مريم وجيه اول فنانة تشكيلية من اصحاب الهمم

مريم وجيه اول فنانة تشكيليه من اصحاب الهمم 

بقلم دكتورة / مريم سامي 

(الحياااااااه ❤️مريم هي الحياة ..هي النفس … هي الحضن …. هي الحنية …هي الجمال كله بالنسبة لي ❤️))

كلمات رقيقة معبرة  خرجت مع نبضات قلب أم ❤️وبدأت  بيها مدام هناء امين حوارها معي عن ابنتها الجميلة مريم ❤️❤️

*** مدام هناء والدة مريم وجيه فؤاد ٢١ سنة البطلة والفنانة من ذوي القدرات الخاصة

وهي أول متلازمة داون تلتحق بكلية فنون جميله دراسات حره بمنحه مقدمه من وكيل الكليه دكتور اشرف رضا

***

كان اول سؤال ليا موجه لمدام هناء

كلمينا في نبذة عن البداية ازاي عرفتي ان مريم من اصحاب متلازمة داون وازاي تلقيتي الخبر دا ؟؟؟؟

(((في البدايه انا اتجوزت وانا عندي 20 سنه وزي اي بنت في بداية الجواز كنت

بحلم باطفال حلمت اسميهم ايه واتمنيت اعلمهم فين ويطلعو ايه

حملت في تؤام واجهضت في شهري الثالث وبعد ست شهور حملت مره آخره وأثناء

حملي ماتت امي وانا في الشهر الرابع وماتت حماتي وانا في الشهر الثامن.😭😭

كنت في حاله نفسيه وحشه جداا وعندما حان وقت الولادة ذهبت إلى المستشفى

عندما شعرت بأعراض الولاده الطبيعيه وفجأه بعد الكشف عليه قرر الطبيب ان

الولادة مش هتكون طبيعي؟!! ليه يا دكتور.. لان الحبل السري ملفوف حول عنق

البيبي..طيب حضرتك هتعمل لازم تولد قيصري وبالفعل ولدت قيصري

وبعد خروجي من العمليات ومشاهدة طفلتي لأول مره ومع اول نظره شعرت اني

معاها وبوجودها فرحانه مع صوت بابها مريم قمررر (مريم) هو الاسم الي اتفقنا نسمي بنتنا به

مريم وش جميل ملائكي
ملاحظه.. انا.. البنت دي هتطلع خباسه بطلع لسانها ولسانها طويل اووي
الكل بيضحك

ومع زيارة الدكتور ليا طمني مريم كويسه
الدكتور.. طبعا بنوته قمرر يا هناء ربنا يخليها ليكم

خرجنا وتعايشنا زي اي ام وأب مع طفلتهم مع حزن لفقدان التيته للأم ولاب

على أربعين يوم من ولادة مريم تعرضت فجأه وبدون مقدمات لدور التهاب رئوي حااااد وكانت مريم. بين الحياه والموت

ذهبنا الي الطبيب الي مريم اتولدت على ايده وقالي لي لازم مريم تدخل مستشفى

حالا وبالفعل ذهبنا من عنده على المستشفى وفي الطريق ومريم على رجلي اتابع

أنفاسها ودموعي تنزل بانهيار خايفه من فقدانها وعندما وصلنا المستشفى

اخدتها الدكتوره والممرضات بسرعه رهيبه ووضعوها على جهاز بذل البلغم حتى

تتنفس وبدأت الحكايه…….. بسؤال الدكتور.. انتوا قرايب
احنا.. اه بس من درجه بعيده

وكل دكتور يدخل علينا ويشوف مريم يسألني انتوا قرايب

وعندما تعافت مريم بس خضوعها للعالج اكتر من ٢١ يوم وعند خروجنا من

المستشفى وقفنا مع الدكتور نساله عن حالة مريم

فطلب ان يكلم الاب لوحده وكانت الصدمه… خير يا دكتور

شوف يا بابا بنت طفله منغوليه

وعندها ثقب بالقلب وفتق سرُي

الاب يعني ايه منغوليه.. يعني عندها تخلف عقلي

الاب طلع من عند الدكتور منهااار وعيون مليانه دمووع سألته مالك في ايه مريم فيها حاجه؟؟؟

وانهرت من منظر دموعه ولحد ما روحنا وانا مش عارفه مريم فيها ايه.

