الفتة بالخل والثوم
اليوم اقدم لكم وصفة جديدة من وصفاتي المتميزة
المقادير:
وصفتي انهاردة هي الفتة بالخل والثوم وهي اكلة مكوناتها اساسية وموجودة في كل بيت جربوها وانشاء الله تعجبكوا جداً .دائماً بدور علي اكلات كلنا نعملها بكل سهولة مبتاخدش وقت خالص وانهاردة هنعمل فتة الخل والثوم باسهل طريقة واحلي طعم هنجيب لحمة بلدي من الجزار واهم حاجة يكون جزار مضمون وتكون طازة وبعدين هنجيب الخضار فريش من اي مكان
تعالو نشوف الطريقة مع بعض
طريقة التحضير:
طريقة سلق اللحمة: هنجيب حلة ونضيف فيها مكعب زبدة ومعلقتين زيت وبعد كدة ننزل باللحمة تأخذ صدمة مع التقليب وبعدين هنضيف سبع فصوص حبهان ومقدار عشر حبات فلفل اسود حب ثم نضيف معلقة فلفل اسود مطحون ( معلقة صغيرة) ونضيف عليهم اتنين بصلة صحيحة كاملين ومعاهم ثمرة طماطم نصفين وبعدين هنضيف عليهم ملعقة ملح كبيرة او حسب الرغبة وننزل عليهم بالماية المغلية لعمل الشوربة، وتترك حتي السوي.
طريقة عمل الارز: هنجيب حلة ونضيف فيها ملعقة كبيرة سمنة بلدي وثلاث ملاعق زيت وبعد كدة هنضيف الرز المغسول ونصفيه جيداً ونضيف عليهم الملح حسب الرغبة مع التقليب لمدة خمس دقائق ونضع النصف ماء والنصف شوربة حسب الكمية ويُترك حتي السوي.
طريقة عمل الصلصة: هنجيب حلة فيها ملعقتين زيت ونضيف عليه ملعقة كبيرة ونصف ثوم مفروم مع التقليب لحد ما تأخد اللون الذهبي المصفِر ثم نضيف علي الثوم ثلاث ملاعق كبيرة خل ثم نضيف عصير الطماطم حسب الكمية المطلوبة ثم نضيف ملعقتين صلصة جاهزة مع التقليب ثم نضيف نصف ملعقة فلفل اسود مطحون وملح حسب الرغبة مع التقليب وتترك حتي تتسبك ونضيف عليهم ملعقتين كبار خل.
طريقة تحمير اللحمة: هنجيب طاسة ونضيف فيها ملعقة سمنة بلدي وملعقتين زيت ونحمر فيهم اللحمة.
طريقة عمل الفتة: يُقطع العيش البلدي الي مكعبات ونحمصه في الفرن ونديله تقلبتين مكان تحمير اللحمة ويُقلب لمدة دقيقتين ونضيف عليه ملعقتين كبار من صلصة الخل والثوم ونضيف عليهم ملعقتين من شوربة اللحمة.
ملوحظة: لكل كوب ارز هنضيف كوب ماء
ملحوظة: يُترك الارز علي نار عالية لمدة سبع دقائق ثم نتركه علي نار هادئة حتي السوي الكامل.
ملحوظة: بنضع العيش بعد ما يتحمص في الفرن بنزله مكان تحمير اللحمة مما بجعل طعمه رائع وبيفرق جدا في العطم
