حكايات وخواطر
أخر الأخبار

ف الفراق أوجاع كتير

ف الفراق أوجاع كتير

أوجاع تهدك م التفكير

و اللى فاضل قاسمنى فاصل

‏دبحه أحمى م السواطير

 

ف الفراق بتبان حاجات

حزن بين الذكريات

عايش فى حالة فيلم رعب

و صرخه يكتمها السكات

 

و مرعوب !!!

من الوحدة مرعوب

و خوف قلب فى الف مضروب

طول وقتى بوجعي مغلوب

و يومي و نومي مقلوب

 

نوم ف ثانيه يقلب كابوس

منه أقوم أوجاع تدوس

تفوت أيام معرفش أنام

جوة نفسي بقيت محبوس

و مفزوع !!!

من نومي أقوم مفزوع

ليه و ف عنيا دموع

رعب وقلق مشروع

زى الشجر له فروع

 

خياله بيعدى ف حيطانى ‏

و ‏الليالي تفوت و أعاني

و أما أفكر خوف مسيطر

يأس أنه راجعلى تانى

و مرعوب !!!

من الوحدة مرعوب

و خوف فى الف مضرووب

مفزوع !!!

من نومي أقوم مفزوع

ليه و ف عنيا دموع

 

 

حاجات ف بعده جدت عليا

‏تغير مضروب ف الميه

‏القلق مصاحبني عادى

‏و الدموع سهله ف عنيا

‏و مرعوب !!!

من الوحدة مرعوب

و خوف قلب فى الف مضروب

و مفزوع !!!

من نومي أقوم مفزوع

ليه و ف عنيا دموع

Adam

ف الفراق أوجاع كتير
ف الفراق أوجاع كتير

تابع مواضيع اخرى للمجلة

مؤسسة الهدى والدكتور جمال عبد الراضى تحدى أخر لمعاق على أرض مصر

5 حيل و نصائح لتحسين مهاراتك في “التصوير

فتوى في مؤخر صداق الزوجة

الكذب لدي الاطفال وطرق علاجه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى