ريهام السعيد الفنانة المتميزة فى فن التابسترى

النهاردة هتقدملنا محررتنا دكتورة \مريم سامى فنانة متميزة جدا فى مجال

الكروشيه وخصوصا فن التابسترى …معانا فنانتنا الجميلة ريهام السعيد

فنون التابسترى ….يعنى
…. ريهام السعيد

الفنانة ريهام سعيد

****النهاردة معانا فنانة جديدة من
فنانين الهاند ميد..متميزة جدا فى فى مجالها فى فنون الكروشيه وخصوصا فن التابسترى ..اشتهرت جدا بشغلها المتميز فى الشنط التابسترى ….
معانا فنانتنا المتميزة ..
ريهام السعيد

****ريهام السعيد ..مهندسة زراعية خريحة زراعة الاسكندرية …واشتغلت مدرسة زراعة فى مدرسة محمد كريم بسموحة لفترة

***ريهام كانت بتحب الكروشيه والتريكو من صغرها وكانت دايما بتتابع بشغف زوجة خالها مدام هالة وهى بتشتغل وبتبدع فى التريكو من هنا زاد شغفها وكان نفسها تتعلم قوى

***ولما كبرت شوية والدتها ساعدتها وعلمتها اساسيات غرز الكروشيه

****ريهام كانت تشترى المجلات وتنفذ منها الموديلات ودا طبعا كان قبل النت
وبعد انتشار الانترنت والجروبات بقت ريهام بتتعلم منه حاجات جديدة وبتطور من نفسها

*****وزى مادايما بقول ان التشجيع بيفرق مع اى فنان وممكن يرفعه وممكن انعدامه يحبطه رغم موهبته الكبيرة

…فكان.لمحمد زوج ريهام واخته سارة فضل كبير ودافع كبير ليها شجعهوها على الاستمرار والنجاح

*****وزى اى حد فينا
عنده نقطة بداية او موقف فى حياته بيفرق معاه…او زى مابنسميها شرارة الانطلاق ………

.. كانت الشرارة بالنسبة لريهام هى شركة اليز العالمية للخيوط….. ..
اخدت منها موديل من تصميمها وتنفيذها للإعلان عن خيطها وده كان أول تصميم ليها من التابيسترى ومن ههنا كانت الانطلاقة

***بدأت ريهام تسوق لشغلها عن طريق الانترنت فى جروبات الهاند ميد ومن خلال جروبها الخاص
https://www.facebook.com/groups/101897253742394/By Reham

*****ولما سألت ريهام ليه اتخصصتى فى الشنط التابسترى رغم صعوبتها الشديدة .؟؟؟؟
دا كان ردها ………………..

(( انا باشتغل حاجات كتير التابيسترى جزء منها وانا ماختارتش التابيسترى لكن الصدفة خلتنى ابدع فيه لان بعد اليز منشرت موديلى تسببت فى شهرة الموديل وبدأ العملاء يطلبوا منى الشنط دى وده خلانى ابدع فيها))))))

*** وسألتها ايه اكتر الصعوبات اللى بتواجهك ؟؟؟؟

(((( صعوبات كتير أهمها عدم احترام وتقدير صناع الهاند ميد وكمان صعوبة التسويق خاصة فى البداية وكمان صعوبة فى التعامل مع المبتزين القائمين بدور الوسيط))))

****ريهام شاركت بمجموعة فى معرض فى السعودية
لكنها مبتشاركش دايما فى المعارض لانها بتحتاج تجهيز معروضات كتيرة جدا

*****ريهام حاليا بتعلم السيدات وبتعمل كورسات

****وامنيتها انا شغلها يكبر ويكون عندها جاليري تعرض فيه كل انواع فنون الهاند ميد مش بس الكروشيه والشنط التابسترى ………

****ريهام نفسها مصر كلها تشتغل هاند ميد
__ __ ___ __ ___
***وفى اخر حوارى مع ريهام
اتمنى لها كل التوفيق والنجاح واتمنى زيها ان مصر كلها تشتغل هاند ميد

**وانتظرونى فى حوار جديد وفنانين الهاند ميد
دكتورة ..مريم سامى .

***نتركم مع جزء من اعمال الفنانة ريهام سعيد

أقرء ايضا عن*** فنون الصلصال الحراري ***

تابعونا على الفيس بوك***https://www.facebook.com/%D9%85%D8%AC%D9%84%D8%A9-%D8%B9%D8%B1%D9%8A%D8%B3-%D9%88-%D8%B9%D8%B1%D9%88%D8%B3%D8%A9-Groom-Bride-Magazine-313575946143990/ ***