أهلاً أهلاً يا رمضان
هِل علينا بكل أمان
فاكرين وسط حارتنا زمان
لمّا جيراننا وكل أحبابنا
الكل يهني وفرحان
ونعلق زينه في شوارعنا
وبنتسحر ، نسهر ، نفطر
سوا مع بعض في كل مكان
جارنا مسيحي و جارنا المسلم
مبتفرقش في مصر عشان
مصر هتفضل وِحْده و واحدَه
طول العمر وكل أوان
أمي وخالتي جارتنا إيڤون
كانوا إخوات مش بس جيران
من خير مطبخنا و مطبخهم
خير بيكفي الكُل كمان
ررتأطباق طالعه ونازله ورايحه
تملا موائد للرحمن
والفرحه بترقص في عنينا
لمًا بيضرب قبل المغرب
مدفع إفطار والشيخ رفعت
يِدّن وبصوت كله حنان
ونروح نفطر بعد أدان
والتسابيح والذِكْر ونحفظ
اللي اتيسر م القرآن
لسه في مصر اللمه الحلوه والتفاريح
فيها بنسمع أجمل غنوه والتواشيح
وحوي يا وحوي ، حاللو يا حاللو
أهلاً رمضان
رمضان جانا ، افرحوا يا ولاد
و رمضان يجري ونقول بدري
نفرح بعدها بالأعياد
مهما هنكبر بفانوس أحضر
هنغني ويّا الأولاد
ونقول على مَرْ الأزمان
أهلاً أهلاً يا رمضان .
بقلم / نجلاء علي حسن
الفراشة الزرقاء
جدول مواعيد مسلسلات الموسم الرمضاني القادم 2022 والقنوات العارضة لها.
المارد الأحمر على أتم الاستعداد فى رحلة البحث عن الحادية عشر
أصالة نصري تتضامن مع المنتخب الجزائري بعد إقصائه من كأس العالم
المسحراتي يظهر فقط مع شهر رمضان
قــــــــــــوارب الباذنجــــــــــــــــــان باللحم
