شوربة المشروم
شوربة المشروم
بقلم الشيف / نسمة يسري
شوربة المشروم علي طريقه المطاعم الاحترافيه شوربة لها نكهة وطعم مميز يحبها الجميع ولكن عندما نقوم بأجرائها في بيوتنا دائما نجد الطعم يختلف كثيرا عن مانتذوقه في المطاعم لكن انا اليوم سوف اصطحبكم معي الي مطبخي ونقوم مع بعض في عملها وسوف تحصلون في النهاية علي نفس طعم المطاعم التي تحبونها وتطلبونها عندما تذهبون الي اخذ وجبة غذاء أو عشاء هناك يالله بقي ندخل المطبخ ونجهزها
المقادير المطلوبة والخطوات المطلوبةلشوربة المشروم :
هنحتاج ٤٠٠ جرام مشروم
هنضفه كويس بفوطه ونقطعه شرايح بالشكل ده
في حله علي النار هحتاج معلقتين زبده
ومعلقتين زيت
بصله متوسطه مفرومه ناعم
هقلبهم لحد ما البصل يبقي شفاف
هنزل عليهم فصين توم مفرومين
هحتاج بقي زعتر بيدي نكهه حلوه اوي وبيفرق كتير في الطعم
هسيبه دقيقه عشان يدي نكهه للبصل
بعد كده هننزل المشروم
هنقلب كويس لحد المشروم ماياخد لون
زودت معلقه دقيق
قلبتها كويس اوي لحد ما الدقيق يختفي
وبعدين هزود نص لتر شوربه
مكعب مرقه دجاج
سيبته يغلي ٥ دقايق
بعد كده اخدت كبشتين من المشروم
ضربتهم كويس بالهاند بلندر
وتقدرو تستخدمو الخلاط
هنزلهم تاني علي الشوربه
بعدين هحتاج ٢٥٠ مل كريمه
او ٢٥٠ مل حليب وعليهم معلقه قشطه كبيره
تقدرو كمان تستخدمو حليب بس لو عارفين انه غني وفيه قشطه
هدوق عشان اعرف محتاجه ملح ولا لا
مرقه الدجاج تغني عن الملح
رشه فلفل اسود
تغلي دقيقتين وارفعها من النار
هنقدمها
ونرش عليها رشه زعتر
طعمها خطير كريمي وناعمه جدا
طعم المشروم واضح مش مستوي زياده
الزعتر مديها نكهه حلوه اوي
وصفه مظبوطه بالميللي لازم تجربوها
بألف هنا وشفا انتظروني بوصفة جديدة
