عامهاند مايد
أخر الأخبار

هند الشوربجي نجمة في عالم الاكسسوار

هند الشوربجي نجمة في عالم الاكسسوار

 

النهاردة معانا نجمة جديدة فى** عالم الحلى والاكسسوارات وحوار شيق جدا …..فنانتنا ….هند الشوربجى

*الموهبة.. هى اساس النجاح والابداع

والتعليم والخبرة هم اللذين يدعموها والابداع ليس له حدود

* و الفنان الموهوب بيفضل طول عمره يتعلم ويطور من نفسه ويكون له بصماته الخاصة فى عالم الهاند ميد ….

**النهاردة معانا نجمة جديدة فى** عالم الحلى والاكسسوارات وحوار شيق جدا …..فنانتنا ….هند الشوربجى

1_اولا نحب نتعرف بيكى وبدراستك …

— انا هندالشوربجي مصممة حلى و اكسسوارات ……..
دراستي كانت حاسب آلي وملهاش اي صله بأتجاهي للفن .
___ ____ ____
2_عرفينا ازاى كانت بداياتك ؟

—بدايتي كانت مع الفساتين السواريه والتصميم انا اللي صممت فستان زفافي وكل لبس المناسبات ليا ولبنتي…
___ ___ ___ ___
3_وازاى طورتى من نفسك لحد ماوصلتى للحلى و للاكسسوارات ؟
— زي زي اي حد مشيت في دوامه الحياه والمسؤليه
—- لكن من اربع سنوات استهوتني فكره عمل اكسسوارات تجميع معان مع احجار حبيت ادور علي اني اصنع القطعه بالكامل اتجهت الي النحاس ماده خام طياعه حبتها قوي وكان نفسي اصنع الحجر واظهر القطعه بأعلي فنش
— بالصدفه اكتشفت الصلصال الحراري وحبيته واشتغلت بيه

–كنت عاشقه لدمج الخامات فعملت لوحات وصواني وشكمجيات بفن الكولاج والديكوباج للاسف مكنش في تسويق للنحاس لعدم معرفة الناس بقوه واصاله هذه الخامة
حبيت ادمجها مع الجلود اتعلمت صناعه الجلود
— واخيرا اتجهت الي واير الفضه عشقتها عشق لاينتهي وطبعا ناس كتير بتحب الفضه وعاشقه لها فأبتدي شغلي يتقدر الحمدلله

هند الشوربجي نجمة في عالم الاكسسوار

___ ___ ___ ___
4_هل اخدتى ياهند كورسات تعليم ولا كل دا اتعلمتيه بنفسك ؟؟؟؟

–علمت نفسي بنفسي كل حاجة ماعدا الجلود هى الوحيدة اللى اخدت فيها كورسات
___ ___ ___ ___
5_اكيد كل فنان له اللى بيميزه ….ايه اللى بيميز هند الشوربجى ؟؟؟؟

— اللي بيميز هند الشوربجي هو انطلاقها في دمج الخامات واختلافها في استخدام خامات طبيعيه مختلفه زي شوك القنفد الطبيعي وقشر بيض النعام
__ ___ ___
6_ايه احب الخامات ليكى ؟؟؟

—احب الخامات بالنسبالي حاليا هي واير الفضه
__ __ __ __

هند الشوربجي نجمة في عالم الاكسسوار

7_ هل الموهبة اهم ولا الدراسة لتشكيل الفنان المبدع ؟؟؟

— الفن موهبه من عند ربنا وجودها هو الاساس ..ممكن نثقلها بالتعليم بس لازم يبقي فيه موهبه
تعليم بدون موهبة مبينفعش
__ ___ ___ ___
8_ هل بتدى كورسات تعليم ؟؟؟وهل كل اللى بيتعلم بينجح ؟؟؟؟؟

–انا بدرب في جامعه القاهره وساقيه الصاوي وتويا بوك ستور

— ومن خلال تجربتي في التعليم اكتشفت ده انك ممكن تتعبي في تعليم شخص وترهقي في تعليمه وتطلعي بنتيجه 60%من انتاج قطعه اكون راضيه
__ __ ___ ___ __


9_ بالنسبة للتسويق بتسوقى شغللك ازاى ؟؟؟

–بسوق شغلي اون لاين محلات معارض والحمدلله كله تمام
__ ___ ___ ___ ___
10_ ايه رأيك فى المبادرات والمعارض المنتشرة هل فعلا هى مجدية ولا مجرد شو او محاولات ؟؟؟؟؟

— انا الحقيقة ضد المبادرات والمعارض الغير مدروسه
— من غير تفاصيل
اكتشفت ان كل واحد بيعمل لمصلحته وبعيد التفكير عن مصلحة الغير ولذلك انا بعيده عن اي مبادره وبشتغل وبساعد غيري بعيد كل البعد عن المبادرات المستغله لكل صناع الهاند ميد

.11_ بمنتهى الصراحة هل الهاند ميد ممكن يفتح بيت ؟؟ ولا مجرد نجاح وتحقيق للذات واسعاد النفس ؟؟؟؟

-‘اجابة سؤالك بالنسبه للهاند ميد يفتح بيت ولا لا ممكن لو عملنا انتاج وجروب عمل وتسويق صح طبعا ساعتها هيفتح بيت لكن بتشتغلي لوحدك هتبقي جانب مساعد فقط محتاجة تسويق كبير ومجهود كبير

12_ …ايه نصيحتك لكل سيدة عندها موهبة ؟؟؟

— نصحتي لكل سيده دوري علي مابداخلك من جمال وموهبه مدفونه اظهريها واثقليها وانطلقي في عالم الهاندميد …لانها اكتر حاجة هتسعدك
__ __ __ __ __

13_هل شاركتى فى مسابقات وبرامج ؟؟؟

— شاركت في مسابقه دافنشي ونزلت برامج تلفزيون في قنوات مختلفه
__ ___ ___ ___

14_ ايه هى طموحات واحلام هند الشوربجى؟؟؟ وايه اخر حاجة حابة تقوليهالنا ؟؟؟

–طموحي افتح مكان لعرض مشغولاتى وبسعي لكده من سنه واكتر واكون براند كبيره معروفه بالداخل والخارج
واخيرا اتمنى لكم التوفيق والنجاح فى المجلة والتوفيق والنجاح ليكى يامريم فى عالم الاكسسوارات
___ ___ ___ *******___ ___ ___

**الحقيقة … حوارى مع هند الشوربجى كان من امتع الحوارات اللى عملتها وانا سعيدة بيها جدا لانى شايفة قدامى فنانة طموحة جدا …وان شاء الله ربنا يحقق لها كل احلامها ……….

*واللى لقاء جديد وحوار جديد …ونجمات عالم الحلى و الاكسسوارات
انتظرونى …..

 

دكتورة مريم سامى

هند الشوربجي نجمة في عالم الاكسسوار

#دكتورة #مريم #سامى

#مجلة ##زهوة//مواضيع اخرى للمجلة

من أدب الحوار في الشريعة الإسلامية

عشرة أصناف احذر أن تكون منهم

وزير السياحه والاثار يستقبل سفير طاجكستان بالقاهرة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى