ترميم السجاد
ترميم السجاد فن وأصالة وجمال !!
بقلم نجلاء علي حسن
ترميم السجاد فن وأصالة وجمال فاكرين جملة دا زي السجاد الإيراني ، كل ما يِقدّمْ يغلا ، انا شفت السجاد الإيراني وهو بتصلح ويترمم وعرفت قيمته وعرفت عنه معلومات كتيرة جدًا هتعرفوها معايا في مقالنا اليوم عن فن تصليح او رفا او ترميم السجاد .
في شارع الجمهورية وبالتحديد مقابل جامع كخيا ، محل ( نيو رفا الكخيا ) المتخصص في رفي الملابس والسجاد والأبيسون والجوبلان وتفصيل سجاد المساجد .
قابلت صاحب المحل الأستاذ تامر وقلت له : يشرفني ان انت تعرفني بنفسك والشباب اللي عندك في المحل وهل الفن دا انتم اخذينه كصنعه او دراسه او هوايه ؟
رحب بينا وقالَ اهلًا و سهلًا
اسمي تامر فريد عبد العزيز ورثت الشغلة دي أبًا عن جد ومعايا أساتذه مساعدين بعتبرهم اخوات وأصحاب مكان.
على رأسهم الأستاذ اسلام خالد : اللي قال لي
انا في مقام اخوه الصغير احنا شغالين مع بعض و برده انا عيلتي كلها بتاعت سجاد بس تخصصات وانا وعم تامر شراكه من زمان
هو احنا عندنا كمان تصنيع متكامل من اول تصنيع السجاد المصري الجديد و عندنا ورشه الغسيل بتاعتنا عندنا ورشه الترميم هي يعني شيء متكامل خالص
عندنا مكان صبغه الاصواف ، عندنا ثلاث ورش للتصليح هي تمام زي دي ورشه
وفي ورشتين ثانيين وان شاء الله في فرع ثاني هيتفتح كمركز متكامل لترميم السجاد .
سألته : هوتخصصك الدراسي بعيد عن المجال دا ؟
قال لا انا شغال في وزاره الاثار مع الدكتور صبري الجزار مساعد وزير الاثار بس انا كمان اخدتها هواية وخبرك اكثر ما هي دراسه يعني انا شغال معه من ثمان سنين
قلت له : هل الشغلة دي درستها ولا انت اخذتها بالخبره من وانت صغير وحبيتها ؟
قال :اتعلمتها من والدي واعمامي استاذ تامر طبعا من وانا صغير
سألته : المهنه دي صنعه أي حد يستغلها ولا لازم اللي يشتغلها يكون يحبها ؟ وايه اللي ممكن تحققه لك ؟
قال : هقول لحضرتك على حاجه اللي عايز يشتغل المهنه دي ما ينتظرش منها حاجه لمده سنتين ثلاثه لغايه ما يتعلمها على أصولها وبعدين ياخد منها عائد ، ولازم يتعلم كل اصولها
قلت له : طيب هل المصريين بيقبلوا على ترميم السجاد القديم بتاعهم والله الضيوف اللي من برا مصر اكتر ؟
قال لي : لا بصي انا هاقول لحضرتك على حاجه الناس اللي عندهم حاجات الانتيكات عندهم مقدره ان هم يصلحوا حاجه زي كده لان بتتكلف مبلغ كبير ، مثلا السجاده تلاقي ثمنها معدي من 50 ل 60,000 جنيه بيقول لك لا انا عندي عينه هتتعمل بارخص الاسعار ما هو ده بقى تضارب ما بين شيء قيم جدا تصليحه بيتكلف كتير .
هو هاقول لحضرتك ليه احنا رافعين السعر ،
المفروض ان الاسعار عندنا كانت بتبقى معقوله احد ما جت الحرب في سوريا وطبعا السوريين رافايين كويسين وبعد ما جم مصر ابتدوا يشتغلوا لان عايزين يعيشوا ويشتغلوا زي ما كانوا في بلدهم
فيدأوا يستغلوا بأسعار اقل وخامات اقل جودة .
