الصحة و الجمالطبيبك الخاص

مشاكل الاسنان عند الاطفال وحلها مع دكتورة سارة باهر

الجزء الاول من مشاكل وحلول اسنان طفلك معنا

مشاكل الاسنان عند الاطفال مشكلة بتواجها اغلب الامهات ولذلك النهاردة هتقدملنا دكتورة مريم سامى فى باب طبيبك الخاص دكتورة سارة باهر وطب اسنان الاطفال واهم المشاكل اللى بيتعرضلها اسنانهم وكيفية علاجها …وهيكون الحوار على جزئين تعالو معانا للجزء الاول وكل اللى عنده اسئلة يكتبها وهنجاوب عليها فى الجزء التانى ان شاء الله

**************************************************************************************************************************************************

**النهاردة معادنا مع حوار جديد فى باب طبيبك الخاص
واهم المشاكل اللى بتواجه اسنان اطفالنا فى المراحل المختلفة وكيفية علاجها واهم النصايح للحفاظ على اسنانهم

****النهاردة معانا
……دكتورة سارة باهر …..

دكتورة اسنان
الدكتورة سارة باهر

_الحاصلة على بكالوريوس طب وجراحة الفم والاسنان جامعة عين شمس
_والحاصلة على شهادة برنامج الاقامة المصغر لطب اسنان الاطفال
_ولديها عيادة roman’s clinic بميدان سانت فاتيما

***كلنا عارفين ان اصعب شئ هو اقناع الطفل انه يزور عيادة طبيب الاسنان واكيد كلنا واجهنا المشاكل دى مع اطفالنا

***دكتورة سارة اختارت التخصص فى طب اسنان الاطفال لحبها الشديد وتعلقها بيهم رغم صعوبة التعامل معاهم ولاقتناعها بان صحة اسنان الكبار تبدأ من الثقافة والتوعية والاهتمام باسنان الاطفال

****ومن هنا كان سؤالى الاول

1_كل الاطفال بيكرهو طبيب الاسنان ..ازاى بتتعاملى مع الاطفال ؟؟؟؟

مشاكل الاسنان عند الاطفال
عيادة roman’s clinic

**

اولا …الطفل بطبيعته ذكى جدا وحساس
عشان كدا مينفعش نكذب عليه
ودايما بتكلم معاه بهدوء ولطف واشرحله هنعمل ايه بطريقة لطيفة ومبكتفيش ابدا بحوار الاهل معاه لكن بتعامل باسلوبى الخاص

ثانيا ….الطفل بيحب التقديروالهدايا واللعب
عشان كدا انا ببقى صديقة للطفل قبل مااكون طبيبة ..بحكى معاه عن هواياته وبطلب منه بعض من اعماله ..مثلا لوحات مرسومة او اعمال فنية عشان احطها فى العيادة وفعلا بعرضها فى العيادة
ودا بيديله ثقة كبيرة فى نفسه وفى الطبيب

..دا غير الهدايا اللى بهديها للاطفال فى كل مرة ….كل دا بيحبب الطفل فى الطبيب وبيكون فيه بيننا صداقة وثقة …ودى اهم نقطة فى مرحلة العلاج
_
___ ____ ____ ____ ____

***
2__ممكن تعرفينا ايه اهم المشاكل اللى بتتعرض لها اسنان اطفالنا ؟؟؟؟؟؟

مشاكل الاسنان دكتورة سارة باهر
كسر الاسنان نتيجة حادث

__اكتر مشكلة هى تسوس الاسنان وفيه مشاكل تانية زى

_ تأخر ظهور الاسنان فى الرضع_تأخر تبديل الاسنان

_كسر الاسنان ووقوعها نتيجة الكدمات والحوادث

_وبعض العادات السيئة مثل مص الصوابع واللى بتشوه شكل الاسنان

_الدفع اللسانى

_التنفس من الفم

__ ___ ___ ___ ___ ___

3_زمان كان الثقافة السائدة هى خلع الاسنان فى اى وقت تصاب فيه بالتسوس
لكن دلوقتى الامر اختلف ممكن تفهمينا ازاى ؟؟؟؟؟

_طبعا فكرة خلع الاسنان فى اى وقت فكر خاطئ وضار جداااااااا
كل سنة او ضرس لهم وقت للتبديل وظهور السنة الجديدة مكانها والانياب وبعض الضروس يصل سن التبديل فيها ل 12 سنة

