مريمً بطلة فوق العادة

 مريم بطلة فوق العادة

بقلم دكتورة مريمً سامي

مريمً بطلة فوق العادة

اليوم سوف تبحر بنا د.مريم سامي إلي عالم موهبة جديدة وهي الملاك مريم نعيم بطلة فوق العادة او مريوما. زي مابتحب اننا نناديها🥰 هي ملاك جميل هدية من هدايا ربنا اللي ممكن يمنحها للي بيحبه 🌺❤️

مريم نعيم او مريوما هي بطلة حكايتنا النهاردة هي بطلة فوق العادة.
جمعت بين كل ماهو جميل بين الروح الجميلة والقلب النقي وبين الذكاء والمواهب الكتيرةسواء في الفنون زي الموسيقي والباليه 🎼🎼🎹
او الرياضة زي السباحة والفروسية 🏊‍♂️🏊‍♂️🏊‍♂️🏇🏇🏇🏇🏇
ومش بس كدا دي كمان مذيعة جميلة وممثلة اجمل شاركت في مسرحيات وافلام. يعني نقدر نقول معانا النهاردة بطلة فوق العادة 🌺❤️🥇🥇🏆🏆🏆🎖🏅🥇

مريمً بطلة فوق العادة

تعالو معانا نعرف حكاية الملاك مريم نعيم بطلة فوق العادة او  مريوما الجميلة ❤️❤️

-***مريم نعيم جاد الرب
السن ٢١ سنه
طالبه بكليه آداب جامعه حلوان قسم علم المعلومات والمكتبات الفرقه الثالثه
وطالبه باكاديميه الفنون معهد الباليه سنه ٤
-مريوما هي الاخت الصغري لاخوها مينا

—القصة تبتدي من ٢١ سنه بحضور ملاك جديد في العائله الصغيره مريم وكانت مصابه بمتلازمه الداون
ودا طبعا كان صدمه للاسره كلها

غير انها ولدت بماساه انها نسبه الصفرا عاليه جدا ودا تسبب في تغير الدم مرتين. ووضعها في الحضانه لأكثر من أربعين يوم

-وبعدها ظهرت مشكله العيب الخلقي في القلب وكان لازم اجراء عمليه لها بالخارج نظرا لصعوبه العملية وخصوصا في السن الصغير جدا. وفي حالتها بالذات

-وتم اجراء العمليه لها في إيطاليا عن عمر ١١ شهر

-ومن هنا بدا التوقيت للعمل معها في التدخل المبكر

-والدة الملاك مريم نعيم الحقتها بمدرسه متخصصه كانت ترفضها في البدايه لعدم وجود فصل مناسب لعمرها الي ان تم بسببها فتح فصل التدخل المبكر في السنة اللي بعدها

– مريوما كانت بتستجيب بطريقة مزهلة .
ودا اداها الفرصه ان تدمج في مدرسه عاديه بس للأسف الشديد كان في هذا التوقيت لا يوجد دمج في المدارس بمعنى دمج تعليمي.

****ومن هنا وجهت سؤال لوالدتها المهندسةً سناء
ايه الخطوات اللي اخدتيها مع الملاك  مريم نعيم او مريومة في باقي مراحل التعليم المراحل الصعبة ؟؟؟؟؟

((((كنت بحارب في هذا الوقت لتفعيل دمج تعليمي لحد ما نجحت حتى مرحله الابتدائيه وبعدها المرحله الإعداديه بس كانت فيه صعوبات كثيره
منها الاحتياج الشديد لوجود مرافق لها دائم حتى تستطيع التعايش في المجتمع مع زملاءها و المدرسين.
مما تسبب في ان اترك عملي كمهندسه واتفرغ لها واقوم انا بمثل هذه المهام.
ونجحت فعلا فيها
الي ان وصلت إلى مرحله الثانوي وهنا كانت الصعوبه الكامله في عدم وجود تعليم يناسبها غير التعليم العام واثرت هذا مع وزير التربيه والتعليم وقت هذا ونشكر ربنا فيما بعد تم فتح جميع المدارس الفندقيه والتعليم الفني الدمج.
وتم إدخال مريم ثانوي عام والتعاون مع المدرسين والمدرس تم فهم حالتها ودمجها في المدرسه وفتح فصل لها بالمدرسه. ومنها إلى أن دخلت كليه الآداب جامعه حلوان وهي الآن في الفرقه الثالثه.)))))

–
.

–

مريمً بطلة فوق العادة

وسألتها مين اكتر حد وقف معاكم؟؟؟

؟ ودا كان ردها …….

(((طبعا اكتر حد وقف جمبي هو كان باباها الله يرحمه كان سند لي.وليها في كل شئ.

وطبعا مدرستها التي قامت بتدريبها في المركز المتخصص كريتاس
مس نيفين بولس
وأكملت من بعدها مس ساره ابراهيم.

وطبعا مدرسين كتير لان مريم كانت محبوبه من الجميع نشكر ربنا

وطبعا لا يمكن أن انسى مدرسه لها كانت بتشجعها لتحسين من ادائها مس سماح حيث كنت طلبت منها لعمل تقيم التخاطب لمريم
فقام مستر أحمد جسرها بعمل مثل هذا التقيم ))))

***كلمينا عن مواهب مريم نعيم بطلتنا او مريوما وقدراتها والبطولات اللي حصلت عليها وازاي بقت مذيعة جميلة ❤️❤️…..

-((((( بالنسبة لموضوع الاذاعة
في يوم طلبت من مس سماح عمل تقييم التخاطب لمريم
فقام مستر احمد جسرها بعمل هذا التقييم
وفوجئت بأنه قال لي انه عاوز مريم تشغل معاه في برنامج اذاعي وكان دايما محفز لها ومشجع لدرجه انه قال لي يكفيني أحقق لها رغبه هي نفسها فيها لأن أثناء التقيم سالها نفسك تطلعي ايه قالت مذيعه وكانت هي اول مذيعه من الاحتياجات الخاصه تقدم برنامج اذاعى عن عمر ١٢ سنه قدمت برنامج انا ومريم ومرفوع على اليوتيوب.)))))

((((ده بخلاف انها كانت بطله رياضيه دخلت البطوله الإقليميه ٢٠١٤ ومثلت مصر و٢٠١٩ البطوله العالميه بدبي
كذلك حضرت مؤتمر الشباب ٢٠١٨ بابو ظبي))))

(((وبالنسبة للتمثيل قامت بالتمثيل فيلم جميله وايضا قامت ببطوله مسرحيه اجنحه الحياه على مسرح الجمهوريه.
وشاركت في أكثر من استعراض بمسرح الشمس التابع لوزاره الثقافه مسرحيه أنتيكا واوبرا بنت عربي على مسرح السلام ومسرحيه ست الدنيا.))))
——- ————- ——-

—مريوما بتفرح قوي لما الناس بتشجعها ومبتحبش حد يهزأ منها او يقلل من قدراتها

— مريوما نفسها تشتغل وتحقق ذتها وتلف العالم كله والناس تعرفها ويعرفوا قصتها.ونفسها قصتها تتعمل كتيب الناس تعرفها.

——- ——-
– وطلبت من والدة مريومة  كلمة توجهها للكل اولياء امور اصحاب الهمم وللمجتمع ككل
ودي كلماتها …

((((احب اقول كلمتي الاخيره انا بعتبر مريم ديه رسالة ربنا اهداها لي علشان اتعلم منها❤️

رسالة للمجتمع علشان يعرفها ويعرف انهم يقدروا يحققوا حاجات كتيره.
رساله لكل ام انها متستسلمش وانها تتعب شويه مع ابنها وان شاء الله هيكون احسن واحسن وخاصه في الظروف الراهنة واهتمام السيد رئيس الجمهوريه بفئه الاحتياجات الخاصه وتحقيق مطالب لم تكون متيسره منذ اكثر من ٢٠ عاما فقد حفرنا في الصخر حتى نصل لهذا الإنجاز ))))

**** في نهاية حواري مع المهندسة سناء والدة البطلة مريم نعيم مش لاقية كلام يوفيها حقها هي ومريم   

وكل اللي اقدر اقوله اننا كل يوم بنتعلم من اصحاب الهمم  حاجة جميلة بنتعلم منهم ان ربنا بيدي مع كل تجربة صعبة نور وحياة جديدة ونجاح وفرحة بطعم مختلف واننا مهما قابلنا صعوبات ربنا قادر يخرج منها نجاحات وبطولات 

بتمني لمريومة كل النجاح والتفوق والمزيد من التألق والبطولات

*** انتظروني في حوار جديد وبطل جديد من اصحاب الهمم

دكتورة مريم سامي

.