السن المناسب لدخول الحضانة 

السن المناسب لدخول الحضانة 

بقلم:هدير محمد يوسف

أكثر سؤال بتسأله كل الأمهات ايه هو السن المناسب الي ابني يدخل فيه الحضانة

السن المناسب لدخول الحضانة

علشان أجاوب علي السؤال ده لازم لأخذ في بالي بعد الاعتبارات الأساسية والي منها:

أولا : انو عنده مهارة لغوية يقدر يعبر عن نفسه وعن الي ممكن يحصل معاه جوه الحضانة يقدر يحكي موقف

ثانيا : عنده مهارات شخصية زي انو ياكل ويشرب ويستخدم التواليت بمساعدة بسيطة

ثالثا : عنده مهارات ادراكية مدرك للمخاطر عارف ان الكهربا خطر لو قرب منها وانو لو جري بسرعة ممكن يقع .

رابعا: عنده مهارة التعاون والمشاركة يقدر يلعب من اكتر من طفل بنفس اللعبة ويقدر يتفاعل مع أطفال في نفس سنه

خامسا : يكون مؤهل نفسيا لمرحلة الانفصال دي (عن أمه) بسهولة ويكون متحمس لدخول تجربة جديدة وده يعتمد علي تأهيل الام والأب للطفل قبل دخول الحضانة بفترة كافية .

وطبعا كل ده الطفل لا يستطيع أكتسابه قبل سن سنتين ونص الي ثلاث سنوات

شروط أختيار الحضانة ( الروضة ) المناسبة لابني:

1- قرب الحضانة من مكان السكن أو عمل الابوين حتي لا يتحمل الطفل أعباء الطريق الطويل.

2- يكون مكان مفتوح وجيد التهوية ويراعي شروط النضافة والإجراءات الوقائية

3- يكون مكان واسع حتي يستطيع الطفل التحرك بحرية دون قيود او مخاطر

4- يفضل احتواء المكان علي كاميرات مراقبة تعمل

5- االتاكد من التأهيل التربوي والنفسي للمعلمات العاملين في المكان

وطبعا نسأل كتير عن المكان قبل ما نقدم علي خطوة الاشتراك لاولادنا

أزاي يتم تأهيل الطفل لنزول الحضانة ؟

في البداية ابدأ احكي للطفل عن انو كبر ومحتاج يروح لمكان علشان يتعلم فيه مهارات أكثر ويلعب ويرسم ويلون ويشوف أطفال في سنه يقدر يلعب معاهم وبعد ان يتم الاختيار المناسب للحضانة ابدا بالاتي:

انزل مع الطفل ونشتري شنطة جديدة جميلة للحضانة ويختار معايا

اشتري أدوات زي كراسات للرسم والوان وكتب تعليمية (في حالة عدم توافرها في الحضانة).

اخد الطفل زيارة للحضانة انا وهو في يوم لمدة نص ساعة وانا معاه يتعرف علي المكان ويلعب ويشوف الفصل والأولاد والمدر سات والألعاب وبعدين نروح سوا

تاني يوم المدة تكون أطول شوية وبالتدريج لمدة أسبوع متواصل .

بعدها أتفق مع الطفل ان هسيبه يلعب وهرجع بسرعة اخده بعد نص ساعة ده بالاتفاق مع الطفل (بلاش استخبي وأمشي وأسيبه ) لان ده بيفقد الطفل الأمان والثقة فيا وفي المكان .

استمر كل يوم أزود المدة من نص ساعة لساعة وبعدها ساعتين وطبعا اطمن علي الطفل من المشرفات وأكد علي ابني انو لو احتاج حاجه يبلغ المشرفة هي زي ماما في المكان وتقدر تساعده

بالتدريج الطفل هيتعود المهم الشعور بالأمان وانو هنا علشان يتعلم زي الأولاد الي في نفس سنه وعلي فكرة أولادنا بيفهموا ويستوعبوا كلامنا كويس جدا

أفضل طريقة لتدريب الطفل علي الحضانة هو التدرج والاحساس بالأمان

ومبروك أول يوم حضانة لاحلي دكاترة