واذا تم خلعها مبكرا عند معاد تبديلها تقصر المسافة بين الاسنان او تغلق فتظهر السنة الجديدة للداخل او الخارج فى وضع خاطئ ودا بيشوه السنان والفك ويحتاج للتقويم

حافظ للمسافات

__عشان كدا يجب الحفاظ على السنة اللبنية وحشوها حتى معاد تبديلها

واذا اضطرت الظروف لخلعهايوضع حافظ للمسافات مكان

السنة المخلوعة للحفاظ على المسافة وعدم غلقها

_اما اذا كان معاد تبديلها اقترب فممكن خلعها ودا اللى بيحدده الطبيب
__ ___ ____ ___ ____ ____

4_ هل ممكن نلجأ لحشو عصب وتركيب طرابيش فى اسنان الاطفال اللبنية مثل الكبار ؟؟؟؟ وهل يمكن زراعة اسنان للاطفال ؟؟؟؟

تكسر اسنان حشو اسنان _ اطفال
طرابيش الاسنان للاطفال

_ ممكن عمل حشو عصب وتركيب طرابيش ودا بيكون بتقنية معينة مختلفة واسهل من الكبار وتوجد طرابيش سهلة التركيب بنفس لون الاسنان ومبتحتاجش لكل الصعوبات اللى بيواجهها الكبار

_اما عن زراعة الاسنان فهى لا تستخدم مع الاطفال لان عظم الفك بيكون فى حالة نمو مستمر وغير ثابت وزراعة اى شئ ثابت فيه تؤثر على شكل النمو الطبيعى عشان كدا الزراعة والطرابيش الخاصة بالكبار لا تستخدم قبل 18 سنة

__ ___ ___ __ ____ ____

5_فيه اطفال اسنانهم ضعيفة جدا وسهلة الكسر ازاى يواجهو المشكلة دى وليه بيحصل كدا؟؟؟؟؟؟؟

_اوقات بيبقى فيه عيوب خلقية فى احدى الطبقات المكونة للاسنان والطبيب بيعرفها بمجرد رؤيته للاسنان
___وحلولها كتيرة حسب حالة الاسنان
تبدأ
_بجلسات الفلورايد والمتابعة
_وقد تصل الى تغطية الاسنان بطرابيش
_ ___ ____ ____ ____ _____

5_بالنسبة للتقويم ايه السن المناسب لعمله ؟؟؟؟؟؟

تقويم اسنان مشاكل اسنان
تقويم الاسنان

_المتعارف عليه هو ان التقويم يبدأ بعد انتهاء مرحلة تبديل كل الاسنان وظهور الاسنان الدائمة ولكن فى حالات معينة تعتمد على ظبط مشاكل فى عظام الفك وليس الاسنان ..فيجب التدخل فى اسرع وقت لاكتشاف المشكلة وقبل انتهاء مرحلة النمو وتعتمد على تركيب اجهزة معينة وليس التقويم المعدنى المعتاد

__ ولكن ممكن الاعوجاج يكون فى بدايات التبديل فقط ويكون طبيعى تعود الاسنان لوضعها الطبيعى خصوصا مع تبديل الانياب ولا يحتاج لتقويم …..والطبيبهو اللى بيحدد اذا كان يحتاج لتقويم ام لا

_ __ __ ___ ___ ___

الحقيقة الحوار مع دكتورة سارة ممتع ومفيد جدا
ولسة عندنا اسئلة كتير تانى عاوزين نسألها فى مشاكل الاسنان عند الاطفال
انتظرونى فى باقى الحوار مع دكتورة سارة باهر

****دكتورة مريم سامى

 

أقرء أيضا فى ***الحلقه السابعه من سلسلة جمالك الخارجي يبدأ من الداخل ***

تابعونا على الفيس بوك*** https://www.facebook.com/%D9%85%D8%AC%D9%84%D8%A9-%D8%B9%D8%B1%D9%8A%D8%B3-%D9%88-%D8%B9%D8%B1%D9%88%D8%B3%D8%A9-Groom-Bride-Magazine-313575946143990/ ****

Nahed Mohamed

ناهد محمد حسين رئيس مجلس ادارة مجلة زهوة https://zahuaa.com/ وويدينج بلانر وويدينج اكسيسوريس وهدف المجلة هي مجلة أجتماعية عائلية شاملة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى