كتب الشاعر / آدم صدقى
الأميرة والجدع
عشق أتشاف و أتسمع
و فى كتاب دنيا الوجع
أسامي بدموع مكتوبه
حتى العتاب
قالب حساب
خلى العذاب
آهات فى ✌️ مضروبه
و شوق دباح
مين فى الجراح
بيعيش مرتاح
و آلامه بتكون محسوبه
يخبط حنين
جوانا سايب
ذكرى بتحكى فى حدوته
أحساس حزين
رافض يجاوب
بدموع بتصرخ مكبوته
حتى الخيال
سارح ببال
و صورة لذكرى بتنادى
لجدع بغنوة
لأميرة حلوة
لعشق مجنون مش عادى
حواديت حكينا
و تنام عنينا
ما نعرفش أيمتا
بنام و نصحى
دلوقتى ينفع
فراقنا يوجع
نعند لأيمتا
بوجعنا و أحنا
كنا روحين متجمعين
فى عز الليل سهرانين
حكايات و يحكيها القمر
أسمين كمان مكتوبين
رسمت قلوب محفورين
على فرع و جذع م الشجر
و أدى الأميرة و الجدع
عشق من البعد أتوجع
و وجع صفحاته مكتوبه
إيدين متفرقين
و ضحكتين ضايعين
و عيون بدموعها مغلوبه
آدم Ad
كيف تؤثر” الفوضى” على صحتنا العقلية و حياتنا اليومية؟؟
