رسم البورترية مع مروان
مروان سيد محمد عندي ١٨ سنه لسه مخلص ثانويه عامه و داخل كليه باذن الله .اكتشفت موهبتي وانا عندي ١٤ سنه .كانت اختي بتعرف ترسم فا حبيت اقلدها و اعمل زيها و اخت كشكول الرسم بتاعها و بدأت اجرب أن ارسم شخصيات كرتون فا كنت بعرف ارسم الشخصيات الكرتون بظبط فا
حبيت أن أغير من شخصيات كرتون الي شخصيات حقيقيه ( بورتريه) بدأت ارسم اخواتي و أسرتي..كان في الاول الموضوع صعب بالنسبه ليه و كان في ناس كتير بتحبطني بس الحمد لله قدرت أن أكمل لان فعلا حبيت الرسم و حبيت أن أكمل فيها ..الحمد لله ما اختش ولا كورس رسم كان كله من علي اليوتيوب و كان اكتر حد شجعني هي طبعا أسرتي و بعديها طبعا ميس ايمان مدرسه الرسم الي كانت في مدرستي و طبعا الاستاذه مايسه موجها في اداره مصر القديمه و استاذ خالد موجه اول في إدارة مصر القديمه و استاذه رحاب موجه في إدارة مصر القديمه كان فعلا ليهم فضل كبير اوي بعد ربنا الحمد لله . بس طبعا كان في موجهات كتير بتقبلني إن كان ناس كتير ما كنتش مقتنعه بالي بعمله و كان دائما بيقوله أن ده تضيع و قت علي فاضي بس طبعا أنا كنت بكمل لان فعلا حبيت الرسم و كمان أنا واثق باذن الله أن ربنا هيوفقني فيها .و كنت بسوق لي شغلي كان في الاول عن طريق قربي و بعد كده صحابي و بدأت ان اعمل صفحه عشان اسوق شغلي و باذن الله طموحاتي أن اخش حاجه تبع الفن و اكمل في الحاجه الي بحبها و أن اشتغل في مجالي و اكون احسن واحسن في الحاجه الي بحبها باذن الله
طبعا الحمد لله عندي مواهب تاني زي البوكس و كونغ فو و اخد تالت جمهوريه بوكس و تاني قاهره بوكس و واخد تلت مرات اول قاهره في كونغ فو و واخد واحد داهبي و واحده فضي في بطوله الجمهوريه
