وبعدين معاك يا قلبى
وبعدين معاك يا قلبى
بقلم / سمر الباز
وبعدين معاك يا قلبى
قولى وبعدين
هو انت كل ما تشوفه
تجرى وتسلم عليه
قلت لك اتقل بقى شويه
ومتبينش
قلت لك لو مرة حتشوفه
متسلمش
قلت لك الدنيا احلى من غيره
بس انت مش فاهم
فى يوم حتمشى وتسيبه
وانت مش نادم
بتسال نفسك هو انا
كده ظالم ؟
طب قولى ازاى بس
ظالم
ده انت دايما كنت فاكره
وهو ناسيك
نسيت ده اللى كان زمان
بيعذب
فيك
طب نسيت غدره
نسيت هجره
وطول لياليه
نسيت يوم ما
باعك
وروحت انت
تشتريه
طب نسيت
ده كله
وجريت عليه ؟؟
طب قولى
بس ليه ؟؟
قولى ليه 💔
وبعدين معاك يا قلبى
#سمر_الباز