الصدمه.. الاب.. مريم بنتنا طفله منغوليه..
انا يعني ايه.
الاب عندها تخلف عقلي

انا.. يعني ايه يعني هتطلع عبيطه وهبله ومش هتعرفني ولا هتقولي يا ماما مش هتتعلم مش هتبقى حاجه كبيره زي ما بتمنى

انا.. في عتاب مع ربنا ليه يااارب ليه اول فرحتي انا وحشه اووي كده وفضلت كده لوقت قصير في عتاب وانهيار مع ربنا

وبعدها حسيت بقوه غريبه من ربنا وقررت انه كلام الدكتور غلط ولازم اروح لدكتور والتاني لحد ما اتأكدت😢😢😢

وبعد تأكد أن مريم طفله منغوليه بدأ يقولي اعمل ايه واتعامل ازاي وان لازم اعمل

تحليل كروموسومات عشان اعرف ان مريم وراثه ولا طفره.. والحمدالله طلعت طفره)))))

——- ———— ——-

*ابتديتي مشوارك الطويل مع مريم ازاي ؟؟

((((بدأنا مشوار التدخل المبكر مع مركز تأهيل لذوي الاحتياجات الخاصة وبدأت

اخد دورات تدريبيه مع مريم عشان اقدر اتعامل مع مريم كأخصائيه

لاني كان كل حاجه في مريم بتطور بسرعه وده كان مديني أمل انها هتبقى كويسه وطفله عاديه

بدأت اتباع برنامج البورتايج وهو برنامج لتنمية القدرات الادراكيه والمعرفيه

واللغويه والرعايه الذاتيهوبعد ما خلصت البرنامج والحمدالله كانت مريم تقريبا للنورمل

بدأنا مرحله ما قبل الأكاديمي وفيها اتبعنا برنامج منتسوري وبدأت مريم تعرف

الحروف والأرقام وبدأنا المشوار الأصعب في رحلة مريم مع التعليم ))))

——— ———- ———
* اكيد واجهتك صعوبات كتير
عرفينا الصعوبات اللي واجهتك وازاي اتغلبتي عليها ؟؟؟؟

——- ———- ——-
*** اكيد مريم واجهت مشاكل التنمر في المدرسة كلمينا عن المشكلة دي

فعلا كان يوجود تحفظات لوجود مريم بالمدرسه بالنسبه ليا لاني كنت خايفة عليها

واتفقت مع مدرستها ان مريم متطلعش فسحه ولا تروح حمام لوحدها كنت مرعوبة

عليها من جو المدرسه الحكوميه بس كنت مجبره على الوضع ده لانه مكنش في بديل
وفي يوم من الايام حصل ظرف للمدرسه واستآذنت وتركت مريم مع الفصل

وحدث ما كنت أخاف منه وهو ان مريم تعرضت لتنمر وضرب من الطلبة 😢

وذهب والد مريم ليأخذها وعندما شاهدها مضروبه ومتسخه بتراب المدرسه اخد

موقف مع ناظر المدرسه ومن بعد هذ الموقف قررنا ان مريم تدخل مدرسه خاصه

حاولنا في التعليم العادي منفعش بسبب الرفض وتم التحاق مريم بمدرسة نحو حياة افصل

تبع إدارة الدلاسال كنت كل همي ان مريم تعيش طفوله عاديه تتعلم السلوكيات الصح

اما الأكاديمي فنميته برايفت مع مدرسين متخصصين والحمدالله مريم بشهادة

جميع مدرسينها كانت متفوقة ومنتبهة بجانب خطها الحلو ❤️

مريمً الآن في تالته تأهيلي وسوف تستكمل بعدها سنتين يعدلوا الاعداديه وتكمل مشوارها التعليم الطبيعي))))

——- ———

* انتي كلمتينا عن مشوارك مع مريم في التعليم الاكاديمي
لكن انا شايفة مريم بطلة رياضيية موهوبة

كلمينا ازاي قدرتي توصلي بمريم للمستوي دا ❤️؟؟؟؟

((( لو هتكلم عن الجانب الرياضي…..

في سن سبع سنوات كانت مريم تدرب سباحه في فريق النادي النورمل مع اختها يؤانا التي تصغرها بااربع سنوات

وفي يوم تدريب شاهدها مدرب مختص لذوي الاحتياجات الخاصة وقالي ليه مريم مش بتدرب مع مدرب مختص وتدخل بطولات

حسيت بنور وبؤرة أمل في كلامه وقولتله اوكيه ياريت طبعا واخدت الموضوع بجديه

وبدأنا رحلة السباحه ومع اول بطولة بعد تدريب وچيم اربع سنوات

دخلت مريم بطولة اولمبياد خاصه وحصلت على الميداليه الذهبيه 🏆🏆🥇🥇🥇

ودي كانت مفجأه ليا ونجاااح بعد تعب ومجهود شااااق..❤️❤️🥰

واترشحت من البطوله لبطولة اقليمه على مستوى 13 دوله عربيه ٢٠١٤ تحت رعاية السيد الرئيس عبد الفتاح السيسي في أول سنه تَواليه الحكم

وفازت مريم بميداليه فضيه 🥈🥈🥈🥈واخرى برونزيه🥉🥉🥉🥉
ودا اول شعاع الثقه بالنفس لمريم

عندما تكرمت من وزير الشباب والرياضه ووزيرة التضامن وبدأ الإعلام يتكلم عنها

والكل يقولها يابطله وبدأت النظره تتغير لمريم من طفله كانوا بيبصوا ليها على أنها

متخلفه الي بطله والكل بيشاور وبيفتخر بيها

وخصوصا بعد ما دخلت بطولات كتيره سواء أولمبياد او اتحاد او شباب ورياضه

وفي كل بطوله كانت بتثبت نفسها في كل ايفنت بفوزها بالميداليات

وحصدت 50 ميداليه ذهبيه🥇🥇وفضيه 🥈🥈وبرونزيه🥉🥉

ولقبت ببطلة العرب 2014 🏆🏆🏆))

——— —————

***** بعد ماعرفنا ازاي مريم بقت بطلة العرب

عاوزين نعرف ازاي بقت فنانة تشكيلية 🖼🖍🖍🖍معروفة وبتشارك في المعارض. ❤️❤️؟؟؟؟؟

***(((بالنسبة لاكتشاف موهبتها في الرسم……

في البدايه كنت بعطي مريم الألوان كنوع من تنمية القدارات وانها تعرف تمسك القلم وانها تلون جو ا حيز ومتخرجش منه

وعلى سن عشر سنوات بدأت اجيب ليها كتب تلوين روسوماتها دقيقه وبدأت مريم

تلون دون تدخل من احد في اختيار الألوان وبدأ الإبداع يظهر من خلال تناسق

ألوانها وقتها وكنت ديما بقول لنفسي مريم جواها موهبه وفعلا بدأت أعرض

رسوماتها على دكاتره متخصصه في الفن التشكيلي وكانوا ديما بيقولوا انها عبقريه في اختيار ألوانها ودقتها

وفي سنة 2016 دخلت مريم مسابقة الفن التشكيلي في الملتقى الدولي للفنون لذوي

الاحتياجات الخاصة على مستوى 36 دوله اجنبيه وعربيهوعرضت لوحه لها في المعرض

وبشهادة دكتور اشرف رضا وكيل كلية فنون جميله ورئيس لجنه الفنون التشكيليه للملتقى شهاد ان مريم عندها موهبه ولازم تنميها

وبشهادة أخرى من دكتور رضا فضل وهو دكتور في الفن التشكيلي وهو أيضا من

ذوي الاحتياجات الخاصة اعاقه حركيه باليد قالي انا هقوم بتدريب مريم وبدأنا

رحلت الفن بالتدريب على الألوان والفرشه
وفي كل لقاء من الفنان رضا فضل كان بياكدلي انها موهوبه))))
—- ———— ————/

* ازاي مريم بقت طالبة في كلية الفنون الجميلةً رغم اني عارفة صعوبة القبول في الكليات العملية لذوي القدرات الخاصة ؟؟؟؟

(((في سنه 2017 دخلت مريم المسابقه للمره التانيه وقدمت بورتريه ليا انا

وفي المره دي ابهرت دكتور اشرف رضا وكيل كلية فنون جميله ورئيس لجنه الملتقى وقالها

(((احنا ااتطورنا يامريم وانا هقتني اللوحه دي في مكتبي وليكي مفجأه خاصه بيكي حبيبتي)))

والمفاجأة ان مريم فازت بدرع الملتقى على مستوى 34 دوله اجنيه وعربيه وايضاا

فازت بمنحه مقدمه من دكتور اشرف رضا وكيل كلية فنون جميله بدراسة في

الكليه بقسم الدراسات الحره ودي كانت مفجأه وطبطبه من ربنا عليه لان الكليات العمليه كانت بترفض ولادنا حتى لو دراسات حره

وفتحت مريم باب جديد لاقرانها من ذوي الاحتياجات الخاصة وإثبتت مريم نفسها

بالكليه لمواهبيتها وخصوصا التزامها وحبهازميلها ليها وغيرت نظرت الدكاتره من التعامل مع هذه الفئه

ودرست مريم ثالث أقسام الي الان بالكليه جرافيك ونحت وتصوير زيتي
وفي كل قسم بشهادة الدكاتره كانت تبهر الجميع الحمد لله
❤️❤️❤️))
——- ——- —

*******

دخول مريم الجامعة في كلية عملية اكيد امر صعب عرفينا شعوركًوقتها وايه الصعوبات اللي كنتي خايفة منها ؟؟؟؟؟

((((في أول بداية دخولنا الجامعه كنت متخوفه من حاجات كتيره جداا اولها ازاي

مريم هتستوعب الدراسه العملي في الكليه وازاي الدكاتره هيتعاملوا معاها وهما غير مؤهلين للتعامل مع ذوي الاحتياجات الخاصة

وان كمان الكليه عمليه….. وازاي مريم هتتعامل مع زميلاتها وهل هيكون ليها أصحاب ولا مش هنقدر ندمج ونكون أصحاب وزمايل

وهي هيكون في تقبل من الطالبه لمريم وووووو….

كل ده كان بيدور في دماغي بس كنت فرحانه من ثقة مريم بنفسها من شغفها وحبها

للفن والرسم والألوان.. كنت بشوف ده في اندماجها وتركيزها وتطبيق الي بتشوفه وتسمعه

مريم قاعدة شهر تحت الاختبار قبل اعلان ان مريم تم التحاقها بكلية فنون جميله دراسات حره قسم جرافيك

من الخلال الشهر ده اقدرت مريم تثبت نفسها من خلال موهبيتها واندمجها وجذب الانتباه ليها من اول أمن الكليه الي زملائها والأهم الدكاتره…

حب مريم للدراسه انعكس على عطائها لشغل الكليه وبالتالي غيرنا نظرت المجتمع

لاولادنا من خلال تميزنا الحمدالله.. وخلال السنه الأول ودراسة مريم بقسم

الجرافيك وقسم النحت اثبت مريم انها تقدر تندمج ومن خلال السنه

انا كاأم محسيتش لحظه واحده ان مريم مختلفه وأقل قدره من الي معاها بالعكس

كل مره باشادة الدكاتره مريم كانت اكثر تميز وإنتاج للاعمال الفنيه وده غير حاجات

كتيره وفتح باب جديد لتقبل التجربه لاقارنها وبكده اقدر اقول هو ده الدمج الصح

وهو ان محسيش لحظه واحده ان مريم مختلفه او محطوطه في مكان كمالة عدد))))
———— —————

**** كلمة اخيرة لمجلة زهوة حابة تقوليها 🥰🥰

((((بجد ان كاأم اتمنى ان كل الكليات تتعامل مع ولادنا بحب وعطاء وضمير وعدم تخوف ولا ان اقلل من قدرتهم.

