٣٠/٦/٢٠١٣
ثورة_30_يونيو
مهما أتكلم عن اليوم ده وإحساسى بيه … مش هقدر أوصفه … بس تقريبا كل يوم وكل لحظة … بحمد ربنا إننا خلصنا من الفترة الصعبة دى … هى ماكنتش فترة صعبة بس … هى بالنسبة لى كانت فترة رعب وخوف من المصير المجهول إللى كنا متساقين له … أيوة متساقين !!
متساقين لأنه كان على غير إرادتنا …
فترة شفنا فيها يومياً أرقام لا حصر لها من الشهداء …
فترة شفنا فيها ناس كتير أبرياء مالهمش ذنب … إتقتلوا ومش عارفين هما إيه إللى عملوه عشان يحصل فيهم كده …
فترة تهنا فيها بين الظالم والمظلوم … وبين الحق والباطل …
فترة كنا بنخاف فيها نغمض عنينا وننام مرتاحين البال …
قلق وخوف ورعب وإكتئاب وحزن وعدم أمان …
كل يوم بكاء ودموع عشان الأبرياء إللى بيموتوا من الجيش والشرطة والشباب اللى كانوا أمل للمستقبل …
وبلدنا مصر الحبيبة … إللى كانت بتضيع ومش عارفين نهاية المصير إيه …
إحنا بجد عشنا أيام صعبة أوى وإحساس أصعب بكتير ومايتوصفش …
عشان كده بحمد ربنا على نعمة الأمن والأمان إللى بقينا فيه … واللى كنا تقريبا قربنا نفقد الأمل في إننا هنقدر نرجع بلدنا زى الأول …
بس إيمانى بربنا الحافظ لبلدنا مصر وجنودها وشعبها كان بيقوى الإيمان ده … وأن أكيد ربنا مش راضى عن إللى بيحصل فيها … وأن أكيد هيكون فيه إيد هتنتشلنا في يوم من الأيام من بحر الظلمات إللى كنا فيه …
لحد اليوم ده … إللى لازم يكون فعلا إحساسنا وفرحتنا فيه زى يوم العيد …
سيادة الرئيس عبد الفتاح السيسي كل الشكر والتقدير والعرفان لسيادتكم … على إللى عملته معانا لما طلبنا العون … كنت أنت طوق النجاة الذى لم يتأخر ولم يتوانى ليقف بجانب هذا الشعب العظيم …
كل الشكر والتقدير والعرفان لسيادتكم على نعمة الأمن والأمان والإستقرار … والذى تعلمنا أنهم أهم بكثير من الطعام والشراب …
كل الشكر والتقدير والعرفان لسيادتكم على إحساس الأبوة لأبناء شعبك وعلى إحتوائك ومثابرتك وإصرارك على بناء مستقبل وجيل أفضل …
كل الشكر والتقدير والعرفان لسيادتكم … وعدت ووفيت …
مصر أم الدنيا … وهتبقى أد الدنيا إن شاء الله …
حفظ الله مصر … أعظم بلاد الأرض … بقاداتها الشرفاء وجنودها الأخيار من الجيش والشرطة خير أجناد الأرض … وشعبها الشريف العريق والعظيم … الذى يظهر عظمته ونخوته وقت الشدائد والصعاب …
اللهم أملاً فى غدٍ مشرق … ومستقبل مضىء لأبنائنا …
اللهم آمين يارب العالمين …
🙏❤💪🇪🇬
بقلمى …
شيماء جاويش …
( طاقة الحب )