فبالتالي انا مقدر ان انت عاوز تاكل وتشرب لغايه ما ترجع بلدك
قلت له : بقى في تنافس بين الصنايعية الاصليين اللي هم هنا هو المشكله انه مش تنافس دلوقتي لما انت بتخيرني اني اعمله لك بنصف جنيه انت كده بتجبرني اعمل لك نصف الجوده .
قال : فعلا، و دا لان سعر الصوف اللي احنا هنشتغل به ده الثانوي ده السنه ديا مثلا الكيلو 50 جنيه السنه الجايه ممكن يبقى الكيلو 75 جنيه بيزيد 50% انا لما الخامه بتاعتي بتزيد 50% وانا المصنعيه بتاعتي ما بتزيدش فانا هاقلل لك في الجوده عشان خاطر تغطي معايا على الاقل المصاريف فهو الصنايعي ان كان سوري او عراقي ايا كان اللي موجود في مصر فبقى الزبائن التجار يجيبوا ثلاثه اربعه ياجروا لهم شقه هيقعدوهم ويدي لهم الشغل
يعملوه بسعر اقل .
سألته : هل السجاده الاثرية اللي لها قيمه اثريه وتاريخيه بتقعد فتره طويله لترميمها وتصليحه وبتختلف القيمه الماديه عن اي سجاده عاديه فيها قطع ؟
قال : طبعا هي بتختلف في الخامات والوقت وكده و بتختلف في القيمه والجوده و هاقول لحضرتك على حاجه كمان في سجاده لو بصيتي على العقد بتاعها مش هتشوفيها بالعين المجرده زي هنا مثلا ( وراني نموذج سجاده) .
و دي اولا بتتعمل حرير نوع خيط معين رفيع على قد الخيط بتاعها .
سألته : طيب فيه اقبال من الشباب انهم يتعلموا حاجه زي كده ولا لأ ؟
قال : انا زي ما قلت لك ان الواحد مش هيعرف يجيب فلوس من السجاد الا بعد تعلم المهنة دي بسنتين او ثلاثه
والشباب معندهمش الصبر ان هم يقعدوا يقعدوا يشتغلوا على ترميم قطعة لمدة 17 ساعة ممكن مثلا يقول لك لا اروح اشتغل على توك توك او عربيه واجيب ١٠٠ جنيه في اليوم هو حضرتك لما تكون سجاده مقطوعه اثريه كبيره هي صح اصلا 100 سنه 150 سنه زي ما قلت لحضرتك المركب المدام فيها شغل لاكثر من 300 سنه
سألته :- هو ليه مفيش ستات في المهنه دي برغم معرفة الستات بالاشغال اليدويه كبيرة ومتمكنين جدًا؟
قال : بس هاقول لحضرتك ، في المجال دا الستات لها شغل والرجالة لها شغل واحنا عندنا مصنع الستات بتصنع فيه السجاد وهم بيبقى عندهم صبر اكثر لشغل نسج السجاد و هم ممكن يقعدوا مثلا مده كبيره والرجاله ما تعرفش تقعد في مكان واحد لمده طويلة و تجهيز الشغل اللي اتصبغ بعد ما ينزل من على النار ويتغسل
سالته :- هو السجاد بيتحسب بالمتر ولا بالقطعة ؟
قال :- هو في سجاد المتر بتاعه بيوصل من سبعه ل ثمانية الاف جنيه وهو عمره ما يتقاس بالمتر حضرتك احنا معلقين سجاده في قاعه فيكتوريا فندق وونتر بالاس مقاساتها 15 متر طول في عرض 10 متر .
والسجاده دي مش موجود منها غير اربع قطع بس في العالم والقطعه الوحيده اللي في مصر موجوده في قاعه فيكتوريا اللي كان فرشها الخديوي اسماعيل الملكه فيكتوريا وطلب ايدها .
حضرتك ثمن السجاده دي يعدي ال 65,000 جنيه فلما يبقى فيه زبون اكيد عايز زيها ويتعمل له زيها تقليد ودي على بعضها نفس المقاس ب 5,000 جنيه ونفس الشكل لان دا شغل مصانع منش يدوي هو هو نفس الشكل لكن مش نفس الخامة ولا الجودة.
