مدينة دهب والون الفيروزي

مدينة دهب والون الفيروزي

اليوم حتقدم لنا محررتنا : نور زايد 

مدينة دهب والون الفيروزي حكاية مكان عن منطقة من

اجمل البقاع في شبة جزيرة سيناء ولها جمال خلاب

يجعل كل من يزورها يحب الرجوع لها دائما للاستمتاع

بها وبأجوائها وجمال مياها ذات اللون الفيروزي معنا اليوم مدينة دهب وحنبدأ حكايتها 

دهب مدينة تبعد عن القاهرة بحوالي 600 كيلو متر تقريبًاعن طريق شرم الشيخ وده الطريق الأفضل والأسهل، الطريق ده بيكون عبارة عن سلك طريق

(السويس – عيون موسي – راس سدر – أبو زنيمة – أبو رديس – الطور – شرم الشيخ – دهب).

****

ليه اروح دهب؟

مدينة دهب والون الفيروز فيها حاجة محدش هيحس بيها ولا هيعرفها

غير لما يروحها، مش أى حد يحب دهب لكن اللي يحب دهب الموضوع بالنسباله هيكون إدمان.

دهب: النقاء، الصفاء، الهدوء، راحة البال، دهب قرية صغيرة، مجتمع دافي

تمشي الناس كلها تسلم عليك، متستغربش لو عزموك على براد شاي بدوي

دافي فى السقعة وقعدت معاهم تدفي بنار حطبهم، ناسها بتحب الضحك

حتي فى أحلك الازمات، ناسها مش كئيبة لو مفيش شغل بيبسطوا نفسهم بطريقة أو بأخري.

راحة بالك وإنت فى دهب بتخليك تنسي أو تنعزل عن العالم الخارجي بصورة كبيرة. ببساطة محتاج تفصل شوية! دهب هي الحل.

*****

إيه دهب؟

إيه أجمل من إنك تصحي بدري وتروح تفطر فى مطعم على البحر والشمس والهوا وصوت موج البحر حواليك؟!

بعد الفطار بتاخد عربية وتروح اللاجونا (ودي عبارة عن لسان رملي البحر

بيحاوطه من كل حتة، المياه هناك رملية ومنظر الجبال خلاّب، والأجمل إنه ببلاش يعني هتاخد فوطتك وتفرشها على الرمل وكفي.

*******

دا غير انك هتطلع البلوهول ودا من الاماكن اللى هتشوف السمك بيلعب

حواليك من كل ناحيه ودي مصنفه الأولي علي العالم الفري دايفنج ومن هناك تقدر تاخد اللانش الطاير وتزور جزيرتين ابوجالوم والبلولاجونا

وتبقي منعزله تماما عن الناس مافيش حواليك غير الصحراء وقدامك البحر

وممكن تخطف يوم على الثرى بولز ودى قعدت الروقان (البحر- السماء- الجبال)

ودا فعلا هتحس انك باسترخاء وسعادة وانبساط هتقولى ازى هقولك ؟ هقولك ان ده فعلا اهدى مكان في العالم

******
ومن هناك تقدر تاخد بيتش باجي وتطلع بيه سفاري وسط الجبال

والصحراء لحد ما توصل جزيرة وادي جني وهناك مش حتبطل تقول

سبحان الله من جمال الخضراء الي طالعه لوحدها وسط الجبال والصحراء من صنع ربنا

وتتغدي بقي الاكل البدوي المشوي البدائي من غير فرن ولا بوتجاز كل حاجه بتتسوي قدام عينك علي نار الحطب

وطبعا انت طول اليوم بتصور، كل الي حواليك لان المناظر دي مش حتلاقيها في مكان تاني

وطبعا الليل مش حيحلي غير وسط الجبال تحت النجوم والقمر مع دق الطبول والغني والرقص علي جبل الطويلات

في دهب الحياة الجميلة حواليكم، إطلعوا من القاهرة ومن الزحمة ومن

الدوشة، جسمك محتاج لده، علاقتك بعيلتك محتاجة لده، الناس بتدفع

الاف الدولارات علشان تيجي دهب ومبتروحش شرم الشيخ إللي بيكون

فيها عروض أرخص مقارنة بدهب. وده لأن دهب مش معمولة يعني مش

بفعل حد، دهب = الطبيعة فقط، وده الجميل فيها (يارب يبعد عنها إيدين البشر).

******

يارب تكونوا قضيتها وقت سعيد مع مدينة دهب المدينة الخلابة ذات اللون الفيروزي