مونيكا وفن رسم الديجيتال

مونيكا وفن رسم الديجيتال

بقلم / د. مريم سامي

مونيكا وفن رسم الديجيتال النهاردة معادنا مع فنانة جميلة متميزة بطريقة مختلفة هي رسامة. ولكن قدمت لينا الرسم باشكال وطرق مختلفة.

فنانتنا الموهوبة. مونيكا عبدالمسيح

– مونيكا عبد المسيح من المنصورة وتحديدا مركز بلقاس .. عندها. ٣٠ سنة .. بكالريوس خدمة اجتماعية ..

مونيكا بدات الرسم من وهي عندها. 5 سنين تقريبا يعنى من اول ما مسكت القلم 🥰من اول يوم بدأت فيه وهي بتعشق الكارتون وشغل الاطفال ☺

مونيكا استمرت تنمي موهبتها. وتمارسها ولكن – وقفت مدة كانت 4 سنين ” 3 اعدادى واولى وتانية وتالتة ثانوى ” بسبب انشغالها فى الدراسة الفترة دى لانها. كانت بتحلم تدخل كلية فنًن جميلة لكن المجموع مجاش مناسب مع الكليه

فدخلت مونيكا خدمة اجتماعية

ولكن قررت ترجع تانى للرسم

وتحاول تنمي موهبتها اكتر حتي رغم عدم قدرتها علي دخول كلية الفنون الجميلة

مونيكت بدأت تتعرف على فنانين على الفيس بوك ساعدوها. كتير فى البدايات كانت. بتسألهم. عن الادوات وازاى تبدأ. تتقن الفن ..

ومن 2011 ل2014. كانت بترسم بالرصاص فقط بعدها بدأت ترسم بالالوان الخشب من 2014 حتى الان

مونيكا تفوقت جدا. في الرسم الديچيتال. ولما سألتها. عن الفرق بينه وبين الرسم علي الورق. دا كان ردها

* الرسم الديجيتال دا نوع من انواع الرسم بيكون عن طريق تابلت مخصص للرسم اما بيكون حر زي الايباد كدا أو بيكون بيتوصل بالكمبيوتر او اللاب توب .. والنوع دا من الرسم له قسم مخصص بكليه فنون جميلة

والميزة فيه انك تقدري تطبعي الرسومات علي التيشرتات والماجات واي منتجات مجسمة

**مونيكا. بعد مااتقنت الرسم. بدأت تفيد غيرها بفنها ..

فى اول 2016 بدأت اعطاء كورسات رسم للاطفال بتعلمهم

الرسم من اول استخدام القلم لحد اتقان طريقه الرسم والتلوين الصح وحتي استخدامهم اسلوبهم الخاص بيهم

مونيكا. اكتر اشخاص ساعدوها وشجعوها – في المقام الأول هي. والدتها.

ودعمتها. في أول مشوارها. بالادوات ♥️♥️ وبعدها والدها بدأ يشجعها ويهتم انه يشوف شغلها اول بأول

ولما سألت مونيكا. عن الصعوبات اللي بتواجهها. دا كان ردها

(((- الصعوبات هيا سرقه شغلي بما اني برفع شغلي عالميديا فا للاسف بيكون فيه ناس بتاخد شغلي وتحذف امضتي او اللوجو بتاعي ودا طبعا بيضايقني جدا ولكن لا مفر منه لان الميديا دلوقتي معرض كبير مجاني 🎨👩🏻‍🎨)))

مونيكا- شاركت في معارض كتير منها في المنصورة وخارج المنصورة

اخذت جوايز .. اول جائزة كانت عام ٢٠١٨ في معرض الأيدي الناعمة بالمنصورة وفي نفس العام شاركت في معرض بدمياط واخذت جائزة وعملت معرضين شخصين الأول كان عام ٢٠١٦ والثاني كان عام ٢٠١٩