرين بالذهاب إلى
مركز تأهيل القوات المسلحة لعمل تنمية قدرات وتعليم موجه تدريجيا حتى وصلت لتعليم تخاطب حتى سن ٤ سنوات
** وقتها ذهبت بها إلى مدرسة رمسيس كولدج وبقت فى المدرسة إلى أن تمت ١٥ سنة
***مشورها مع التعليم
ومش بس كان التركيز على الدراسة والتعليم لكن من جهة أخرى اشتركت فى نادى
وادى دجلة لتعليم السباحة ومع التعليم لفتت نظر المدير الفنى فدخل ايمان فريق
السباحة لاحتياجات الخاصة ودخلت بطولة الجمهورية وحصلت على اول ميدالية
..ومن بعدها اصبحت دايما بطلة السباحة وحصدت الكثير من الميداليات
***ثم دخلت الأولمبياد الخاص وحصلت على ميدالية وهكذا استمرت ايمان في حصد الميداليات
لحد وقتنا الحالى وان شاء الله دايما تكون مشرفانا ❤❤
___ ___ ____ _____
***
الجميل في ايمان
انها مش بس موهوبه في مجال الرياضه لكنها كمان موهوبه في الغناء والباليه
**دخلت ايمان فريق الكورال واشتركت فى حفلة الرئيس السيسى عن طريق الاتحاد الرياضى قادرون للاختلاف (١)
***كمان هى فى سنة ثانية بالية للأكاديمية الفنون واشتركت فى حفلة الملتقى عن طريق الاكاديمية
___ ___ ___ _____ ____
***
*****ولما سألت مدام نهلة علي موضوع التنمر وهل واجهت مشاكل هى وايمان
ام نظرة المجتمع اختلفت
كان ردها
(((((طبعا موضوع التنمر كان موجود قبل ما سيادة الرئيس يوجه الضوء على اولادنا تعبت كتير من نظرات الناس ليها في البدايات
أما الآن ناس كتييير تقف تبوسها فى الشارع وكمان فى النادى وهى بطبيعتها اجتماعية جدا جدا والكل بيحب))))
___ ___ ___ ____ _
**** ايمان هي ينبوع الحنان في البيت هي الملاك هي تقريبا اهم واحدة
واخواتها بيحبوها جدا وبيفخرو بيها ولما بتكون في بطوله او معسكر بيبقو متشرفين بيها انها اختهم ❤❤
___ ____ _____:
*** ايمان شخصيه اجتماعية جدا وصديقة لكل أصحابها
وكمان بتطلع دايما المعسكرات مع أصحابها ومتعلمة الاعتماد على النفس ودي من اجمل الصفات فيها
___ __ ___ ___
**اخر حاجة بتدرب عليها ايمان هي التجديف حياك وكانوى فى النيل وان شاء الله هتدخل فيها بطولات لأنها شاطرة فيها جدا
وبذن الله تحصد فيها الميداليات
___ ___ ____ ____
*** وطلبت من مدام نهلة كلمة اخيرة للمجتمع ولاولياء امور ذوي القدرات واللي
لسة بيواجهو بيهم الدنيا ومعندهمش خبرة
كانت دى كلماتها……
((((كلمة أخيرة آمنوا بقدرات أولادكم اشتغلوا عليهم خرجوهم للمجتمع جربوا فيهم
كل حاجة اى لعبة اى منافسة لو نجح فى حاجة كمل ماتقفش لو مانجحش شوف
غيروا متيأس ولادنا عندهم قوة احتمال ويقدروا يعملوا كل حاجة))))
___ ___ ___ ____
فى نهاية حوارى مع مدام نهلة عبد العزيز والدة البطله ايمان
بشكرها جدا على وقتها وكلامها الجميل
وبتمني لبطلتنا المزيد من البطولات والميداليات
