هو أنت ممكن تحبنى ؟ : ،،،Zahuaa زهوة حكايات وخواطر

#سماح_محمد⁦✍️

هو أنت ممكن تحبنى ؟ و ليه لأ ؟

؛ عامة متخافيش دايما تدابير ربنا احسن من ترتيباتنا .
– بس أنا معندييش ثقة فى حد .
– هو أنا بالنسبالك بردو حد ؟
– أنت أكتر شخص بتمنى ميسيبنيش العمر كله و خايفه اوى ومش عارفة بكرا مخبلنا أيه ؟!
– عايزك متخافيش طول ما انا جنبك .
– لأ ؛ انا خايفه ومن نفسى بالأخص .
– انا راضى ذمتك فى قمر زيك كدا يخوف .
-خايفه أخسرك من كتر خوفى انك ممكن تبعد عنى حاسه انى هكون السبب فى بعدك .. انت فاهمنى؟
– محدش عمره هيفهمك قدى تعرفى أن حتى وانتى خايفه شكلك عسل اوى .
– لأ ؛ انا حزينه ونكديه وزنانه وبفضل اعيد وازيد فى كلامى وقلقانه طول الوقت وبفضل كدا لحد ما أعيط .
– انا حساسه فوق ما تتخيل .
– طب انا راضى ذمتك هو يومى يكمل من غير زنك ودوشتك وشقاوتك ياطفلتى .
– يعنى أطمن .
– اطمئنى انا مش هسيبك .
– حياتنا هتبقي ممله خايفه تزهق منى أو تتغير معايا .
– عارفه أن فضلتى تعيدى نفس الكلام العمر كله مش همل منك ولا من رغيك خوفى الوحيد انك تبطلى تحكى .
– بتتكلم جد ولا بتطمنى والسلام .
– اطمنك ايه بس انا اللى محتاج اطمن بوجودك .. بحبك يا أجمل عيوطه .