من اشعار ادم صدقى
أثبت مكانك
مطرحك
لو وجعى بجد
مريحك
و لو كان حزني
مفرحك
ماتتعبشي و ماترجعليش !!!
قلبي بأهمالك
هلك
من كتر ما كان
يندهك
و ياما كنت
بسألك
تقولي مش عارف مافيش !!!
أقول وحشتك
ترد تقول ما وحشتنيش
بتحب نفسك
علشان مصلحتك بس تعيش
صدقوا اللى قالو
عليك ده مالو
و أنك بجد ما حبتنيش !!!
انت بس حبيت مشاعري
و جنونى بيك
حدوتة وسط أغانى شعري
أكتب ولا أغنيها ليك
و معايا تبقي
فى دنيا تانيه
تنساها ثانيه
تبيعنى سهل ماتشتريش !!!
صدقوا اللى قالو
ده مهما أدالو
أنك حقيقي ما حبتنيش !!!
انت الوحيد اللى أمنتلوا
و سلمت لى
ضحيت علشانه سلمتلوا
معرفش ليه
و الاقيك كده
ياللى ملاك هلاك
فجأة قساك
بيموتنى ما يرحمنيش !!!
صدقوا اللى قالو
غدار ده حالو
و أنك بقلب ما حبتنيش !!!
ضعفك خوفك ليه ضيعنى
و أنت للقسوة بتتحول
انا معرفشى أيه اللى منعني
أطرد حبك ده من الأول
حاجات جوايا
ليه هزتنى و ضعفتنى
ساعتها سابتنى
مجنون عقله فى لحظة طيش !!!
صدقوا اللى قالو
خدعو خيالو
حب أيه ما حبتنيش !!!
Ad
مواضيع اخرى للمجلة
“إسيت” تحصد جوائز أفضل منتجات من المؤسسة الدولية
