دعاء لاشين مصممة الورود..فنانة تزرع ورود الحب فى قلوب الفنانين

تقدم لنا اليوم محررتنا : دكتورة مريم سامي مقالا مع المبدعةً  دعاء لاشين 

***مفيش اجمل من الورد وجماله نعبر بيه عن مشاعرنا 🌸🌸🌹🌹
فنانتنا النهاردة مبدعة فى تصميم وعمل الورود من الورق بطرق واشكال متنوعة ومبهرة قدرت بموهبتها تسعد ناس كتير فى مناسبات كتير 🌹
ومش بس كدة دى زرعت ورود المحبة فى قلوب كل فنانين الهاند ميد
تعالو نعرف حكاية مبدعتنا
دعاء لاشين❤❤

.*** دعاء لاشين
خريجة كلية تجارة ومعاهاا تمهيدى ماچستير إدارة أعمال مديرة مالية لأحد الشركات لمدة 13عام

*في مجال الهاند ميد مصممة ورود لتزين السبوع واعياد الميلاد وكوش الافراح والمناسبات وديكور المنزل
بدأت اولا بجروب للاكل البيتي وكانت قد كرمت من اكتر من مكان وعند ظهور موضة الديكور الوردى في الافراح جاتلها الفكرة أنها تكون شاملة في المناسبة بحيث تقدر تقوم بتجهيز المناسبة كاملة من ناحية الاكل والديكور وبدات الفكرة من هنا

*كانت في البداية قبل شغل الاكل البيتي بتعمل عجينة السيراميك في المنزل كهواية وتقوم بتشكيلها كورود واشكال أخرى لان عندها حب الورود هواية

****وبعدها بدأت تشكل الورق ومع عالم الورق كان المجال أوسع واكبر لان الورق سهل تطويعه مع تنوع أشكاله وسهولة تداخل الالوان مع بعضها البعض و كانت النتيجة مبهرة بشهادة الجميع

***ولكن مع اندماجها في عالم الورود الورقية أصبحت لا تقتصر علي الافراح فقط بل طوعته للاحتفال بكافة مناسبات السنه

* دعاء .. اول من عملت وردة بلون علم مصر وجست بوك وقد تم الاشتراك بيهم في معرض توهوكو للحرف اليدوية في اليابان وحصلت علي تصنيف ممتاز

*ومش كدا وبس
دعاء ….اول من عمل ورد بلون الخيامية لان اساسا مفيش ورق بلون الخيامية وعملت فانوس رمضان وعروسة المولد وبوكيهات ورد لعيد الحب والعرائس وعملت الكعبة في العيد الاضحي وعملت فكرة جديدة لتقديم الشبكة لم تنفذ من قبل ومن هنا اصبح اسمها معروف ومميز في عالم الهاند ميد وشغلها بيتعرف حتي لو اسمها مش عليه

**اصبحت دعاء بحمد الله وفضله من أهم المعروفين في مجال ديكور الورد الورقي والهدايا

*ومش بس وقفت مواهب دعاء عند الهاند ميد
لكنها اصبحت تكتب عن فنانين الهاند ميد فى احدى المجلات
واصبحت تبحث عن مواهب جديدة لم تلقي حظها في الظهور علي ساحة الميديا
لتشجيعهم ولتوصيل شغلهم وموهبتهم للجميع
واصبحت دعاء من أهم من يكتب عن فناني الهاند ميد ودعمهم

**** ولما سألتها عن التكريمات اللى قدمتها لفنانين الهاند ميد وكم الحب اللى زرعته فى قلوبهم ..دا كان ردها ……

(((هذا العالم كرمت اكثر من 300فنان من فناني الهاند ميد سواء المعروفين منهم تقديرا لفنهم
او المبتدئين حتي يكون ذلك التكريم دفعة لهم وتشجيع للاستمرار وأنهم يعطو اكثر في مجالهم وذلك بدون مقابل نهائى محاربة بعض من يستغلون فنان الهاند ميد لحسابهم
ومحاولة محاربة مافيا استغلال فنانات الهاند ميد ولذلك اتعرضت لسرقة حسابي وصفحات شغلي ولكن مازلت مستمرة ان شاء الله في دعمهم بدون مقابل )))))

___ ___ ____
***وعن امنياتها
قالت دعاء ….
(((اتمني اولا الاهتمام بسوق الهاند ميد وفناناته وعدم استغلالهم من قبل أشخاص للمتاجرة بيهم
وان اوصل بشغلي لعمل أكاديمية لتعليم الحرف اليدوية ودعم كل فنان الهاند ميد))))
__ ___ ___
**وفى نهاية حوارى مع الفنانة دعاء لاشين بشكرها على روحها الجميلة والفرحة اللى زرعتها فى قلوب فنانين الهاند ميد
واتمنى لها التوفيق والتألق دائما

**وانتظرونى فى حوار جديد
دكتورة… مريم سامى