شكرا واجب لعميد كلية فنون جميله دكتور سيد قنديل ووكيل كلية فنون جميله

دكتور اشرف رضا وكل الدكاتره الي درسوا مريم في قسم الجرافيك والنحت والتصوير الجدارية))))
———— ——— ———

****** وبعد الحوار الممتع مع مدام هناء والدة البطلة مريم

تعالو نعرف اهم الانحازات الفنية
والمعارض والتكريمات الي مريم حصلت عليها🥰❤️❤️

***شاركت مريم في معرضين دخل الكليه
وهو معرض إيقاع ودروب
وكانت لوحاتها مميزه

وللمره التانيه تم اقتناء دكتور اشرف اللوحه شهاده منه أن لوحتها مميزه

***وشاركت ايضاا في معرض همسة الدولي دورة الفنان محمود ياسين مع كبار الفن

التشكيلي وكرمت في حفل ملتقى همسه بدار الأوبرا المصريه بدرع الملتقى من الفنانه مادلين طبر ورئيس المهرجان استاذ فتحي الحصرى

****وايضاا شاركت في مسابقة تبع #مشيحة_الازهر_الشريف ودي مسابقه فريدة

من نوعها لمشاركة مسلمين ومسيحين في مسابقة تبع هذا الصرح العظيم وهو

المسابقه اسمها حوار الاديان وعبرت مريم عنها ببورتريه نصه شيخ ونصه كاهن

وفازت بالمركز الرابع واهدت اللوحه لفضيلة الإمام الأكبر دكتور احمد الطيب

و

****وايضاا شاركت في مسابقة موهوب مصر مع #دوت_مصر مع الاعلامية شيماء

السباعي وفازت برعايه من قبل رجل الأعمال محمد الجارحي #حديد_الجارحي
وايضاا شاركت في معرض الشميري الدولي للفن التشكيلي

***وشاركت في افتتاح #معرض_الكتاب بحضور معالي رئيس الوزراء و ومعالي وزيرة الثقافه واهدت لهم لوحه على خشب الشجر لمنظر طبيعي

***وكرمت من العديد من وزارة التربية والتعليم إدارة الموهوبيين واهدت لوحه للغروب في مكتب دكتوره هاله عبد السلام

***و من وزير الشباب واهدت لوحه له بمشاركة مشروع وطن ووزيرة التضامن

****و من اتحاد رواد العرب منصة #فرسان_الاراده و من مدرستها على مشوارها الرياضي والفني

****وايضا من حملة بنفكر لبكره لدعم الرئيس ولقبت باايقونة #1000_قائد_افريقي

****وحضرت ملتقى التنمية المستدامه مع وزيرة التخطيط ووزيرة البيئه واهدت لوحه من أعمالها لهم

****وايضاا اهدت لوحه لسفاره الامريكيه في زياره مع دكتوره شيماء القصاص المسؤل العام لمشروع وطن

****وشاركت بالرسم على زجاجه مياه flo في شهر رمضان 2016

****وحضرت فطار رمضان الماضي مع السيد رئيس الجمهوريه عبد الفتاح السيسي واهدت لوحه من أعمالها لسيادته

****ورسمت كثير من الشخصيات العامه مثل الفنان امير كراره والفنان

#صابر_الرباعي
والمسؤال الاعلامي لمكتب رئاسة الوزارء دكتور هاني يونس

م

****وتتميز مريم برسم المناظر الطبيعيه والبورتريهات وبالوانها الجرئيه والصريحه

****وايضاا مريم تنتميلمشروع #1000_قائد_افريقي قسم ريادة اعملوايضاا

رسمت غلاف كتاب لرئيس قنوات DMC هشام سليمان سابقاا واسم الكتاب100نصيحه ونصيحه
َده كان آخر أعمالها

واليكم مجموعة جميلة من اعمال الفنانة الموهوبة مريم وجيه فؤاد 

في نهاية حواري الممتع مع الام الجميلة والنموذج المشرف لكل ام حقيقية مثالية

 بشكرها جدا  علي شرف الحوار معها واتمني لها ولبطلتنا وفنانتنا الجميلة مريم وجيه المزيد من التفوق  والنجاح 

وانتظروني في حوار جديد وابطال جدد 

دكتورة /مريم سامي