أكسيسوري النحاس وجمالة

أكسيسوري النحاس وجمالة

مهندسه أماني رياض

خريجه هندسه قسم كهرباء قوي بدأت شغل اكسيسوري من ٢٠٠٤

طول عمري بأحب الشغل الهاند ميد وجربت فنون كتير قبل ما استقر على الاكسيسوري

سبب دخولي مجال الاكسيسوري كان في اوبن داي واحده عارضه فيه شغل

اكسيسوري لاقيته سهل ومش صعب عليا فقررت اجربلاقيت نفسي ماشيه فيه والموضوع ممتع

باقيت باتفرج في المحلات على شغل الاكسيسوري المعروض واشوف الشغل معمول ازاي
واروح احاول اعمل زيه وبعد كام سنه لاقيت الموضوع انتشر اوي وكل الناس بتشتغل اكسيسوري

قلت لازم اطور من نفسي وبدأت احاول اتعلم صياغه الحلي كنت باتفرج على

اليوتيوب واحاول اعمل زيهم وبعدين كنت باروح الورش الي كانت بتعمل لي شغل

النحاس واقف على ايده وهو بيشتغل بحجه اني مستعجله ومستنياه يخلص او اني

فاضيه وقاعده مستنيه كل مره كنت باقف اتفرج عليهم وهما بيشتغلوا بحجه شكل

لغايه في مره بسأل صاحب الورشه وهو بيشتغل وبتقول له انا كل مره احاول الحم

اللحام مش بيظبط معايا والشغل بيتفك من بعضه قال لي تعالي قربي بصي انا

بضع الماده دي اسمها تنكار الماده دي بتسرع عمليه اللحام وهكذا كنت أشتغل ولو وقفت في حاجه أسأله مكنش بيبخل عني بالمعلومه الصراحه

بعد كده قررت اشتغل في الشنط النحاس اول شنطه عملتها اخدت مني ٦ شهور

علشان أقدر اظبطها واظبط الفصلات فيها واظبط الباترون

وألان بدأت في وحدات الاضاءه اني اشتغل وحدات اضاه اباليك ونجف من

النحاس لسه أول منتج مظهرش للنور بس ان شاء الله يكسر الدنيا زي الشنط النحاس

أكسيسوري النحاس وجمالة

#المهندسة/أماني رياض#

#مجلة زهوة#   مواضيع اخرى

شريهان أحمد والمشاركة المتميزة لبراند شيده فى تراثنا 2020

نيللي كريم تُحدث ضجة—سامح أبو غازى

الديرما بن—تيسير فهمى

الوليد ونسيج أخميم الناسج —وليد الدقيشى