الناس معادن
حياتنا رحله طويله بنعدي فيها بحاجات كتير حلوه وحشه مواقف سعيده.. مواقف مؤلمه
وبتبقي الحكمه من الرحله اللي بنتعلم فيها حاجات كتير لكن الأهم اننا بنقابل أصناف كتير من البشر وبتظهر معادنهم مع كل موقف بنمر بيه بتلاقي المعدن الأصيل القوي اللي بنقدر نرمي حمولنا عليه ونتسد بكل قوه وبنرمي الخوف من جوانا بوجوده ونلاقي المعدن اللي يبان من بره أصيل لكن هو هش وضعيف في أساسه وجوده زي عدمه ونلاقي المعدن اللي مالوش قيمه ولا ليه قوه مجرد زحمه في حياتنا لا يغني ولا يسدي من جوع كتير بنمر بمواقف بتزعلنا وتأثر فينا وبنسال دايما اشمعني انا وانا بالذات بس افتكر ان ربنا لا يحملنا ما لا طاقه لنا به دايما في حكمه يا بنتعلم درس يا بتعرف الناس اكتر من مواقفهم وقفتهم جنبك وقت الفرح ووقت الشده دور جواك وحول المحنه لمنحه ادرس اتعلم وغير من نفسك واوعى تزعل من خساره حد مكنش قد ثقتك وخليك ماشي بمبدأ قدر تتقدر واعرف معادن الناس صح علشان تعرف قيمه كل واحد جنبك ومين اللي يتحط تاج على الراس ومين اللي لازم يخرج من حياتك من غير قلبك ما ينداس
اوعي تزعل على اي موقف بتمر بيه بيغربل حواليك اللمه الكدابه اللي بيفرزلك معادن الناس حواليك يقربلك الأصيل ويبعد عنك كل خسيس قليل الاصل
وخلي دايما دعوتك اللهم ارزقنا حبك وحب من يحبك وحب كل عمل يقربنا الي حبك
بقلم/الاعلاميه ولاء انور.
تابع مواضيع اخرى للمجلة.
كريم عبد العزيز وتاريخ نشأته في وسط فني منذ طفولته
حديقة الأورمان هي حديقة في محافظة الجيزة بمصر
المارد الأحمر على أتم الاستعداد فى رحلة البحث عن الحادية عشر
