مايا النجار …فراشة رقيقة بين الاغصان

مايا النجار …فراشة رقيقة بين الاغصان

بقلم د.مريم  سامي

مايا النجار …فراشة رقيقة بين الاغصان  موهبة  النهاردة ارق موهبة ممكن تشوفوها..تجمع بين صفات كتيرة صعب الجمع بينها …..

*.فهى .. الخفة والرشاقة والجمال زى الفراشة الجميلة ….
*وفى نفس الوقت ..مدربة وقائدة عندها اصرار وعزيمة وارادة قوية رغم صغر سنها

*معانا النهاردة …الباليرينا الجميلة
….مايا النجار …

* مايا ضياء … ١٨ سنه فى اخر سنه American Diploma و هتدرس ان شاء الله اعلام.

*مايا وهى عندها ٣ سنين كانت بتحضر مع جدتها ايروبيكس مع مدربه روسيه و المدربة هى اللى لاحظت ان كل حركاتها مايله للباليه

* جدتها …اول واحده اقترحت فكرة تعليم الباليه
و مامتها …اخدت الخطوات الفعلية انها تحببها فى كلاس الباليه من و هى صغيره اوى فى السن ده .

*مايا راحت كل مكان بيعلم باليه فى مصر و اتمرنت مع كل مدرب او مدربه من المعروفين بتميزهم حتى لو كان على بعد ساعتين من بيتها ..كان اهم حاجة هو المستوى مش التعب

* مايا اتمرنت لمدة 15 سنة بانتظام ومازالت مستمرة رغم انها بدأت تعمل كمدربة لكنها مستمرة فى اخذ كورسات الباليه باستمرار وتطوير نفسها للاحسن

*الحقيقة انا مبهورة ووقفت قدام شخصيتها كتير جدا …
لانها قدرت تعمل كل حاجة وهى سنها صغير جدا وهو دا اللى خلانى سألتها
ازاى قدرتى توفقى بين دراستك وكورساتك وعمللك كمدربة؟؟؟؟؟ وهو دا كان ردها …..

((((( المشوار مش سهل بس بسبب حبى للباليه كنت بصمم على انى اكمل و افضل احاول لغاية ما ابقى احسن حاجه و عرفت ان الاهم مش انى اتمرن لغاية ما اعمل الحركه صح الاهم انى اتمرن لغاية ما مقدرش اعملها غلط حتى لو فضلت سنه بحاول فى نفس الحركه.

الباليه عمره ما اثر على دراستى بالعكس ده خلانى اشطر و علمنى انى مقدرش انام الا و انا متأكده ان كل حاجه احسن حاجه و لازم تبقى perfect

و ده خلانى ابقى مجتهده جدا و بطلع من الاوأل مع انى بتمرن ٦ ساعات فى الاسبوع و بمرن ٤ ساعات فى الاسبوع

بس بسبب حبى للباليه و اهتمامى من و انا صغيره انى اكون منضبطة و عارفه ازاى انظم وقتى و انى مأأجلش اى حاجه لأخر لحظه قدرت اوفق بين دراستى و الباليه كتعليم او كمعلمه .))))))))

*مايا من و هى صغيره كانت بتحب قوى تقف مع مدربتها و تعمل نفسها المدربه و تفضل تصلح لاصحابها و تقول نفس الكلام اللى المدربين بيقولوه

* اول ما حست انها تقدر فعلا تدرب كان من ٥ سنين….
* اشتغلت مساعده لمدربتها الروسيه و كانت سبب كبير فى تقدمها فى الباليه

* و بعدها بدأت تتعلم و تحضر كلاس مع مدربين اجانب و دكاتره فى معهد الباليه

*و ركزت قوى فى كل تفصيله و اشتغلت بعدها فى اماكن كثيره عشان تاخد خبره من كل مكان.

*مايا مثلها الاعلى هى مدربتها الحاليه( Anja Ahcin ) و هى راقصة الباليه الاولى فى مصر و هى مثلها الاعلى من قبل حتى ما تتمرن معاها.

* انما اكتر باليرينا بتحبها مايا هى (Svetlana Zakharova) راقصه فى البولشوى باليه و هو الاشهر فى العالم كله .

*ولما سألتها نفسك فى ايه ؟؟؟؟
كان دا ردها
(((((حلمى انى افتح مدرسة باليه و جميع انواع الرقص الخاصه بى و انى افضل محبوبه من بناتى زى دلوقتى .

اهم حاجه لأى بنت او حتى ولد بيحب الباليه ان ميستسلموش لأى صعوبه او مشكله تواجهم مهما كان سنهم صغير او كبير و يمشوا ورا احساسهم لأن الباليه مش بس هيخلى حياتهم احلى كمان هيخلى كل حاجه يواجهوها بعد كدا اسهل ❤))))))))

الحقيقة مهما قلت من كلمات مش هقدر اوصف مدى اعجابى بشخصية مايا …الرقة والجمال والموهبة والاصرار والعزيمة والنظام
غير حب البنات ليها جداااااااا

*وانا شخصيا بتمنى انى اشوف بنوتى زى مايا ❤❤❤
*بتمنى لمايا المزيد من النجاح وان شاء الله نشوفها اعظم باليرينا فى مصر وان شاء الله تخرج للعالمية ❤❤❤❤

*انتظرونى فى حوار جديد وموهبة جديدة
دكتورة …مريم سامى