وبعدين في حاجه انت فكرتيني بيها ، في ناس مطالعه حاجه جديده اسمها الباتش وورك وبيجيبوا السجاده بيقطعوه مربعات وبعدين في الأول كانوا بياخذوا السجاد المقطوع ده الموضوع يمشي بقوا دلوقتي بياخذوا السجاد السليم النادر القيّم ويقطعوه
هي : ويقطعوا السجاد الق وفي نوع سجاد كمان حضرتك اسمه شيرازي
قيمه السجاد دي فعليا هو : لان اللي بيشتغل في في حاجه قيمه زي دي لو صنايعي او بيفهم في ان السجاده دي بالفعل انقرضت هي : فعلا هي قائمه دلوقتى هو : نادرها لما بيجيش راسي ان هو يتقطع بيتعمل موجود تحت العرض والطلب هو زي البيتش ورك
هو : بصى حضرتك انا هاقول لك على حاجه يعني انا معي السجاده دي مش موجود زيها ما فيش منها غير اربع قطع في العالم ولما ابتدا الشيرازي انه يخلص راحوا على نوع ثاني وفي برده وفي برده مشكلات ابتدوا ان هم يقطعوا يعملوا التبريزي التركماني والحاجات دين
قلت له : اه فعلا طب الصعوبات اللي بتواجهك في المهنه دي ايه وهل الدوله بتقدر حاجه زي كده وبتتعامل معها على انها فن يتم احياؤه
قال : اه هي : تمام ده شيء جميل جدا في مجالات ثانيه خالص ناس كثير بتمنى ان الدوله تتبنى حاجات زي كده .
قلت له : تمام وايه اللي حضرتك بتتمناه اخيرا يعني على اساس حضرتك وزملائك والمهنه دي لان انا بجد حبيت المهنه ديواتمنى انها تتطور وتتقدم .
قال : نقابه مثلا على الاقل تضمن العمال اللي بيشتغلوا فيها وعلى الاقل اللي عاوز يشتغل او يتعلم يروح المكان ده هم ما يعرفوه
قلت له : والله حضرتك انا من خلال كل اللي باعمله ده في مجال hand made او مجال الصناعات الصغيره ده مطلب حيوي للفنانين
رد وقال : انا ذات نفسي ما عنديش اي مانع اني اجيب 100 شاب من 15 سنه وال 100 دول لما يكبروا ويعلموا 100 غيرهم هيبقى عندنا تصميم
سألته : طب ليه ميتنقلش فكر حضرتك إلى بيصنعوا سجاد فى الحرانية ؟
قال : ده مجال وده مجال ودى خامات تصنيع ودى خامات تصنيع هو بصي حضرتك هو احنا مشكلتنا ان كل واحد بيفكر في نفسه فانا لو رحت لاي حد تاجر وقلت له انا عاوز اعمل كذا
قلت له : لازم التمويل المادي اللي هيخليك تنفذ فكرتك على الارض الواقع
قال : انا حضرتك لما اجيب 25 شاب واحاول اعلمهم فكل واحد محتاج يومية كل يوم
قلت : فعلا هو في اليوميه دي هتعودهم من غير مبتدئ ان هو يبقى صنايعي يشتغل بالانتاج ويطلع فلوس على المدى البعيد لما كل 25 شاب دول يتعلمه هياخذوا شباب ثانيه علمهم
قال : بص انا هقول لحضرتك على حاجه هو صدقينى انا عندى 34 سنة معظم الشباب اللى موجودين عاوزين هدف يمشوا وراه فلو الشباب ده لقى حاجة حلوة يمشى وراها والله العظيم هيختارها
قلت : اكيد طبعا
رد : اه طبعا وبعدين دى عن تجربة انا اصلا من الحسين من الدراسة منطقة شعبية وعارفة المنطقة الشعبية وعارف الشباب دول كان فى شباب ضاليين وفى ناس عطفت عليهم بقوا بيشتغلوا كويس
قلت له : تمام اتمنى فعلا أن ربنا يحققلك كل احلامك وبجد سعيدة جدا بالحوار الجميل ده كله لان انا بحب الفنون الجميلة دى اوى.
قال : تحت امرك يا فندم : ربنا يوفقكم يارب إن شاء الله .
