الكذب لدي الاطفال وانواعه
بقلم : د . هدير يوسف
أخصائي صحة نفسية للأسرة والطفل
الكذب وانواعه وطرق علاجه
انهاردة هنتكلم عن موضوع مهم جدا مشكلة تقريبا بيمر بيها كل اولادنا تعالوا نتعرف عليها ونعرف ازاي نحمي اولادنا منها
الكذب امهات كتير بتشتكي أبني بيكدب بنتي ع طول بتآلف عليا كلام غريب
الأول تعالوا نعرف يعني ايه كدب الكذب هو ان ابني بيقول شيء مش حقيقي أو يحكي حاجة محصلتش
وعلي فكرة
الكذب و أنواعه تعالوا نتعرف عليها:
أولهم واهم وأكثرهم انتشار
الكذب الخيالي
الي هو يجي يقولي ماما انا شوفت اسد في الصالة أو طيارة في الحمام أو أني اقدر أطير والنوع ده تقريبا كلنا مع اولادنا مرينا بيها لان خيال الطفل في المرحلة العمرية المبكرة بيكون خصب أوي وده ممكن نستغله بصورة حلوة أوب هنتكلم عنها كمان شوية
النوع الثاني
وهو الكذب الوقائي
يعني بيكذب علشان يحمي نفسه من العقاب أو اللوم الوزاني أقوله
كده وحشه فكده يطر يكذب
النوع الثالث
هو الكذب التعويضي
ان مثلا يكذب قدام أصحابه يقول انا لسه راجع من الساحل أول امبارح و انت عارف الساعة ألي أيدي دي ماركة ايه أو بابا لسه مغير العربية من شهر والنوع ده بيظهر اوي في مرحلة المراهقة المراهقين مع بعضهم
اخر نوع
وهو الكذب التقليدي
ايه ده هو الكذب بيتقلد ايوا ابني للاسف بيكذب علشان يقلدني انا علشان انا كاب أو أم علمته آنو وهو صغير يرد ع التليفون ويقول لعمو بابا بيقولك انو مش موجود
وبعد معرفنا أنواع الكذب
تعالوا نعرف ازاي نخلص اولادنا
من المشكلة دي لانها بتكون بداية لمشكلات سلوكية كبيرة في
الحل :
أولا :- الكذب الخيالي هنرجعله تاني ده مفيد وممكن نوظفه ازاي ؟ ده معناه ان ابني خياله خصب وانو كمان ذكي نستغل ده فان الطفل ممكن في المستقبل يكون مؤلف كبير أو رسام مشهور المهم التوجيه الصح من الأم وبلاش أقوله انك كداب
ثانيا:- ابدا انا بنفسي كمربي بلاش اكدب وللا اشجع ولادي ع الكذب تحت شعار أني بالكذب ولكن أتجمل
هو كله كدب
ثالثا:- ان بلاش العقاب المبالغ فيه علشان ابني مايكونش خايف مني أو خايف يحكيلي بسبب لوم أو تهديد أو ضرب لازم الحوار الي فيه تفاهم
واهم نقطة أني اصلا ازرع فيهم قيمة الصدق عن طريق القصص والحكايات المثمرة زي مثلا النبي صلي الله عليه وسلم لقب بالصادق لأنو ماكنش بيكذب وهكذا
النقطة الأخيرة والأهم انو أعالج السبب يعني لازم اعرف ابني بيكذب عليا ليه وأتخلص فورا من أسباب الكذب يعني مثلا بيكذب خوف ولا بيكذب ضعف في الشخصية ولا تقليد ليا
وبكده اقدر احل واعلاج مشكلة الكذب بكل سهولة
طب لو عملت كل ده ولسه أبني بيكدب وقتها أقولك روحي اطلبي دعم نفسي
احنا كده خلصنا نتقابل المرة الجاية مع مشكلة جديدة (نفهم ونحل)
