مشاكل الأسنان عند الاطفال—الحزء الثانى

مشاكل الأسنان عند الاطفال—الحزء الثانى

اليوم ستكمل دكتورة مريم سامى  حوارها الطبى مع دكتورة سارة باهر   مشاكل الأسنان عند الاطفال وحلها

***********************************

****دكتورة  سارة باهر  بكالوريوس طب وجراحة الفم والاسنان جامعة عين

شمس  والحاصلة على شهادة برنامج الاقامة المصغر لطب اسنان الاطفال  

ولديها عيادة Roman’s clinic بميدان سانت فاتيما 

،،،—،،،—،،،،—-،،،—،،،—،،،

اهلا دكتور سارة وحنرجع نكمل حوارنا مع حضرتك في الجزء الثاني لمشاكل الأسنان عند الاطفال 

*****

دكتورة سارة هنكمل الجزء الثاني من حوارنا عن مشاكل الأسنان عند الاطفال  وهسأللك

….امتى نبتدى نهتم باسنان اطفالنا ؟؟؟وازاى ؟؟؟؟

_اولا _ الحقيقة الاهتمام بالاسنان بيكون من قبل ظهورها

بمعنى ان الام بتقوم بتنظيف اللثة بعد كل رضاعة بقطعة مبللة من الشاش

او بفرشاة مطاطية مخصوصة تتلبس فى الاصابع لتنظيف اللثة من بقايا اللبن لمنع حدوث التهابات فيها

_اما المراحل المتتالية من اول ظهور الاسنان نستخدم فيها فرشاة

ناعمة مع وضع طبقة رقيقة من معجون الاطفال . وتزداد سمك

الطبقة تدريجيا حتى تصبح كحبة البازلاء فى عمر ال3 سنوات
على الا يبلعها الطفل

_وبعد 6 سنوات يستعمل الطفل معجون اسنان الكبار

****افضل شئ غسل الاسنان بعد الوجبات ولكن لو مكناش قادرين يبقى

غسلها صباحا ومساءأ والاهم على الاطلاق غسلها مساءا قبل النوم لانها الفترة اللى بيحصل التسوس فيها

****من اكتر العادات الخاطئة اكل الحلوى بكثرة خصوصا فى فترة المساء

لانها بتترسب على الاسنان وبتسبب التسوس يعنى نقنع الاطفال باكلها صباحا
___…..—…..___……___…..—

—ثانيا—

هل ممكن مشاكل الاسنان تأثر على مخارج الالفاظ وطريقة الكلام وتسبب مشاكل ؟؟؟

— اكيد طبعا ممكن تشوه الاسنان ووضعها الخاطئ او فقدها يأثر جدا على

نطق الحروف ..ودا بيسبب الم نفسي للطفل وشعوره بعدم الثقة فى نفسه والخجل والانطواء

— وعشان كدا لازم الاهل ياخدو بالهم لانها ممكن تكون السبب فعلا وممكن علاجها بسهولة بعمل تقويم او تركيبات

لذلك يجب سرعة الملاحظة والعلاج .

— ولكن ممكن تكون المشكلة اصعب ومش سببها الاسنان هنا الاهل بيلجأو لاطباء التخاطب وعلاجات اخرى

***************************

— ثالثا—
ايه الصعوبات اللى بتواجهك ؟؟

— اصعب شئ هو التعامل مع الاطفال ذوى القدرات الخاصة والتوحد والامراض المزمنة والصعبة

— بجانب التعامل مع بعض الاهالى سواء الاهالى اللى بيسببو الرعب فى قلوب اطفالهم او اللى بيدللوهم جدا

**************************************

— رابعا—

ايه اهم النصائح اللى بتقدميهالنا النهاردة ؟؟ لتجنب مشاكل الاسنان عند الاطفال.

_اهم النصائح هى ضرورة تعليم اطفالنا غسل اسنانهم من وهم صغيرين جدا 

_الاهتمام بزيارة طبيب الاسنان والمتابعة الدورية    للحفاظ على اسنان اطفالنا  لان الوقاية خير من العلاج 

وعدم اهمال اى شكوى وتركها حتى تتفاقم المشكلة 

***********************************

وفى نهاية الحوار بشكر دكتورة سارة باهر جداعلى المعلومات المفيدة

والحوار الجميل  وانتظرونى فى حوار جديد ومعلومات طبية جديدة فى باب طبيبيك الخاص 

دكتورة …مريم

تابعونا علي الفيس بوك

https://www.facebook.com/%D9%85%D8%AC%D9%84%D8%A9-%D8%B9%D8%B1%D9%8A%D8%B3-%D9%88-%D8%B9%D8%B1%D9%88%D8%B3%D8%A9-Groom-Bride-Magazine-313575946143990/

مواضيع اخرى// سيدة الألوان المضيئة 

مريم وجيه اول فنانة تشكيلية من اصحاب الهمم

الديرما بن—تيسير فهمى